天公造美的同樂日...

 

2011年5月2日 (Mon)

 

之前已經約好 E, R, C & K 幾家人趁 6月考試前一齊去踩單車 + BBQ 玩番日

( K 最後因為囡囡有 project 做, 黎唔到)

但前一, 兩日天氣麻麻, 又落雨, 天文台仲話會有驟雨

所以諗住睇定 D, 前一日先再決定行程 ...

 

不過, 天公造美, 冇落雨, 由初初陰陰天到好好天, 仲越來越曬 ...

踩單車果幾個曬到紅卜卜,

Marcus d 皮膚到琴日都仲紅緊, 仲有 d 痛 ...

佢地今日會由沙田踩到去大美督

佢地個個揀好單車, 準備出發 ...

咦 ?? 唔見 C 一家, 原來仲揀緊單車 ...

 

 

因為路程遙遠, chloe 冇可能完成整段路程, 所以我就陪佢唔踩

我地先喺商場行一陣, chloe 見到呢個 wallpaper 好得意, 叫我幫佢影相,

不過唔知有咩吸引住佢呢 ???

 

聽 Daddy 講, 佢地沿途發生小意外

Marcus 同 E 倆部單車撞左, E 仲撼到欄杆,  條腰瘀左, 一睇已經有瘀瘀青青喇

雖然 E 話踩單車好多時會有踫撞係難免, 不過都要講聲唔好意思呢

好彩同 E 傾開, 佢話今日已經好好多喇 ... 希望你快 d 好返哂 

 

入到大美督, 我就租左部單車比 chloe 踩 ...

" 踩單車的少少女 "

大美督堤壩上有人放紙鳶, 不過今日唔多 ...

 

因為太熱, 我地決定由 BBQ 轉去食泰菜 ...

冇影哂我地叫嘅食物 ...

不過 Chloe 明顯好肚餓, E & R 話佢食得好大啖

 

 

因為聽日開始返學喇, 我地唔會玩得太晏

喺大美督食完野, 休息一陣, 佢地踩單車返出大埔就交車,

4:30 pm 左右就各自回家 ...

要等到 6月個個小朋友考完試先再玩喇 ...