我和 Chloe 的第 2 次 ... 古古力君度橙酒雪糕 + 古古力心太軟

 

 

這個甜品是 chloe 學整第 2 次蛋糕後做的,

見到她的蛋糕, 我就想整雪糕做配搭 ...

甜品的組合是由

chloe 第 2 次學整蛋糕的 " 古古力心太軟 "

+

我用雪糕機第 2 次整的 "古古力君度橙酒雪糕"

   

 

顧得右又顧唔得左, 到影相時, 個雪糕都有少少溶喇

 

Marcus - Bridging Course

 

Marcus 升 F.1 的 Bridging Course 只有 2 日... 

今日已經係第 2 日 ...

聽 Marcus 講第一日的 Bridging Course 都幾開心,

有英語日營 & 由 F.5 的 prefect 哥哥帶領佢地參觀校舍和出外食 lunch ...

今日就返學校聽講座 & 參與一些遊戲來幫助升中事宜 ...

祝福 ...

 

這幾天心情很不好, 眼淚亦忍不住流過了很多遍 ...

只想送上祝福 !! 

祝願在 8月23日, 在菲律賓不幸離世的香港人安息, 一路好走 !!

祝願家屬們能夠勇敢, 堅強生活下去 !!

祝願受傷的香港人早日康復 !!

Chloe - 升小一前的適應班

 

今日係 Chloe 升小一前適應班的第一日 ...

今朝 6:45 am 就叫醒 chloe, 個傻豬一叫就醒

升左上小一係唔同 d bor

又可能係 chloe 對新學校, 新老師, 新同學

各樣都好期待, 所以見 chloe 都好興奮 ...

琴日中午要出街, 夜晚先會返到屋企,

所以上午時, 已經同 chloe 一齊執今日

要帶返學校的物品 ...

chloe 好積極咁攞呢樣, 攞果樣 (雖然唔係好多野帶 )

但我見到好開心, 因為知道 chloe 一定

好鐘意, 好期待返小學

希望 chloe 今日一切順利啦

 

Chloe 幼稚園畢業

 

 

chloe 的幼稚園生活喺好開心的日子中渡過左了 3 年 ...

今年幼稚園畢業喇, 好鐘意 chloe 著住畢業袍呢張相  ...  

 

從呢張相, 就睇到 chloe 喺學校 (K3 Halloween) 有幾開心 ...

 

chloe 未夠 3 歲就入讀 k1, 當時都有 d 擔心細囡會比大仔大囡差好遠

頭一年, 確實係睇到有 d 距離, 不過升左 k2後, 明顯見 chloe 進步左好多

呢 3 年裡面, 睇著 chloe 的進步, 成長, 我同 daddy 都好開心

k 1 開學時影的相 ...

k3 開學時影的相 ...

2010年 6月 26日 (sat)

今日係 chloe 幼稚園畢業典禮, 有小小遺憾的是因為今日

我地要帶 chloe 去 interview, 所以有大半個小時的環節

(唱歌 & k1-k3 school life 片段), 我地都欣賞唔到

不過, 喺呢個有小小遺憾的畢業典禮中, 我已經有多次眼濕濕了 ...

2010年 6月29日 (tue)

今日係幼稚園畢業聚餐 ...

chloe 同好多教過佢的老師影相,  又同同學仔影左唔少相 ...

老師們有遊戲同家長 & 小朋友玩 ...

其中由 Mr. Jamie & Mr. Sing 的估歌仔遊戲真係笑 C 我地呀

 

當日已經約定同學仔的媽咪 next gathering,

希望可以比小朋友再玩下之餘, 仲可以比佢地 keep 住呢份友誼

 

* * * * *

 

隻虎唔知又搞乜, 成晚入唔到黎, 入到黎, 又搞好耐先出到 blog

自家烏冬

 

今日我地入左荃灣 ...

有野玩 (聽日先揭曉  )

去玩之前, 我地去左 "自家烏冬" 食 lunch ...

我同琳琳食 "豬軟骨烏冬" 套餐,

豬軟骨幾好味 ...

跟餐有小食 ...

我就叫左 " 黑椒腸仔 ", 呢個都唔錯 ...

琳琳就叫左 " 吉列魚柳 "

joe 就叫 " 肥牛烏冬 " 跟 "黑椒腸仔 "

我地 3 個套餐都有餐飲跟, 我地全部都要 "芒果橙汁"

 

食飽飽就去玩喇 ...

 

蝦皮蒸蛋

 

執相時發現呢個餸影左相冇出到 ...

蝦皮係之前 terryma 送的

第一次用蝦皮係要黎炒蛋,

餘下的用黎蒸蛋 ...

蜜糖芝士釀雞翼

 

琴日買的 "手羽餃子" (芝士釀雞翼)

今晚焗左黎食, 自己加左蜜糖掃倆邊,

有淡淡的蜜糖味, 又有淡淡的芝士味,

啖啖肉, 真係多謝閒閒的介紹

2010 海洋公園夏水禮

 

我地 3 個張 op 全年証到期喇,

我諗今年都未必會再續証, 所以趁到期前去左 op 玩多次兼玩埋夏水禮 ...

入開去, 一定會去熊貓館, 因為 chloe 好鐘意睇架 ...

熊貓依然係咁可愛, 不過今日 2 只小熊貓個樣就好惡下,

可能係我地睇佢地果陣, 佢地食緊野啦, 車 ~ 都唔 pro 嘅

做左全年証 3 年喇, 都未玩到呢個氫氣球,

每次唔係話大風, 就話維修, 一唔係就要排好耐先有得玩,

所以最後都冇玩到, 真係激 c 人

op 而家擴建緊, 其實我見好野都起得 7788

例如呢個 "環遊水世界" 就係新架喇, 不過我都係鐘意旋轉木馬多 d

次次去到呢個願望燈, marcus & chloe 都會寫 d 心願上去,

今次 chloe 除左寫, 仲有畫 : 心心 + 1 條魚, chloe 話係希望 d 魚身體健康 !!

呢個傻豬都好有愛心

今日有 "馴龍記" 玩, 好認真, 有埋 cert 比你 print 出黎 ...

高台跳水 ...

又坐 "海馬號" (marcus 改的 ...) 上山 ...

每次去 op, chloe 都一定會影的相

小丑姐姐話要同 chloe 影相 ...

我鐘意的水母館 ...

食少少野就去玩 "夏水禮" ...

有 d 哥哥姐姐喺度跳舞, 又會用水槍射你 ...

有 3 個高度的滑水梯, chloe 玩最矮果個, marcus 就玩中間果個,

不過 d 滑水梯唔係好 "扇" ...

marcus 好照顧 chloe, 我見到就最開心 ...

marcus & chloe 就最鐘意玩射水槍, 印象中玩左 5次 ...

舊年黎玩時, chloe 都唔敢玩, 今年就唔同喇, 個傻豬係咁話好玩好玩

chloe 玩到真係玩得好投入  ...

玩到 4 點幾我地就走喇 ...

呢道牆有好 colourful 的油畫, chloe 喺度影左張相, daddy 好鐘意