呢幾日忙住做 d 野, 剛剛又做完 一 d ....
希望快 d 過埋呢 2 個星期啦 ...
剛剛做完時, 好想飲 d 凍飲 relax 下
打開雪櫃, 見到只有汽水 ....
但唔想飲呀, 好想飲其他野
突然醒起差唔多可以放入博物館的古董 ....
" 攪拌機 "
即刻試下仲用唔用得 
又再打開雪櫃睇下有乜可以整 ....
oh ... 有士多啤梨, 有急凍藍莓
就整個野莓 smoothies 啦 (係我至愛凍飲之一 
加埋香蕉, 砂糖, 水, 冰粒, 只需要 1 分鐘 ....
就可以即刻有杯 smoothies 飲 ... 透心涼呀
睇黎呢個 "古董" 都係唔好入博物館喇,
奉獻多 d 比我地啦 ....
婆婆間接送比我的 pudding 樽仔
我今日已經急不及待用左黎整甜品喇 ...
" 熱情果椰香芒果 mousse "
一個甜品食到 3 種味道
多謝婆婆 .....
食譜來自 "自家製美味甜品" :
材料 :
熱情果 mousse 材料 :
魚膠粉 1茶匙, 凍水 2湯匙, 蛋黃 1個, 糖 50克, 熱情果醬 (無籽) 20克, 熱情果汁 20克, 淡忌廉 120毫升
芒果果凍材料 :
芒果粒適量, 果凍粉 4克 (我改用左蒟蒻粉), 糖 1茶匙, 熱水 80毫升
椰汁 mousse 材料 :
椰奶 70克, 淡忌廉 100克, 糖 15克, 魚膠粉 1茶匙, 凍水 2 湯匙
做法 :
1) 熱情果 mousse 做法 : 魚膠粉以凍水拌勻, 隔熱水座溶, 備用
2) 蛋黃加入 20克糖打王變白, 隔水座熱繼續打發, 待溫度接近人體溫度後離水, 慢慢加入熱情果醬及熱情果汁, 繼續拌勻成蛋糊
3) 淡忌廉加入餘下砂糖打至 7成企身, 蛋糊分 2-3次加入淡忌廉內, 每次都要混合拌勻
4) 再加入魚膠水 (先將小部份與蛋糊混合, 才可全部混合), 倒入杯中, 冷藏凝固, 備用
5) 芒果果凍做法 : 芒果粒放入已凝固的熱情果 mousse 杯中,
6) 砂糖及果凍粉倒入熱水中攪勻, (如用蒟蒻粉, 可參考蒟蒻粉的做法), 略為放涼後倒入已凝固的熱情果 mousse 杯中, 冷藏凝固, 備用
7) 椰汁 mousse 做法 : 魚膠粉以凍水拌勻, 隔熱水座溶, 備用
8) 椰奶 + 糖煮熱後與魚膠水混合拌勻
9)淡忌廉打至 5成企身, 加入椰奶拌勻後, 倒入芒果果凍面上, 冷藏凝固, 加裝飾便可 ...
上次食完個醉雞翼,
d 汁冇倒到 ...
今日再黎呢個 " 醉鴨舌 "
自己都幾鐘意食鴨舌架,
諗起台灣 "老 x 祿鴨舌", 真係 ....
去親台灣玩, 除左鳳梨酥係必買之外,
"老 x 祿鴨舌" 一定要買黎食,
連以前唔鐘意食鴨舌的 daddy 都大讚好味,
佢第一次買左少少黎試, 佢話買得少,
其實都唔少嘅, 係我比佢食得多啫 ...
之後有朋友買左一大包鴨舌返黎比我地做手信,
我同 daddy 忍唔住一晚就食哂喇 ...
不過醉鴨舌, 我都好鐘意食架
marcus 同 chloe 就唔食喇 ...
除左醉鴨舌,
我今晚準備左日式冷麵做晚餐 ....
marcus 上星期六腸胃炎, 呢幾日的晚餐都食得好清淡
食湯粉, 食白粥 ....
冇辦法啦, 腸胃炎真係要介口介得清先可以快 d 好番
見佢琴晚都已經冇事, 介埋琴晚口後應該
都可以食返正常野
所以今日準備左日式冷麵做晚餐, 都算清清地,
不過就叫做特別 d ...
佢果份, 當然係唔凍同埋冇 wasabi 啦 ...
上星期日, 婆婆送左 4 張 coupon 比我 ....
我一見到就 "嘩" 左一聲喇 ...
原來呢 4 張 coupon 係換 4 樽 milk pudding 的,
婆婆係喺 sogo 減價行街時見到,
買比 marcus & chloe 食架 ...
婆婆冇諗過間接送左呢 4 個 pudding 樽仔比我做禮物
不過要入到沙田/荃灣先有得賣
所以唔入開去, 一直都冇買到 ....
而我亦忘記呢間 shop 有呢 d 樽仔 pudding 賣 ...
食哂 d pudding 就可以用喇 ...
milk pudding 都幾重奶味, 好香好滑 ...
我就鐘意加左 cheese 嘅 milk pudding,
食到淡淡的 cheese 味, 又係好香好滑, 好味道 ...
