Hello Kitty 生日蛋糕 for Chloe (附上做法)

 

 

今年 Chloe 生日,

我整左佢鐘意嘅卡通人物之一 ...

" Hello Kitty 生日蛋糕 "

送比佢 ...

呢款卡通公仔頭唧花生日蛋糕係我第一次做

之前一直想試下玩, 今日就做左喇 ...

都算滿意, 初初個 ribbon 唧花唧得麻麻

而個朱古力漿/線條亦唧得唔係好靚

因為我係就咁用牙籤劃個樣出黎,

希望下次可以做得靚 d ...

我覺得呢款卡通公仔頭蛋糕好好玩,

又靚又可愛 ...

Chloe 一見到個生日蛋糕嘩左出黎呀 ... 

而佢地話個蛋糕簡單得黎好味 ...

呢個 6" size 蛋糕,

我地一家四口一晚食哂 ... 

 

 

食譜 + 做法 :

材料準備 :

1) 6" 海綿蛋糕 1 個

2) 生果 (可選自己喜歡的生果, 我原本想買士多啤梨,

 不過 d 士多啤梨唔靚, 所以轉買芒果)

3) 打至企身的甜忌廉適量

4) 色素少量

5) 朱古力漿適量

6) hello kitty (或其他卡通人物) 頭的紙樣一張

(紙樣印劃在牛油紙上)

 

做法 :

1) 卡通頭牛油紙印在海綿蛋糕上, 切出卡通頭樣的蛋糕

2) 再切開 2 片

3) 把甜忌廉抺在第一片蛋糕面, 並放上生果

4) 抺甜忌廉在生果上, 再放第 2 片蛋糕在甜忌廉上

5) 然後抆上甜忌廉在第 2 片蛋糕上

(此步驟只需抆簿簿一層忌廉便可)

6) 甜忌廉抆整個蛋糕邊

6) 用牙籤劃 (篤) 上卡通人物的樣子

8) 把忌廉放入唧袋, 用唧咀唧花在蛋糕面便成 ...

 (如需要其他顏色, 可以取適量甜忌廉滴入色素混合來用)

 

9) 如有需要, 自行加上其他裝飾材料 (eg 朱古力漿 ...)

 

** 因天氣仲未係好凍, 所以每一次用完甜忌廉,

我都會將個蛋糕放雪櫃雪一陣 ...

而未用的甜忌廉亦要放在雪櫃雪住 ...

 

 

 

 

 

 

 

ivr