2009年6月19日 (Fri)
今晚我地幾個媽咪又約埋出黎食飯共聚喇 ...
Ellen, Ruby, Carol, Karen 同埋我
我地今晚去左呢度食日式放題 ...
位於灣仔的" 銀座藏人 "
呢度 d 食物都 ok wor,
當然同碗屋相比, 食物都係差 d d
但以 $188.00 一個人黎講, 算係唔錯喇
碗屋而家唔知過 $300 未呢 ?
成個 menu 比你揀, 見到都開心
真係幾多野食架, 我地當然食唔哂咁多款啦
傾下, 食下, 笑下又一晚喇 ...
d 剌身都唔錯, 個甜蝦好鮮甜 ...
左上角的牛旁沙律, 幾特別同幾好食 ...
個蒸蛋好滑, 個芋頭丸話係推介, 不過我地覺得麻麻,
中間個心係爽口嘅, 有 d 奇怪 ...
炸芝士波好食, 炸雞軟骨當然係我至愛啦 ...
左上角個炸蕃薯仔好正, 右下角個牛油帶子亦好好味,
搵日自己試下整先 ...
燒牛舌唔錯架, 不過唔夠熱, 個鴨舌串燒就好好味 ...
個冷烏冬幾彈牙, 唔錯 ...
今日天氣真係好熱,
搞到我個人都燥燥地,
下午仲比 2 個小魔怪激到我 c c 下,
佢 2 個你一言, 我一語咁, 又互不相讓
我叫佢地 2 個唔好嘈, 比我靜下得唔得 ...
之後叫左佢地 2 個入房,
但竟然 2 個都訓著左, 當堂靜哂 ... 
趁 2 個小魔怪訓左
自己舒舒服服咁整左杯凍飲 ...
" 木瓜多多 "
即係木瓜 + 益力多
酸酸甜甜, 好好飲 .....
仲要加包我近期至愛的 " 章魚燒薯片 "
飲飽食醉後, 心情都好 d ...
" 木瓜多多 " 的材料好簡單 :
細木瓜半個, 多多 2 支, 冰粒數粒
所有材料放攪拌機 2 分鐘,
再加 d 碎冰喺面 ...
今日整左呢 2 個做下午茶點 ...
" 蘋果肉桂薄批 / 士多啤梨奶昔 "
今日出左街, 返到屋企都 4 點幾
佢地 2 個嗌肚餓, 記得琴日想整蘋果批
所以整左呢個 "蘋果肉桂薄批"
唔駛煮個蘋果餡, 真係又簡單, 又容易整
但又好好味, 食到我地唔夠喉呀 ... 
蘋果同肉桂真係好夾
自從攞返個古董出黎用後,
長期放喺容易攞嘅地方, 成日用嘛 ...
今日又再整 " 士多啤梨奶昔 ",
呢個夏天, 屋企一定要有急凍士多啤梨做存貨呀
今日買唔到士多啤梨雪糕, 只用左 vanila 雪糕
再加急凍士多啤梨, 鮮奶, 糖, 冰粒就有
一杯透心涼的飲品 ...
停課期間, marcus & chloe 都唔駛返學,
我變相都放肆左好多,
夜晚夜一夜都唔訓, 煲劇 ...
朝早又晏一晏先起身, 每日冇 10點都唔起身 ...
所以 d 時間好似過得好快咁...
不過咁嘅習慣似乎唔係咁好,
改下, 改下 ....
6月17日 ...
今日的晚餐 ...
" 琵琶豆腐 / 鹽燒三文魚扒 / 南瓜栗子煲豬骨湯 "
2 樣餸都好啱我地口味 ...
6月15日 ....
做左一個簡簡單單的晚餐
" 煙三文魚蕃茄粒扁意粉 "
d 煙三文魚係喺 sogo 買的, 做緊大特價,
都幾好味 ...
琵琶豆腐食譜 :
材料 : 豆腐 1 件 (先隔水), $5.00 攪碎豬肉, 蛋 1個 (先發勻), 蔥粒少訐
醃料 : 鹽半茶匙, 胡椒粉少訐, 糖 1茶匙, 粟粉 5-6湯匙
醬汁 : 蠔油, 水, 麻油, 糖 ... 自己"恩" 份量
做法 :
1) 豆腐攪爛, 與豬肉, 蛋, 蔥粒拌勻, 用醃料醃一小時
2) 燒熱油, 用湯匙從豆腐豬肉料 "畢" 出小球, 半煎炸至金黃及熟
3) 將醬汁煮滾, 淋在豆腐上便可 ...
