呢款 " 年年有餘 " 年糕
舊年做過送比朋友
大人和小朋友都鐘意
所以, 今年再做黎送比親戚朋友 ...
" 年年有餘 "
2011年1月31日 星期一
2011年1月26日 星期三
福 。 椰汁紅豆夾心年糕
舊年已經想試下做呢個年糕
不過最終做左 年年有餘 (鯉魚椰汁年糕 + 桂花馬蹄糕) 而冇做到 ...
今年特登買左個 " 福 " 字模試下做 ...
" 椰汁紅豆夾心年糕 "
最底同最頂做椰汁年糕,
中間果層係椰汁紅豆年糕 ...
我見屋企有罐日式紅豆茸, 所以用左佢,
我諗係因為冇煲紅豆, 冇紅豆水, 加上用左椰汁,
所以個椰汁紅豆年糕冇咁紅色 ...
切件煎黎食, 外脆內軟, 味道唔錯 ...
椰汁紅豆年糕未做過,
當然要先試做, 切件煎好後淋上桂花糖漿食 ...
就係用呢罐紅豆茸 ...
2011年1月24日 星期一
絲絲蘿蔔糕
橫跨呢 2 個星期都係 Chloe 嘅考試期
原本諗住等佢考完試, 今個星期中先開始蒸年糕
但見佢溫書進度都唔錯
所以忍唔住上星期五晚已經開左工試整 ...
試整係因為往年都係媽咪整比我地食
舊年都係要媽咪在電話中教住做 ...
今年, 試下完完全全自己做 ...
影低 d 步驟, 下次做時便有個參考 ...
做左 2 斤蘿蔔糕, 將 1/4 蘿蔔切條, 其餘刨絲 ...
因為係試整, 所以唔落太多料, 怕 "side"
食譜 : 做左 2.5 個磅蛋糕錫紙蛋糕盤
材料: 白蘿蔔 約 2斤
粘米粉 100 g
鷹粟粉 50 g
水 用來開粉漿 (先用煮蘿蔔的水, 但因每個蘿蔔出水量不同, 所以唔夠
自己再加, 或過多就自己減) 今次試做版, 我用了 250ml 煮過的
蘿蔔水, 再加 70 ml 左右的水 (total 用了約 320 ml 水)
臘腸 因為係試做, 所以只用左 2 條 (應該要多 d)
潤腸 因為係試做, 所以只用左 1 條 (應該要多 d), 或可用臘肉
蝦米 適量
做法 ...
1) 白蘿蔔取出 1/4 用刀切條, 其餘用刨刨絲 (刨絲後會有水出, 留用)
2) 臘味用熱水沖一沖, 切粒
3) 蝦米用水 (80ml) 浸軟後切粒
4) 熱鑊, 落油爆香臘味, 盛起備用
5) 原鑊加入白蘿蔔連水, 另加入蝦米粒和蝦米水 (80 ml) 加糖, 鹽和胡椒粉調味
拌勻並試味 (一定要試味,因為人人口味可不同), 煮至蘿蔔軟身, 見透明便可以
熄火 (可以參考下面 4 合一的相, no. 2)
6) 將煮蘿蔔後的水 (250ml) , 拌入粘米粉和鷹粟粉拌勻, 直至沒有粉粒
7) 唔駛開火, 加入臘味粒, 拌入粉漿, 將所有材料拌勻
(我自己覺得唔係好夠水, 再加多70 ml 左右的水再拌勻)
8) 開慢火, 炒勻, 直至水份收乾, 便即刻熄火, 用鑊鏟繼續炒至完全均勻,
如下面張相
9) 糕盤搽油便可倒入混合物, 大火蒸45分鐘, 放入竹籤沒有粉漿沾上即糕熟
剛蒸好時 ...
自己好鐘意食啱啱蒸好時, 熱辣辣嘅蘿蔔糕 ... 加豉油, 蔥粒, 胡椒粉食, 好正 !! 
放涼後 ... 放入雪櫃
雪一晚後, 切件煎黎食, 2 盤糕做左我地星期六的下午茶
2011年1月19日 星期三
2011年1月17日 星期一
清清地 ~ 蝦膠釀豆腐 / 三文魚鬆蒸蛋
清清地 ...
整左呢 2 個餸
" 蝦膠釀豆腐 / 三文魚鬆蒸蛋 "
玩自家製蝦膠, 攪到手都軟
不過呢個真係好受歡迎, 佢地已經落定 order 要 encore
三交魚鬆係買返黎嘅, 用黎蒸蛋好健康
2011年1月14日 星期五
訂閱：
文章 (Atom)