" 2009 澳洲聯邦芭蕾舞蹈試 "
今日係 chloe 第一次正式參加公開舞蹈考試,
我今日反而冇第一次考 mock 時咁緊張 ...
今日考試個時間好早 ..... 10:10am
因為要比考試時間早 45 分鐘到試場 (西寶城),
所以我地一早 8: 45am 左右就出門口,
咁早要出門口, 今朝好早就要叫 chloe 起身
見佢個樣都未訓醒咁, 真係有 d 擔心 ..
去到試場, 換好衫, chloe 就比老師帶左入房再作準備
chloe 考完出黎後, 個妝明顯係濃 d ...
可能老師覺得我幫 chloe 化個妝比較淡...
今日 chloe 要跳 2 隻舞,
一隻係 "Left Left Right Right", 另一隻係 "Do Re Mi"
chloe 話佢跳得哂, 記得哂 d 舞步....
仲有, 記得笑 ...
雖然未知個 result 係點, 但都係一次寶貴的經驗 ...
今次我幫 chloe 紥嘅髻, 比上次好好多喇
返到屋企幫 chloe 除左個髻後,
條馬尾 d 頭髮 luen luen 地, 我覺得有 d 懷舊 feel
前一排, 無意中比我發現到 " ok " 有 d 舊版扭蛋
只需要 $10, 便可抽 2 個,
( 當然都係有袋入住, 不過就唔係扭, 係抽 )
" ok " d staff 話呢 d 係舊版扭蛋,
但我又唔覺以前有 bor, 我都成日有留意架 ...
唔緊要啦, 呢個唔係重點,
重點係呢 2 套扭蛋, 我覺得好得意, 好可愛 ...
我地今次仲好好彩, 雖然分開幾次抽,
但只有 pooh pooh 係抽過 2 次,
其餘全部都係抽到 1 隻, 隻隻唔同,
真係開心, 又唔駛 side $$$, 不過 2 套都未齊架 ...
" 聖誕雪靴 " 呢套, 仲欠 " Donald "
而呢套 " 沙灘拖鞋 + 高跟涼鞋 ",
就仲欠 " Donald & Mickey "
呢個暑假, 史廸仔的熱潮真係周圍都見到 ...
disneyland 有, " ok " 又有佢 d 公仔換,
扭蛋都有, 呢套好可愛, 見佢個樣抵抵 c c 咁
又仲係以 "食" 為主題, 所以,
我都扭左 2 隻唔同嘅返黎 
至於 " ok " 換公仔, 我地終於都儲夠分換,
因為唔係專登去買野儲分, 所以到我地夠分換時
都已經差唔多換哂 d 公仔,
我地就換左呢隻 "著和服" 嘅,
都話我地祟 "洋" (東洋) 啦 ...
呢排都抽左好多公仔, 都係時候要收收手喇 ....
marcus 細個時, 已經想幫佢報 " 棒球訓練班 "
我覺得呢個運動幾好, 係一個團體的運動
需要有 team work 的精神 ...
但以前我見呢 d " 棒球訓練班 "
都要喺九龍區習訓, 時間亦配合唔到
喺咁嘅情況下便不了了之 ...
之前上開康體處想攞資料,
比我見到香港棒球總會同康體處合辦了
" 棒球訓練班 "
地點有幾個, 其中一個喺鰂漁涌 ...
費用亦好平,
一 個 course 有 10 堂, 每堂有 3 個小時,
全個訓練課程都只係 $160.00 ...
不過, 香港棒球總會就有規定, 所有參加者
一定要穿著全套棒球服飾 + 手套先可以上堂
個手套係最貴, 要 $2xx, 而全套服裝就要 $2xx.00
整套合共 $5xx.00 ...
學費 + 服裝費, 除番開都係 $75.00 左右一堂
($25.00 一個鐘, 都幾抵玩 ...)
問過 marcus 係唔係仲鐘意玩之後, 佢答係,
咁我就幫 marcus 報名喇 ...
今日上第一堂 (原本上星期日係第一堂,
不過因為打風, 所以延至今日先上第一堂)
有 2x 小朋友, 男孩子比較多,
但都有 3 - 4 個女孩子,
習訓時間係上午 9:30 - 12:30
今日天氣都幾熱, 有時仲好曬 tim, 好彩都有 d 風
不過, d 小朋友個個都曬到紅卜卜 ...
所有隊員先跑步熱身, 我地 d 家長就要聽總教練講解
" 棒球運動需知 " ...
所有隊員需要排隊跟總教, 助教等打招呼 ...
中間著咖啡色衫呢個就係總教練, 張 sir ...
各隊員分2 批聽總教及助教講解及被指導
有關正確的動作, 姿勢 ...
而中途都有好幾個 break 比各隊員休息飲水 ...
教導一輪後就正式開始喇 ...
今日都係教 " 投球 " 同 " 接地波" 的姿勢,
所以都係主力訓練呢 2 樣 ...
第一堂習訓完畢, marcus 就話好好玩 ...
