悠閒行, 玩, 食 @ 黃金海岸

 

2009年9月27日 (sun)

今日等 chloe 中午跳完 ballet 之後,

我地就出發去黃金海岸行下 ...

我地先去 PP 行下 hea 下

都有一排冇行過 Great, 入到去梗係要逗留一陣行下啦

行靚靚 supermarket 都係我嗜好之一嘛 ...

下午 3 點多就到左黃金海岸

先去麥叔叔食少少野先, 真係食少少咋

因為我地今晚 book 左喺酒店食 buffet ...

食完野就行下個跳蚤市場, 行下, 影下相咁 ...

見到好耐冇玩過的 "抓子", 買左一包,

諗住可以返屋企同 2 個小魔怪玩下 ...

我買果包 d 布 pattern係紅黑綠格仔, 得一包咋

呢檔睇下, 果檔又睇下之下, 我就買左呢隻

玻璃介子 ($28.00),  我揀藍色, 容易襯衫

2 個小魔怪見到有手工藝檔, 話要玩 ...

marcus 就做左 "閃閃手機繩", 簡簡單單又幾靚 wor

( 皮帶 + 閃字 + 閃扣 = $19.00 )

chloe 就做左 "minnie 鎖匙扣"

係先用 d 膠粒跟住個圖紙砌個形狀, 

然後再用 iron 燙溶, 加埋個鎖匙扣 = $28.00

其實好多個公仔 (sample) 都好靚, 好似,

不過 chloe 係 minnie fans, 佢梗係揀 minnie 啦 ...

仲有幾個手工藝檔可以玩, 我自己就極之想玩

" 整迷你蛋糕 ", 但需要幾多時間, 望下隻錶,

應該都唔夠時間, 唔想趕住時間做的情況下做

唯有放棄, 睇下下次再黎時會唔會見到開檔啦 ...

 

 

臨近中秋, 黃金海岸都有少少擺設, 裝飾 ...

酒店內都有 ... 

今晚我地喺酒店內食 buffet, 可以坐室外 or 室內

天氣都仲係熱, 我地揀坐室內 ...

要求坐 window seat, 可以望到室外 ... 

食物種類好多 ... 

在室內, 有多款食物選擇, 有 d 我都冇影到相 ...

至於室外, 地方都好大 ...

有好多燒烤食物 ...

燒大蝦, 琵琶鴨, 雞翼, 羊扒, 牛扒等等等等 ....

仲有越南米紙春卷, 碗仔翅, 泰式河粉, 燒菠蘿同燒蕉  

又有 waffle & 燕窩蛋撻等等 ....

 

未夠 9 點, 我地就離開返屋企喇 ...

坐緊車返屋企時, daddy 話 :

今日人人有份, 永不落空 wor

chloe 問 daddy : 乜野係人人有份呀 ?

daddy 話 : 你地今日人人都有禮物 law

chloe 話 : 不過你今日都冇買野 ...

 daddy 話, 我有份架, 我有份比錢架, 你唔知咩 ? 

 

 

ivr