雪球 ...

 

2010年5月6日

呢 2 款雪球原本係做黎 for 聽日

blog 聚時做伴手禮的 ...

我做了 2 款味道 ... 抺茶 & coffee

但做好後 ...

抺茶果款係苦的, blog 友仔話我買嘅抺茶粉唔係咁靚

coffee 果款, 唔知係唔係我用左防潮糖霜

代替糖粉, 個雪球做出黎只有好香的 espresso 味

但就冇乜甜味,

最後, 呢個伴手禮都係冇送到出去 ...

送左落我個肚度 ...

 

可愛 cup cake 4 - Mother's Day

 

做了這個 cupcake for  母親節 ...

 

祝願所有母親 ... 母親節快樂 !!

 

多謝開心 daddy 送給我的禮物, 我好鐘意   

亦多謝開心 daddy 代 2 個小魔怪送我的古古力  

不過第一個食嘅唔係我, 係 chloe 呀

K3 母親節日

 

琴日係 Chloe 學校搞的 "母親節日"

今日 d 時間好緊迫, 所以 2 個幾鐘頭的活動, 真係眨下眼就完 ...

先去 playhouse  唱歌仔比咁多位媽咪聽 ...

我話比開心 daddy 知, 我一路錄影一路已經眼濕濕

daddy 即刻笑我話 : 吓, 你咁快又黎拿, 都仲未到行畢業禮 wor ...

(當年 marcus 行畢業禮我又係忍唔住啦 ...)

啍 !! 你一向都知我眼淺架啦, 之後仲有幾次 tim 呀 !!

咁細個唱 "媽媽好", 真係特別好聽

前排右面數起第 3 個就係 chloe 喇 ...

仲有另外一首,  " 媽咪媽咪 I Love You "

好可愛的歌仔 & 舞蹈 , 小朋友唱完後就各自同自己媽咪跳喇

班主任安排左 2 個遊戲比小朋友同媽咪一齊玩,

其中一個就好似玩獎門人咁, 小朋友含住支百力支 &  水泡糖, 

 跟住就行去媽咪度比媽咪食, 好搞笑 ...

今年係 chloe 幼稚園年度最後一年, 所以, 今日所有媽咪都有黎, 好熱鬧...

最後一個喺 playhouse 的活動, 就係馬老師教媽咪點樣叫小朋友起身返小學,

又係一首歌仔, 媽咪 & 小朋友都玩得好開心 ...

上返班房, 小朋友就開始同媽咪一齊玩小手工 ...

"穿繩得意掛飾", chloe 都要求自己穿繩做, 睇下佢幾認真  

 

就係因為做呢個手工做耐左, 所以有 1 個手工 (杯墊) 做唔切喇

 

3 點 45分左右, 所有家長都要離開喇, 見到個個小朋友一齊同媽咪講 Bye Bye

佢地真係好可愛  

 

呢 d 就係小朋友送比媽咪的禮物喇 ...

 

 

窩心 .....

 

今日約左藍媽媽 ...

好窩心, 好感動 ...

藍媽媽知道我咳左好耐 ...

她提議我煲羅漢果湯飲,

但我真係好怕羅漢果的味道, 唔係好敢煲 ...

今日, 她親自煲了羅漢果湯給我 ...

她同我講, 個湯唔會有好重的羅漢果味道

係真架, 個湯唔重羅漢果味, 只係有少少甜味 ...

藍媽媽, 個湯好好味呀 ...

一路飲一路覺得自己好幸福

藍媽媽, 多謝你呀  

 

食譜來自藍媽媽 :

羅漢果杏仁潤肺湯(1－2人份量)

功效：滋陰潤肺、止咳化痰。

材料：羅漢果1/4個(壓碎)，南杏10克，北杏10克，果皮1塊(浸軟刮囊)，咳有痰，就加生薑1片，豬15元(洗淨出水)

 

製法：水8杯煲滾，放入全部材料，大火煲滾轉小火煲2又1/2小時，落鹽調味，OK！飲得

蝦皮炒蛋

 

哈哈 ~ 未出 blog 聚, 先出 happy (蝦皮)

送禮人係咁叫佢架

因為未整理好篇 blog, 但前晚已經整左呢個餸黎食喇

所以出左先, blog 聚會盡快出架喇

(其實仲有好多篇呢 ... )

多謝 Terryma 送比我地的 happy

我地未食過 ...

我前晚用左佢黎煎蛋, 好香呀 !!

又快又簡單, 仲要係 ... 正 !!

Terryma 話可以用黎蒸蛋, 等我下次試下先

 

 

蝦皮  close up ...

2010 台灣之旅 - Day 5 + 戰利品

 

好少朝早上網, 不過一陣要出街, 呢 2 篇 blog 亦係琴晚已經打好,

不過因為有野做冇出到, 趁 chloe 未起身出左先 ....

 

2010 年 4月4日 (sun) 間中有雨

 

今日係今次台灣之旅最後一日

原本諗住有 d 食物 (eg 李儀鳳梨酥 & amo 千糕)留返今日先買,

 點知因為失左預算而買唔到 ...

 

可能會問點解咁多日都冇喺酒店食早餐 ?

其實係有架, 婆婆 & marcus 日日都有去食早餐

不過個早餐 buffet 唔太吸引, 所以我同開心 daddy只食左一日咋

 

今朝大約 10點, 就執哂行李 check out, 行李先放在 reception,

出發去永康街食牛肉麵, 可惜有少少被旅遊書誤導,

搵左好耐先去到 "永康牛肉麵", 不過佢嘅牛肉麵真係好味, 特別係 "清燉牛肉麵"

我地去到果陣都唔駛排隊, 但離開時已經見到有條龍喇, 又係好多香港人 ...

想去食冰館, 但怕時間唔夠, 最終都冇去食 ...

因為時間真係就唔到, 最後, 連 Mayu Bistro 都冇去到 ...

 

但一定要返去西門町買鴨舌 ...

返酒店攞返行李就出台北車站搭國光號出機場 ...

去埋 Hello Kitty 候機室, 短短10 分鐘, 又影相又買野  又係時候上機喇 ...

Last 5 minutes for shopping ... 真係講得好啱   

回程一樣有新片睇, 想睇亞凡達, 不過一定睇唔哂, 所以放棄左, 睇左

" 複雜關係 It's Complicated ", 喺香港已經想租碟睇, 可惜都係睇唔哂 ...

飛機餐 ... 得件cake 好食 !!

 

今次呢個 trip 雖然只得短短 5日, 不過我地都一樣玩得, 食得好開心

今次冇去到嘅, 冇食到嘅, 希望好快就再有下次再去過, 再食過 

買嘅野唔係好多, 因為真係同香港差唔多, 有 d 仲貴過香港 tim ...

至於食嘅, 都有唔少, 不過本來可以更多 ...

呢盒係喺九份 "手信坊" 買的, 唔記得個名, 類似麻糬, 粒粒唔同味道

有水果餡, 有紅豆, 綠茶, 芝麻, 花生等等, 我地最鐘意花生

呢個牛奶莫加 mousse 甜品係喺 mos burger 買的, 可惜只剩一樽 ...

 

台灣 5 天之旅 ... 完