chloe 學校新年活動週 (5)

 

 

2009年 1月23日

今日係 chloe 學校新年活動週最後一個活動

" 新春嘉年華 "

今日係歡迎家長上學校一齊玩的....

有舞獅表演, 攤位遊戲, 與財神影相等等 ...

 

財神係 Father 扮架  .... 

小朋友舞獅, 有板有眼....

唱賀年歌 ....

放紙花炮, 好熱鬧呀 ...

chloe 問係紙花炮乜野黎, 要攞住黎影相 wor ...

 

"財神" 派利事, 人人有份...

攤位遊戲, 仲有中學部 d 哥哥姐姐幫手扭氣球 ...

今年有試食區, 今日凍凍地, 有 d 熱糕食下都唔錯 bor...

食完野再出左去 playground 玩左一陣就離開學校喇 ...

 

chloe 學校新年活動週 (4)

 

 

chloe 今日攞左張佢手寫的揮春返黎呀 ...

仲有佢手做的全盒 tim ....

祝大家牛年 "大吉大利"

 

 

媽咪做的蘿蔔糕

 

 

一如往年 ....

媽咪年年都會親手做蘿蔔糕比我地,

我地全家都好鐘意食架,

特別係 daddy & marcus

好多時, 未到年初一已經食剩一半喇

marcus 成日都同婆婆講,

婆婆你嘅蘿蔔糕係最好食架,

氹到婆婆好開心 ....

琴日終於都有得食喇 ....

媽咪知道我地鐘意食,

仲整左 2 底比我,

媽咪, 錫哂你 ....

好好味呀

 

紅棗蓮子圓肉蛋茶

 

 

雖然未到年初一,

但係, 我已經食左好多熱氣食品,

芋蝦, 角仔, 笑口棗, 炸腰果等等等等 ...

都係煲返 d 野飲下喇 ...

" 紅棗蓮子圓肉蛋茶 "

 

chloe 學校新年活動週 (3)

 

 

chloe 今日喺學校食團年飯,

準備左碗筷比佢帶返學校用,

chloe 話今日食左魚, 雞翼, 菜, 肉, 飯....

仲有湯飲 wor

chloe 學校新年活動週 (2)

 

 

今日 chloe 學校去維園行花市 ....

我幫手做家長義工,

要去維園幫老師手照顧小朋友 ....

印象中好似第一次咁早行花市 (9:30am)

不過就行得幾舒服, 唔駛同人迫,

但就有好多檔口未開 ....

 

chloe 搞搞震冇幫襯

不過 d 哥哥姐姐好好人, 由得佢影相  

每個小朋友有 $15.00買野,

chloe 果班就買左呢款風車,

原價 $20.00, 因為我地買 24個,

老闆平賣比我地, 而家 $10.00 一個

隔離檔有金牛風車呀, 不過就貴d,

$88.00 一個 ...

有 d 好搞同鬼嘅產品,

例如呢個 " so 吉 "  cushion 同埋 " 懵牛奶 " 水樽

行行下, 竟然見到 marcus 學校中學部都有個檔口 bor ...

有各式各樣嘅產品,

因為仲早, 未開哂檔, 只影左部份 ....

當然仲有唔少得嘅年花啦,

見到一盤蘭花, 好靚, 不過要成 $3,xxx.00

學校活動完左後, 我地自己都行左一陣,

chloe 話肚餓,

見到有 coca-cola 帳篷就知有野食啦,

chloe 食左燒賣 ..... 

今日都買左 2 樣野 ....

裝飾盒 (好大個, 拎到我手都軟埋) ,

同埋迷你士多啤梨拿破倫吊飾

回鍋肉 / 腐乳蒸雞 / 青紅蘿蔔煲豬骨

 

 

今晚煮左呢幾樣餸 ....

" 回鍋肉 / 腐乳蒸雞 / 青紅蘿蔔煲豬骨 "