今日整左呢 2 樣餸 ...
" 欖菜肉碎炒豆角粒 / 午餐肉炒蛋 "
今日 chloe 學校有觀課日,
今朝一早就上左學校喇 ....
下午又約左朋友食 lunch
之後仲去埋 "陳枝記" tim ...
返到屋企都成 4 點幾喇
簡簡單單買少少餸就返屋企,
去到街市行左個圈都諗唔到今晚食咩好,
出左街成日, 最好就係簡單 d , 容易 d 啦 .....
見到 d 豆角幾靚, 一於今晚食豆角 ...
" 欖菜肉碎炒豆角粒 "
諗多個餸 tim, 午餐肉啦,
唔想就咁煎, 就整 " 午餐肉炒蛋 "
今次我加左乾蔥頭切片一齊炒
又幾香 bor .......
唔知係咪呢 2 個餸送飯好,
連 chloe 食飯都食快左好多呀 ....
今日想焗蛋糕,
但下午坐喺梳化又訓左一陣
唯有等 chloe 跳完 ballet 返屋企後先開工啦 ...
焗左呢款蛋糕 ....
" 椰香葡萄 muffin "
焗緊時, 已經聞到好香的椰香喇 ...
焗好後, 個面脆架 ...
食譜 :
低筋麵粉 160g
泡打粉 1/4茶匙
梳打粉 1/8茶匙
提子乾 80g
雞蛋 2隻
砂糖 100g
沙拉油 100g
椰漿 200g
椰絲 80-100g
椰絲 適量 (裝飾用)
做法：
1. 全蛋加入砂糖用打蛋器攪勻, 加入沙拉油拌勻；
2. 加入椰漿拌勻, 再加入椰絲改用膠刮刀拌勻；
4. 混合粉分 3 次篩入 (2) 中, 用膠刮刀以不規則方向輕輕攪拌至無粉粒,
加入提子乾再輕輕拌勻；
5. 用匙 "畢" 入紙模中 8 成滿，在麵糊上灑上椰絲；
6. 預熱180度焗 25-30分鐘左右便成
今日煲左呢個湯 ...
" 蕃茄薯仔煲豬軟骨 "
今日冇加紅衫 / 大眼雞落去煲,
因為 d 豬軟骨都唔少
呢排 d 天氣忽冷忽熱咁,
上星期已經著短袖 Tee
呢個星期又凍返,
天文台仲話呢個星期五得 15度 ...
都係增強自己身體抵抗力實制 d ....
所以就諗到煲蕃茄薯仔湯啦,
之前見 blog 友 agnes 用豬軟骨煲湯,
我未試過用豬軟骨煲湯,
通常都係用鮑魚骨, 西施骨, 豬尾骨...
e .... 我自己都好鐘意食豬軟骨架
(正確黎講係咩軟骨我都鐘意食,
而家連 marcus 都鐘意食喇, 因為佢話見我食得咁滋味,
佢又要試下 wor, 點知一試就上癮啦 
其實豬軟骨都可以整其他菜式,
一諗就諗到豬軟骨拉麵啦 ...
等我諗諗下次用豬軟骨整咩先 ....
印象中....
由去年聖誕節前開始,
Marcus 對 Harry Porter 呢套書,
好似入左迷咁,
喺呢短短 3/4 個月內
Marcus 已經將成套 Harry Porter 小說睇哂 ....
(有 d 係嬸嬸借比佢睇, 有 d 係佢喺圖書館借返黎睇)
呢套 Harry Porter 小說,
相信好多人都睇過,
本本都咁厚, 又多字
佢喺咁短時間內睇哂
可想而知 Marcus 對呢套書嘅熱愛程度 ...
佢而家成日問我 :
媽咪, 你知唔知乜乜乜, 記唔記得物物物 ...
雖然我都有睇電影,
但真係有 d 內容唔記得喇,
而且, 佢睇嘅係小說, 好多細節電影係冇架 .....
不過, 見佢咁鐘意睇,
出街都要帶住,
而家仲要重新再睇一次
我都冇 stop 佢,
始終, 就算睇小說都可以在書中學到 d 野,
例如, 詞句修飾, 詞語運用等等
今日整左 .....
" 日式鰻魚飯 / 蠔汁椰菜包 "
前日喺吉吉島買左 pack 燒鰻魚,
果日 chloe 好搞笑, 試食完又試食,
足足食左 3 次,
難得果位亞姐又全程好好笑容 wor
(有 d 亞姐真係唔采你架 ...)
係咁問 chloe 仲要唔要呀咁
我地食過都覺得幾好味,
所以買左一 pack, 今晚用黎做晚餐 ....
其實成條鰻魚都已經煮好哂,
我將佢煎返熱後, 煎到個底脆脆地,
自己再加 d 炒過的白芝麻和蛋絲放上面,
便成一碗好味的日式鰻魚飯 ....
想有 d 蔬菜,
整左呢個 " 蠔汁椰菜包 "
今日煲左呢個.....
" 紅蘿蔔粟米馬蹄茅根水 "
呢個紅蘿蔔粟米水 (我通常都咁叫 ....)
我已經煲左好多年,
由 marcus 出世後, 好多時都會煲,
因為呢個紅蘿蔔粟米水,
連 bb 都 arm 飲,
可以清清熱氣.....
就算小朋友發緊燒, 都可以飲架
不過就唔會落茅根, 怕太涼 ...
其實仲可以加埋竹蔗一齊煲
但因為竹蔗會惹痰,
所以好多時我都唔落,
小朋友一咳, 真係有排先好,
佢地辛苦之餘我又心痛 .....
亦可以加生熟薏米,
不過前幾日先煲過薏米水,
所以今日唔落喇 ...
