預祝各 blog 友仔 " 復活節快樂 "
星期日晚, 做了 " 綿花兔 " 應下節 ...
(多謝琳琳 ... 
終於都過埋今日 ...
呢排個人其實有無形壓力
(壓力在於Marcus 考試前病左仲發燒,
之後學校停課, 考試要延後,
人算不如天算下, 考試期間撞正去 interview ...)
搞到個人唔在狀態, 加上咳到而家都未好返,
想整野食都冇心機,
諗住去探下 d blog 友仔, yahoo 又成日short ...
但有 d 野唔做唔得 ...
舊年到而家, 我地都冇返過鄉下
其實好想返, 不過鄉下紙水高, 唔係好捨得返去 ...
好遲嘅決定下, 我地決定去台灣玩幾日
呢 2 日做哂去旅行準備嘅野, 執行李, 搵資料等等 ...
聽日就出發喇, 希望玩得開開心心
返黎見喇 ...
這個生日蛋糕真的是來遲了 ...
原本一早就應該送出,
但因為一直都唔多舒服, 到身體好返 d 時
又因為某 d 因素約唔到壽星女
到上星期四, 終於約實喇 ...
其實我真係好大膽, 竟然會做生日蛋糕給高手 ...
不過當我收到佢為我做的生日蛋糕時, 真係好感動
( 佢係第一個親手做生日蛋糕給我的朋友,
雖然我地只係喺網上認識, 不過就好啱玩又啱傾 
心裡面已經諗緊好唔好親手做一個生日蛋糕給她呢 ?
掙扎了一段時間 ...
最後, 我呢個 bb 班只做了一個簡簡單單的
" 大口仔唧花黑森林蛋糕 " 送給她 ...
因為我知道她鐘意大口仔, 亦知道她鐘意古古力,
但原來, 鐘意大口仔 & 古古力嘅仲有其他人呀
當知道你和你的他都喜歡時
我真係好開心 ...
當日做呢個蛋糕時, 其實仲食緊藥,
所以隻手係一路唧花一路手震, 搞到有幾個位
唧得唔靚, 個蛋糕亦 cut 得唔夠圓 ...
希望你唔好介意 ...
再次祝你 ... 琳琳, 生日快樂, 身體健康
2010年 3 月10日 (Wed)
今日Chloe 學校有觀課日,
邀請家長上學校睇下小朋友上堂情況 ...
學校因為衛生問題, 一開學時已經要求家長
準備乾淨布鞋比小朋友拎返學校更換 ...
所以今日家長一入課室前, 便需要套上鞋套 ...
由班主任用電腦 + 大圖書教授小朋友課程
當日教 " 如何節約用水 " ...
個個小朋友都踴躍答問題 ...
今日有普通話堂, 由普通話李老師用故事形式
教小朋友有關 "彩虹" 的形成 ...
接住, 就由家長們負責教小朋友做手工或小食
原來班主任馬老師之前已經問左 chloe, 問佢可唔可以
叫媽咪教小朋友包餃子 ? 個傻豬當時已經應承左 ...
所以, 到馬老師再問我時, 我便答應了她 ...
我示範左2/3次之後, 小朋友就開始自己整,
雖然佢地唔係個個都整得靚, 但有 d 都有板有眼 ...
見佢地咁有心機同咁專心整, 真係要比 10 個叻佢地
個個喺度等食 ...
chloe 今日食得好快, 食完後佢話仲想再包,
影低比 daddy 睇 ...
李老師又教小朋友用唔同顏色溝成不同的顏色 ...
小朋友們在玩 " 蒙特梭利 " ...
好快又過左 2 個幾鐘, 今日的觀課日要結束喇 ...
臨走前, 影左一幅 chloe 喺學校畫的畫 ...
呢排好興呢句金句 ....
" 真的假不了, 假的真不了 "
用黎形容我整呢個餸好貼切
又係之前整架喇 ...
" 桂花炒素翅 "
呢個素翅, 我覺得像真度好高
炒好後, 食起黎真係好似食緊真翅咁 ...
誰說 ... 假的真不了 ???
