東榮火鍋 + 棉花冰 @ 九龍城

 

星期日, 我地去左朋友屋企

原本諗住一齊食飯, 不過女主人有 d 唔舒服

所以最後都係我地自己一家人去食 ...

朋友家住土瓜灣,

daddy 就提議去九龍城 "東榮" 打邊爐

佢話呢間 "東榮",  佢地班 Hi-Fi 友都食過好幾次

都好得架 ...

呢間真係好多人黎食, 好彩我地訂定枱,

 食到都未夠 7點, 已經聽到老闆娘話全場 full 哂 ...

先黎叫左個泰式 " 生蝦刺身 "

打邊爐有泰式 " 生蝦刺身 ", 又幾盞鬼

唔知係唔係近泰式菜館呢  

呢個真係好得, d 蝦好爽, 又大隻

上枱時 d 蝦鬚同蝦尾仲郁緊架 ...

" 鴛鴦湯底 ", 只收 $30.00 好抵 

呢個美國 "肥牛" 好有牛味, 同好有趙口,

唔係 un 果種, 肥果部份食落亦唔覺肥 ...

牛 ... 係打邊爐的主角, daddy 叫左一大碟

" 蟶子皇 ",  好鮮甜  ...

" 脆鯇腩 " ...

我同 daddy 講, 7月應該冇 "脆鯇" 架喇 wor,

就算有都唔會脆啦, daddy話, 你試左先講啦 ...

冇諗過, 呢個 "脆鯇腩" 真係好脆, 好脆, 好鮮, 好有魚味

" 鮮蝦雲吞 ", d 蝦都好爽 ...

不過我會鐘意食 "水餃" 多 d ...

" 粟米 " ... 好肥, 好爽, 好大支

chloe 一個人食左 3件, 如果唔係怕佢個胃仔消化唔到, 唔比佢再食,

chloe 一定會再食, 睇佢食得幾滋味 ... 

" 烏冬 " ...  自己整個 " 沙爹肥牛烏冬 ",  食埋佢, 飽哂 ... 

" 西瓜" 做生果 ....

就係呢間喇 ...

 

 

之後仲去左食 "棉花冰",

um ... 始終都係食唔返第一次果種入口即溶嘅口感

 

又去左港姐餅店 "四重奏",

好想試下佢個曲奇, 可惜 " assorted cookies"

只有盒裝, 要 $1xx 一盒, 而且見到個樣好似冇 jenny 咁吸引我, 可能我比較愛食入口鬆化, 即溶感覺的 曲奇 ?

猶豫之下冇買到 ...

睇下下次去開會唔會忍唔住買一盒試下 ... 

 

ivr