提早同大家講聲 ... "中秋節快樂" !!
前幾日 ... chloe 同我講,
好想食湯圓, 佢話馬老師話中秋節會食湯圓架 ...
星期一出開街, 就買定芝麻餡, 諗住隨時可以整,
見今日有時間, 就整湯圓比一家人食啦
想搞搞新意思, 整左呢個 ... " 雲石芝麻湯圓 "
未煮之前個樣都有 d 似雲石,
不過煮完之後, 個樣就唔係好似喇 ...
買開芝麻餡, 我就買埋酒釀,
因為實在喜歡食 " 桂花酒釀丸子 "
整開湯圓, 就整埋呢個比自己食 ....
2009年9月30日 星期三
學做月餅
就黎到中秋, 所以出左呢篇先 ...
2009年9月29日 (tue)
今日好開心跟幾個 blog 友仔一齊做月餅
瑩之煮, terryma, 盛師奶, kpb4000, 索多島女皇 & 我
好多謝佢地唔嫌我遲到早退都 "侵" 埋我玩 ...
學做傳統月餅, 我係第一次 ...
學做酥皮月餅亦都係第一次 ...
好多謝瑩之煮教我地做呢 2 款月餅 ...
好多謝屋主借地方比我地用 ...
亦多謝 terryma 為我地預備的餡料 ...
傳統月餅 ...
（餡料有中間的迷你奶皇, 最上面數落黎的白蓮蓉, 朱古力綠豆蓉、綠豆蓉、豆沙蓉、黑芝麻綠豆蓉）
香芋蛋黃蓮蓉酥 ...
呢個香芋蛋黃蓮蓉酥, 我自己本身都已經好鐘意食,
所以, 我都想自己試下做 ...
2009年9月28日 星期一
忙 ~ 暫告一段落 !!
chloe 今年升上 k3 後,
一開學就要開始為佢升小一作最後準備 ...
呢 2, 3 個星期, 個心成日都唔定咁
攪到我好多時都提唔起勁 ...
又要開始再忙於上網睇資料,
又要周圍問下朋友意見, 又要做 portfolio,
又要同 daddy 商量 ...
chloe 因為係第 2 名出生子女,
在第一輪自行選校 (計分制) 已經少左 5 分 ...
比起其他大仔大女的小朋友入讀機會少左 ...
加上 chloe 係細囡, 在自行考取的私校方面,
(因為要做定後着, 會考1/2間私校)
機會又係會少 d ...
因為有 d 私校都已經明示或暗示,
7月 or 8月前出世的大仔大女會優先取錄 ...
今日, 自行選校表格會交到心儀學校,
其他 2 間申請小一報名表亦會寄出,
總算暫時完結了首部份 ...
呢個教育制度, 我就唔係好鐘意,
不過, 無辦法, 都要跟住玩 ...
只希望, 一切順利吧 !!
2009年9月24日 星期四
伴手禮 - 合桃酥 & 果汁軟糖
愛美麗 之 開心 blog 聚 @ R66
2009年9月22日 (Tue)
因為 blog 友愛美麗來香港
另一 blog 友盛師奶安排了一個 blog 聚
好開心被邀出席 ...
我地今次去左 R 66 食 lunch buffet
呢間 R66 嘅 lunch buffet 真係好奇怪
第一次 blog 聚去食, 麻麻;
第二次朋友個仔生日去食, 水準好過第一次;
今次再去食, 又係麻麻 ...
今次出席嘅 blog 友有 : 主角愛美麗, 愛美麗的朋友
盛師奶, 瑩之煮, terryma, peggyhouse, 寶貝兒,
kpb4000 & 可愛囝囝, 新潮師奶仔 ...
除左瑩之煮, 其他 blog 友都係第一次見
佢地又係好 nice 架 ...
希望可以好快又見面啦 ...
呢張相, 係喺瑩之煮度借返黎, 唔該哂瑩瑩師父
食下, 傾下, 好快就過左 2 個鐘; 又到伴手禮的時間
成枱都係, 睇到隔離幾張枱 d 人都係咁望住我地呀
真係好多謝咁多位 blog 友呢
睇返 d 伴手禮先 ...
愛美麗嘅靚靚袋仔 & 上海小食, 多謝愛美麗
盛師奶嘅靚靚吊飾, 同埋送比小朋友嘅小食
多謝盛師奶
瑩之煮嘅紫草膏 & 粒粒花生酥, 多謝瑩瑩師父
peggyhouse 嘅鬆化曲奇及朱古力曲奇,
多謝 peggyhouse
寶貝兒嘅藍莓 muffin & 可愛曲奇, 多謝寶貝兒
新潮師奶仔嘅靚靚環保袋, 多謝新潮師奶仔
terryma 嘅冰皮月餅 & 芝麻曲奇
仲有送比小朋友嘅靚靚背包, 多謝 terryma
kpb4000 嘅香橙蘋果薑果醬 & 蘇格蘭餅干,
多謝 kpb4000
我準備左果汁軟糖 & 合桃酥做伴手禮,
希望佢地喜歡啦 ...
訂閱：
文章 (Atom)