呢 2 個星期斷斷續續咁病
都冇乜心機煮 d 特別餸
呢個 " 焗芝士漢堡三色長通粉 "
已經係之前整架喇 ...
marcus 剛剛經過見到我出 blog,
佢話 : 咦 ... 媽咪, 你呢個意粉係之前整架 wor,
你而家先出嘅 ? 係唔係仲有 d 未出架 ??
做了 " 桂花馬蹄糕 " 送給 blog 友仔 ...
其實做好這 6 個桂花馬蹄糕之後,
我係有諗過唔送出去的
因為對個糕糕嘅顏色唔滿意 ...
(如果可以做到出面賣果 d 咁嘅金黃顏色就好喇 
但真係冇時間比我再做 ...
daddy 試過後話呢個糕除左個顏色唔似出面果 d 之外
個味道都唔錯, 幾清甜, 亦都有少少桂花香 ...
所以最後, 都係送左比 blog 友, 希望佢地唔好介意 ...
原本諗住見到 d 高手時要問下佢地
不過掛住傾計又唔記得左 ...
蒸好後放涼食同煎黎食都唔錯 ...
*****
其實我對呢個 " 桂花馬蹄糕 " 真係有疑問,
唔明白點解次次做呢個糕時, 個顏色都唔一樣 ??
下面呢個係舊年第一次做時嘅顏色, 比較似樣 ...
今年過年時做的, 顏色已冇舊年咁金黃 ...
今次同一日, 分 3 次蒸 6盤糕, 顏色竟然每次都唔一樣 ??
我每一次整呢款糕都係用 "冰糖",
係唔係應該用第 2 種糖呢 ? 等我請教下 d 高手先
好想再試做, 想做到出面賣果 d 咁嘅金黃晶瑩的效果 ...
開始起咳, 今晚去左睇醫生 ...
我最怕咳變成氣管敏感咳,
因為試過幾次, 要 2-3 個月先好得返哂,
真係好怕 ....
睇左醫生後, 佢話我氣管開始差
開左藥比我食
頭先食完藥, 諗住覆番 d 回應 & 出 blog ....
點知覆覆下, 就開始覺得個人 wing wing 地
唔知點咁 ... 唔知係唔係 d 藥重得制 ...
想覆埋其他回應都唔得
我諗我要做嘅, 就係而家即刻去訓 ...
2010年2月28日 (sun)
今日 chloe 跳舞學校有 open day
歡迎家長入跳舞室參觀小朋友上堂情況 ...
daddy 因為要送 marcus 去打棒球, 冇睇到
我影左相 & 拍左 video 比佢睇
睇住 daddy 一路睇一路笑
呢隻舞係考試舞中其中之一隻,
郭老師話佢地學左呢隻舞已經 2/3堂 ...
wii ... 真係魅力非凡
買了 wii 主機已經成 2 年
但因為佢 d 遊戲好多都要揮動遙控器,
所以 chloe 前 2 年仲細時, 我地都好少玩
因為 chloe 好鐘意喺我地玩緊果陣, 行黎行去 ...
好怕唔小心會打到佢, 果 d 力真係唔講得少 ....
今年出左 wii sports,
chloe 又大個 d, 好明白危險,
所以 daddy 都買左黎玩, 只係 weedend 先玩 ...
chloe 有 d 遊戲仲玩得叻過我
見佢玩得咁投入
2010年2月28日 (sun)
今日係元宵佳節,
雖然忙緊, 但都整左 d 甜品小食應下節...
除左整左 2 款不同餡料的湯圓之外,
我整左講左好耐但都未整嘅 " 麥提沙糯米糍 "
( 多謝琳琳教我用古古力奶整, 真係香 d ...
同埋糯米糍個顏色靚 d ...
趣事一則 ...
話說佢地幾個好投入玩 wii 時,
我就喺度整啦, 仲一路整一路偷食
包下又食下咁, 都唔知邊粒打邊粒冇包到麥提沙
到攞出黎食時, daddy 真係食到冇麥提沙嘅糯米糍
佢問點解會冇左粒麥提沙嘅 ???
我即時反應係 ... 吓 ?! 咦 ?! um ......
之後佢冇再問, 又繼續同 2 個小魔怪打 wii
