西多士

 

我諗今日會有好多人做呢個甜點 ....

因為琴晚 "蘇 Good" 亞蘇教人做過 ....

我自己都有做過呢個甜點,

當然冇亞蘇咁講究啦,

不過我就冇亞蘇用咁多油 ....

材料 : 雞蛋 1 只, 2片麵包, 花生醬適量, 牛油, 糖漿

做法 :

1) 先用牛油起鑊;

2) 2片麵包中間搽上花生醬 (隨個人喜歡);

3) 將蛋發勻, 再將麵包浸在蛋液中

 (2邊麵包及4邊都要沾上蛋液);

4) 放落平底鑊煎至2邊金黃色便可;

5) 麵包面搽上牛油及放糖漿.