開心掘蜆日

 

2009年10月4日 (sun)

今日我地等 chloe 跳完 ballet 後就出左去飲茶

daddy 提議不如去東涌掘蜆 ...

佢話曾經見過話有得玩, 即時用佢個 PDA

上網搵資料 ...

今日係農曆十六, 日子都 ok wor, check 埋個潮退時間

就可以出發 ...

但因為飲茶搞晏左, 我地去到東涌都成 4 點

daddy 仲話可能都差唔多開始潮漲 ...

唔理喇, 一場黎到, 梗係要去玩下啦

去到東涌搭11號巴士 .... 喺 "水口站" 落車

原來 11號巴士去大澳 

(我地琴日 ... 重陽節去左行下, 下回再講) 

好快就見到有掘蜆工具出租嘅 "花草屋茶水間"

呢度仲可以比你玩完 "沖乾淨對腳" 同埋有

"餐蛋麵" "腸仔" "雞翼" 食架 ...

第一次玩, daddy 只租左 2 隻 "爬" & 1個水桶

(冇記錯, 好似係租左 $10.00)

沿途行落沙灘, 會見到好多牛

我地見到一隻大肚牛媽媽, 佢個肚真係好大,

我地估呢隻牛媽媽應該就快可以生牛 bb 喇 ...

 

好快就落到沙灘, 好大, 見到都興奮呀 ...

剛剛去到時, 水還未漲 ...

好多時會見到好呢類小 "動物" ...

今日都唔算好多人黎玩 ...

marcus 第一個掘到蜆, 雖然唔係好大隻,

不過我地都好開心  ...

之後, daddy & marcus 都陸陸續續掘到,

不過 size 都係唔大, daddy 話行遠少少可能會多 d

同埋 size 大 d, 不過 d 水好似開始漲緊,

我地都冇行出去 ...

daddy & chloe 的對話 ...

chloe 都有自己掘 ...

最終都掘到一隻架, 不過比我唔小心 del 左張相 ...

marcus & chloe 一齊掘 ...

我地喺度掘左 1 個鐘左右, 但水真係漲得好快,

聽黎玩 d 人講, 今日 d 水漲得快左,

唔知關唔關打風事呢 ?

水漲就冇得玩喇, 所以今日收穫唔算豐富 ...

水真係越來越漲 ....

太陽伯伯都開始下山, 我地都係時候要走喇 ...

 

daddy 話下次再黎玩, 租多 2 個  "爬" , 一人一個 ...

2 個小魔怪聽到之後不知幾開心 ...

 

 

 

ivr