潮人去 "潮民" ...

 

潮人去 "潮民 " ... 打邊爐 

呢間 "潮民 " 火鍋,  係喺某報導見到  ...

話有好多潮人去,

我地呢 d 潮人, 梗要去 " 潮民 " 食番轉啦 

 

當日去, 真係見到有幾多著得幾潮嘅潮人去 ...

有 d 冇 book 到枱嘅, 去到都冇位

其實, 呢間 "潮民 " 位於大坑, 唔係好大間

只係舖位, 我地當日去, 仲要行過第 2 條街去第 2 個舖位

不過就有  2 樓, 但聽個哥哥講, 都係唔係好大咋 ...

 

用不锈鋼做碗, 筷, 真係幾潮 wor ...

混醬 ... 

 

我地叫左鴛鴦窩, 什菌窩 + 麻辣窩

個什菌窩唔錯, 不過個麻辣窩就咸左 d ...

 

手切肥牛, 本來我想食牛粒, 不過 daddy 麻麻牛粒 ...

呢個手切肥牛, 我覺得幾好, 不過唔係我食過最好嘅 ...

 

日本黑豚肉, 呢個好味, 好爽口, 可惜比我手快快 del 左張相   ...

 

鱔片, 好新鮮 ...

日本蠔, 好肥美 (除左果隻 bb 蠔  ), 好鮮甜 ...

墨魚滑, 唔係彈牙果隻, 不過好有墨魚味  ...

唔少得嘅粟米 ...

黃帝菜 ...

daddy 叫嘅啤酒, 好鐘意 d 食市將 d 杯雪凍黎 for 凍飲

我覺得佢地有誠意 ...

我地就叫左 "咸檸雪碧" (因為冇 7 喜)

成個咸檸比你 "篤" 

  

大吉大利 !!

 

2010年 2月17日 (wed 年初四)

年初五 & 年初六約了 blog 友仔 blog 聚,

今日出完街返到屋企就即刻整整整 ...

用了南瓜蓉, 糯米粉做皮 & 紅荳沙做餡,

做了 " 大吉大利 " 給她們, 希望各人都大吉大利 ...

沒有收到實物的 blog 友仔 ,

開心媽咪喺呢度 ... 籍着呢幅相

再祝福大家  ... 虎年大吉大利 

 

 

睇睇下 ... 幾鐘意幅相,

襯仲係新正頭, 將張相置在頂部 ... 

年年有餘 (鯉魚椰汁年糕 + 桂花馬蹄糕)

 

應承左朋友仔整野食去 "團拜" 時食 ...

整左呢個 " 年年有餘 "

鯉魚 (椰汁年糕) + 池塘 (桂花馬蹄糕)

未試過整鯉魚年糕, 都怕整得唔好 ...

連橙色素都唔記得買, 好彩都算 ok  ...

其實整呢個年糕時都幾烏龍, (呢排成日都係咁 )

忘記左將個糊面掃平, 就叫 daddy 幫我將底糕放入鑊蒸,

到醒起時已經黎唔切補救,

蒸好後個效果竟然有 d 似係流水

放埋幾條鯉魚上面就做好 ...

朋友仔食左話唔錯, 又唔太甜,

果幾條鯉魚就最受小朋友歡迎, 佢地話好食 ...

 

2010 虎年大年初三團拜

 

2010年 2月16日 (tue)

今年團拜, 我地轉移陣地, 去左 Patrick  屋企玩

先去九龍城陶源飲茶, 今日好齊人 ...

過年, 麻雀耍樂唔少得 ...

去到冇幾耐, 工人姐姐又煎糕招呼我地喇,

我整去果個鯉魚年糕, 好快就消滅左 ...

Patrick 個 daddy &  媽咪仲招呼左我地食好多野 ...

又生果, 又年糕, 又糖果 ...

食晚飯時, uncle 仲請我地飲紅酒 ...

小朋友一去到就玩而家好興嘅 wii sports ...

玩到好投入 ...

 

Donald & Patrick 夠高, 輪流抱起 chloe 掂天花版

不過佢地同我講, 話 chloe 踩佢地個心口同塊面呀 

chloe ... 你仲唔比我影到你偷食古古力

今晚我地 order 左隻乳豬食, d 皮好脆, 好味 ...

佢地話好食過我地去 bbq 時自己燒,

當然啦, 人地係師父嘛  

仲有盤菜,  什菜煲, 同埋幾個家庭小菜等等 ...

食飽飽, 又係小賭怡情時間, 志在嘻嘻哈哈笑餐飽

主人家做庄, 冇人買雞, 庄家就話開 3 雞,

估唔到真係開 3 雞 ... 好邪呀 ))))))  

最後就玩盲公"式", 次次我地都玩到 we 嘩鬼叫

睇下, Donald 冇錢收不特至, 仲要 ...

 

臨走前, 影返張大合照先, 姐姐揸相機, 係咁上下啦 ...

 

蘿蔔糕

 

 

虎年將至, 預祝大家 ....

 

 

 

2010年2月11(thur)

 

往年過農曆年, 都係媽咪整蘿蔔糕比我地

但今年因為爸爸的事, 媽咪唔可以搞過年嘅野 ...

所以, 今年就試試自己整,

不過我想用返媽咪的方法, 早幾日已經問定佢個程序 ...

今朝一早, 送左 marcus 返學就開工,

但一路整都有打電話問住媽咪, 好彩佢冇話我煩 

媽咪叫我試下將 d 蘿蔔切條, 但她往年做時都係刨絲

今次, 我就 2 樣都試下 ...

 

問媽咪個份量, 佢只係話 " 自己恩, 冇份量架 "

呢句不嬲都係佢口頭禪黎嫁

媽咪做法, 係唔用澄麵的 ...

 

第一盤 "刨絲" 嘅, 落多左少少水溝粉, 但就好多料 ...

 

第二盤 "切條" , 材料比例啱 d,

因為分左 2 盤,  所以料就相對每盤少 d ...

睇落好多水, 但蒸好後又唔係 ...

 

蒸完出黎, 都分別到用唔同方法整嘅蘿蔔糕 ...

"切條" 方法 ...

"刨絲" 呢盤, 似闊麵條呀

 

蒸好後就出街喇, 因為今日要做家長義工,

帶小朋友去行花市 ...

 

*****

 

2010年 2月 12日 (fri)

急不及待喺雪櫃攞 d 蘿蔔糕出黎切開睇下 ...

煎好後, 落多左水嗰盤真係冇咁實,

不過都唔會散 ...

 

2 盤嘅味道都唔錯, 佢地話好食,

等我過左年又再試下整比媽咪評下分先 ...