迷你四色冰皮月餅

 

仲有幾日就係中秋節,

係時候要開工喇 ...

琴晚整定個皮, 蒸好搓至光滑便放雪櫃雪一晚 ...

今日帶 Chloe 去完 Ducan 度

下午返到屋企就開工,

因為今晚要去飲,  所以要盡快完成 ...

 

今年整左 " 迷你四色冰皮月餅 "

希望朋友仔會鐘意

綠荳蓉, 綠茶紅荳蓉, 綠荳蓉古古力脆脆粒和

芒果綠荳蓉古古力脆脆粒

不過預料預得唔夠, 好彩 ...

 

影相時先發覺個蝦毛mimi 有條痕,

可能係我準備入盒時放個蓋放得唔好 ...

 

 

 

水果甜壽司

 

 

呢個係之前芒果當造時整嘅,

" 水果甜壽司 "

而家先出係因為真係比較忙, 要慢慢出返 ...

當時 d 芒果又香又甜, 仲好平 tim

但最近就冇喇,

頭先喺街市見到要成 13蚊一個, 不過就大個 d 嘅

但真係算貴 ... 

 

個飯團加左椰漿 & 糖, 所以係香甜的 ...

不過, 下次再整時, 要加多 d 水份, 令 d 飯粒再腍 d

同埋想整再細個 d

咁就可以一口一個喇

 

整左呢個心型款, 如果係鑽戒就好 lu

避風塘炒蝦 / 節瓜煲清保涼

 

 

我唔識劏蟹, 所以好少整

但我識整蝦  

所以整左呢個 ... " 避風塘炒蝦  "

用自己記憶中大約係咁的材料整,

有乾蔥, 蒜片, 辣椒仔, 蔥, 炸過的蒜蓉

辣辣地, 好惹味, daddy 話喺街食一定要唔平

daddy 想啤一啤, 不過屋企冇, 但配可樂一樣咁正

 

煲左呢個老火湯 ...

 " 節瓜煲清保涼 "

好耐冇煲過,  雖然簡簡單單, 但好好飲  

良朋共聚 @ 潮爆德記

 

朋友仔揀了這間潮爆潮州菜館飯聚 ...

西灣的 "德記"

10 大 4 小, 訂了一張大枱  

潮者, 好多人去食, 又係潮州菜

爆者, 多人到爆, 訂了位都要等, 排哂長龍; 聽講, 閒日去食都係咁

唔訂枱, 跟本唔駛等

不過, 真係幾好食

餐前 3 小碟, 仲有我叫的咸 0 7 ...

滷水鵝 ...

潮州凍 "亞拉斯加蟹腳 " ...

chloe 最鐘意食, 都唔等我地 "了" d 肉比佢, 自己黎

咸菜豬肚湯 ....

黃金墨魚卷 ...

蠔餅 ...

糯米豬大腸 ...

荔芋鴨 ...

唔記得係咩焗魚 ....

其他都唔錯, 不過上面果 d 真係好食  ...

蠔仔粥 ...

甜品 ...

反沙芋 ... 個面好甜, 不過裡面舊芋頭好粉好正

水晶包 ...

 

 

芋圓冰 (芋圓 + 蕃薯圓)

 

琴日天氣好熱

中午做完屋企野都成身汗

沖個涼後整左呢個甜品比自己歎

" 芋圓冰 "

其實今次唔係第一次整, 但第一次整完後, daddy 未等我影相已經食鬼左

佢話以為我揸住部相機已經影完 wor

之前去完台灣時食過類似的 "芋圓冰" 後

講過自己一定要試下整 ...