某個星期日 ....
我地出開油麻地買野,
4 點多, 有 d 肚餓, 又未到食飯時間,
我地去左呢間懷舊餐室 ...
" 美都餐室 "
呢間餐室, 我諗都有好多年歷史.....
最有印象嘅, 當然就係佢成日用黎拍戲
第一個影像, 就係諗到 " PTU " 套戲
(因為前一排先再睇完, 希望有冇記錯 
就好似有佢嘅出現 ...
餐室內裝修都好有懷舊 feel ...
我地當日坐樓下 ...
呢條樓梯成日喺戲入面都見 ...
二樓雅座, 我以為會有 d 雀籠掛喺度 tim ...
呢間 " 美都餐室 ", 可能比較出名
價錢都唔算平 ...
紅豆冰, 呢個幾好飲, 好香奶味同埋都幾多紅豆 ...
凍 0 茶, 一般啦 ...
西多士, 呢度 d 西多士中間冇餡嘅 ...
鮮油多, 我冇食到, 唔記得問 daddy 好唔好食 ...
除左呢間 " 美都餐室 ",
跑馬地嘅 "祥興", 又係懷舊餐室, 以前好多明星去
唔知而家仲係唔係, 我都好耐冇去過,
而家水準唔知如何 ???
唔煮飯, 食下粉粉麵麵
" 燒豬頸肉通心米線 "
呢個係上星期 marcus 去左婆婆家住時,
只有我同 chloe 撐枱腳的晚餐
煙煙 un un, 幾好食, 而且都幾飽肚 ...
" 海鮮雜錦即食撈麵 (公仔麵) "
呢個我地覺得好味, 公仔麵個顏色可以再深少少 ...
" 日式蜆肉意粉 "
呢個好簡單, 好快煮好, 好快有得食 ...
上次應承過 marcus 整芒果芝士蛋糕 ...
之後, 我就話將佢想食嘅野分開 2 次唔同整法
之前用芒果同蒟蒻粉整左 "芒果椰香撈烏冬"
今日, 對現埋第 2 樣 ... 芝士蛋糕, 我整左呢個
" 榛子石板街芝士蛋糕 "
marcus 好鐘意舊年我整比 daddy 做生日蛋糕嘅
" 朱古力石板街芝士蛋糕 "
但整過一次, 想試下整第 2 款, 見有榛子醬喺屋企
就用榛子醬整啦 ...
今日有時間整, 唔似上次個芒果流心芝士蛋糕做得咁急,
所以, 今次個芝士蛋糕做得好滑 ...
呢個就係上年初初學整蛋糕時跟書學做的 ....
" 朱古力石板街芝士蛋糕 "
榛子石板街芝士蛋糕食譜 ( 準備一個四吋方型模圈 ) :
呢個蛋糕, 我係自己 mix & match 的, 芝士蛋糕本體個譜係來自 "手工蛋糕", 但個 "石板街" 面, 係我唔知喺邊本蛋糕書見過, 自己再將佢地組合而成 ...
材料 : 1) 消化餅 (已打碎) 60g
2) 無鹽牛油溶液 35g
3) cream cheese 200 g
4) 榛子醬 (200g) ( 原食譜用其他材料 )
5) 魚膠片 3 片 ( 原食譜冇講明魚膠片個 g 數, 我用 2.5g 一片果 d )
6) 糖 35g ( 原食譜用 40g )
7) 淡忌廉 80g
做法 : 1) 魚膠片先以凍水浸軟, 撈起放小碗用熱水坐溶備用
2) 餅碎與牛油溶液混合放入餅圈內壓平, 放入雪櫃至餅底變硬
3) 已於室溫下軟化的 cream cheese 加糖打勻, 拌入榛子醬拌勻
4) 淡忌廉打至 7 成軟忌廉狀, 倒入芝士糊後再加入魚膠溶液拌勻
5) 將芝士糊倒入已硬的餅底
6) 輕敲模具數下便可放入雪櫃雪至硬身
7) 取出脫模; 在芝士餅面放上榛子, 碎合桃, 棉花糖, 再唧上朱古力漿便成 ...
*** 朱古力漿 : 我用調溫朱古力放碟上, 坐熱水至溶, 將朱古力漿放入唧袋,
在袋尖剪細孔便可唧出朱古力漿 ...
朱古力石板街芝士蛋糕 ( 準備一個四吋方型模圈 ) :
材料 : 1) 消化餅 (已打碎) 60g
2) 黑朱古力溶液 25g
3) 無鹽牛油溶液 20g
4) cream cheese 150 g
5) 黑朱古力 100g
6) 魚膠片 3 片 ( 原食譜冇講明魚膠片個 g 數, 我用 2.5g 一片果 d )
7) 糖 35g
8) 淡忌廉 100g
9) 朱古力奶 30g
做法 : 1) 魚膠片先以凍水浸軟, 撈起放小碗用熱水坐溶備用
2) 餅碎, 朱古力溶液及牛油溶液混合放入餅圈內壓平, 放入雪櫃至餅底變硬
3) 朱古力奶與 100g 黑朱古力坐熱水至完全溶合
4) 已於室溫下軟化的 cream cheese 加糖打勻, 拌入朱古力漿拌勻
5) 淡忌廉打至 7 成軟忌廉狀, 倒入芝士糊後再加入魚膠溶液拌勻
5) 將芝士糊倒入已硬的餅底
6) 輕敲模具數下便可放入雪櫃雪至硬身
7) 取出脫模; 在芝士餅面放上榛子, 碎合桃, 棉花糖, 再唧上朱古力漿便成 ...
*** 朱古力漿 : 我用調溫朱古力放碟上, 坐熱水至溶, 將朱古力漿放入唧袋,
在袋尖剪細孔便可唧出朱古力漿 ...
今日 daddy 話, 不如上山頂行下 ...
原來, 呢個廿四考 daddy 知道山頂有個
" 廸士尼樂園旅遊體驗專區 "
諗住有好幾個影相位影相 ....
chloe 一直都好鐘意 minnie, daddy 當然知道,
上次 x'mas 入 disneyland, chloe 冇同 minnie 影到相
daddy 曾經應承過 chloe 再去玩
但天氣咁熱, 我 ..... 我真係唔願入去,
( 雖然我都好鐘意去廸廸尼 
呢個 " 廸士尼樂園旅遊體驗專區 "
原來只係得一個影相位,
不過今日遊人唔多,
chloe 好快就可以同 minnie & mickey 影相喇 ...
雖然呢 2 個公仔係假嘅, 唔識郁
但 chloe 都已經好開心 ...
上次黎山頂行山, 係08年10月嘅事
記得上次黎, 都唔見有架覽車放喺度比人影相 ...
但今日就有呢個影相位 ...
山頂有間 "EA" 店舖, 可能就黎 "結業"
所有貨品 (除左遊戲碟冇減價) 一律減到好平 ...
短Tee / 長遮 : 原價 $145.00, 減至 $30.00
cap 帽 : 原價 $115.00, 減至 $10.00
厚身運動 socks : 原價 $45.00, 減至 $10.00
"EA" 店舖內 ...
影完相, 行下個商場, 食少少野,
我地就搭巴士 (上次搭過纜車, 今日就唔搭喇)
落灣仔電腦商場 ...
因為 daddy 想買多個 portable 嘅外置 hard disk
用黎 back up d 相同埋一 d 重要 file ...
而家真係好少曬相, 但 d 相又越來越多,
電腦呢樣野, 可以好愛佢, 但又唔可以信得哂佢
所以都係唔好指意哂佢喇 ...
呢個 external hard disk 有 32 GB ...
