香橙戚風

 

 

今次買定雞蛋, 再做戚風 ...

跟 "超 Q 潤戚風 " 一書內的食譜做

" 香橙戚風 " 

蛋糕體鬆軟的, 輕輕的,

做到 Q 潤的口感

一家都鐘意 ...

 

 

 

清清地 ~ 蝦膠釀豆腐 / 三文魚鬆蒸蛋

 

清清地 ...

整左呢 2 個餸 

" 蝦膠釀豆腐  / 三文魚鬆蒸蛋 "

 

玩自家製蝦膠, 攪到手都軟

不過呢個真係好受歡迎, 佢地已經落定 order 要 encore

 

 

三交魚鬆係買返黎嘅, 用黎蒸蛋好健康

 

 

楓糖戚風杯子蛋糕

 

前晚, Daddy 見到我攞住本食譜書睇緊

佢見到張戚風蛋糕相時話,  呢個好食呀 ... 

咁琴日就諗住開工,

點知雪櫃只得 2 只雞蛋, 又唔想落街買

咁點算好呢 ... ?

記得有食譜書教過戚風杯子蛋糕

即刻攞黎睇下 ... 真好, 可以用 2 隻雞蛋就做到

焗左呢個 ...

" 楓糖戚風杯子蛋糕 "

好香楓糖味 ... 好鬆軟

不過用杯子做就冇用戚風模做時爆得咁犀利

 

 

好鐘意將個戚風蛋糕按扁後, 睇住佢慢慢彈返正常的樣子  

 

家中打邊爐

 

 

我地一家都鐘意打邊爐

一年四季都會打, 唔會受天氣影響

呢排天氣真係好凍

琴晚得幾度, 忍唔住又打啦 ...

今次喺屋企打, 湯底用吉吉島 T  字頭的豆腐湯底 ...

食材都係一般家庭式, 諗住買埋蠔 & 蝦

不過最後都冇買到 ...

我地好鐘意食脆鯇腩, 不過今次呢個一 d 都唔脆, 同普通鯇魚冇乜分別,

但價錢就貴普通鯇魚好多 ...

之前喺大埔買的丸 ...

原來屋企冇哂蒜頭, 整唔到生蒜泥 ...

 

硬係覺得打邊爐要飲下凍野 ...

媽咪返大 6 玩時買比我嘅 " 蘋果醋 "

加冰飲, 勁鐘意

冇  coke, 飲其他都一樣咁夾 ...

 

有緣 ...

 

2011年 1 月 7 日 (FRI)

 

有緣 ...

緣份真的很奇妙 ...

還記得那一次, 我在二記買野時

有個她行過來問我係唔係開心媽咪 ?

我話我係呀 ... 她已經自我介紹 ...

我係 Shukyin 呀 ...

吖 !! 腦海即時記起, shukyin  ... 我的 blog 友呀  !!

真係估唔到會在某地方偶遇呢  ...

真係好窩心, shukyin 約我之餘還請了半天假

可讓我倆慢慢坐, 慢慢傾了 3 個小時 ...

 

 

多謝 shukyin 送我的禮物 ...

去了衣的榛子 ...

 

我亦送上用高粉做的 " 香蕉合桃磅蛋糕 " 給 shukyin ...

Chloe 學校嘉年華會

 

 

2010年12月4日

今日係 Chloe 學校的嘉年華會 ...

Chloe 好開心, 好期待, 仲話我地要一家人一齊去

 

 

我地都好開心呀, 因為 Chloe 做了小手工 (書籤) 比我地一家人

睇返今日的相片先 ...

校長致詞 ...

同學們的表演 ...

Chloe 玩攤位遊戲 & 做小手工 ...

Chloe 貼堂的水墨畫 ...

 

仲係好凍 ~ 紅燒獅子頭 / 木瓜雪耳栗子煲瘦肉

 

天氣仲係好凍 ...

整左 ...

" 紅燒獅子頭 "

& 煲左 " 木瓜雪耳栗子煲瘦肉 湯 "