西蘭花炒蝦球 / 雜菜煎薯餅 / 紅蘿蔔合掌瓜煲豬尾骨

 

 

今日煮左呢 2 樣餸 ....

 "西蘭花炒蝦球 / 雜菜煎薯餅 "

 再加 .....

" 紅蘿蔔合掌瓜煲豬尾骨湯 "

 

 

前 2 日喺百 x 買左 pack 蝦,

都幾大隻同埋幾爽,

雖然蝦味唔夠新鮮海蝦,

不過而家減價 $28.9 都幾低食

 

 

呢個 "雜菜煎薯餅",

材料有薯仔, 雜菜粒, 免治豬肉,

原本冇諗過今日整呢個餸,

不過返到屋企見到有個薯仔,

喺唔好 side 野嘅情況下,

就整  "雜菜煎薯餅"啦,  

因為 marcus 都恨食好耐架喇,

以前工人姐姐煎得好油,

自己整就唔會喇 ....

食落都冇咁油膩同埋冇咁熱氣

 

呢個 " 紅蘿蔔合掌瓜煲豬尾骨湯 "

琴日同媽咪講開,

原來合掌瓜係可以化濕架,

咁而家呢個天氣, arm 哂啦

 

檸檬薏米水

 

 

呢排天氣潮濕,

個人都好似唔想郁咁,

淨係想訓下覺咋...

但, 又要做埋 d 奄悶野 wor .....

天氣咁濕,

除左煲下湯水之外,

我今日煲左呢個 ....

" 檸檬薏米水 "

可以去下水腫同利尿,

又可以清下熱氣,

不過, 呢個薏米水唔好成日飲,

( 1 至 2個星期一次好喇 )

由其係男仔呀,

聽講男仔飲得多會影響生育架 ...

加左檸檬可以令個味道清新 d,

同埋好似話可以美白 ....

雪凍飲仲好味,

不過女仔都係唔好飲咁多凍野,

但係我又忍唔住 wor

 

 

 

 

 

唉 .... 又要開工做 d 奄悶野

chloe 第三張水墨畫

 

 

chloe 第三張水墨畫 ....

呢幅畫,

有 2 % 左右係老師幫 chloe 嘅,

就係點左幾點粉紅色花 ...

其餘,

黑色樹幹, 黑色樹枝, 黑色雀仔,

同埋差唔多全部的粉紅色花都係 chloe 畫 ...

 

 

 

第一次做瑞士卷

 

黎緊呢個星期,

marcus 每日都有評估或默書,

所以今日都係唔出街喇,

留喺屋企比佢溫下書啦 ....

趁佢自己溫習時,

我就試做左呢款蛋糕 .....

" 瑞士卷 "

聽過有人話做呢款蛋糕時會卷唔起,

會卷爛片蛋糕,

之前我都唔係好敢試

今日即管試下 ...

諗住失敗左咪下次再試 law ...

好開心,

第一次做就成功左 ...

個面冇裂開, 都算幾靚仔 

係 d cream 少左 d ....

佢地都話好食, 好快就消滅左,

剩返 2 件, 一件留比 chloe 聽日做早餐,

一件留比 marcus 小息時食 ...

不過, 有個疑問

就係個瑞士卷中心位置,

好似有個圈圈咁嘅

唔知係咩原因呢 ?

 

 

叉燒蝦籽撈麵 / 生菜包 / 香煎牛油雞翼

 

 

2009年2月20日

今日好攰咁,

訓醒時覺得有 d 頭痛,

頭先仲訓左個晏覺, 一訓就係 2個半鐘 ....

今朝買餸時, 已經想煮 d 簡單野,

諗諗下, 不如整個蝦籽撈麵食下啦 ...

唔係為左呢句 ...

" 大嘅唔食, 細都要食 "

喺咁攰嘅情況下, 真係唔會諗食乜野做晚餐,

肚餓就煮個公仔麵食就算 ...

 

 

 

2009年2月19日

見屋企仲有2個青檸,

唔好 side 左佢,

用佢做調味做左 2 個餸  ....

" 生菜包 / 香煎牛油雞翼 "

"牛油雞翼",  我唔想炸, 所以香煎就算,

不過都好有香酥牛油味 ....

"生菜包", 用左青檸魚露調味的關係,

d 汁好好味,

chloe 話用生菜包住 d 肉肉食, 好得意 ...