2010年 12月31日
2010年最後一日, 我地去左工展會行下 ...
5 點左右去到, 唔算太多人行,
不過到走果陣, 就越來越多人喇 ...
一入去, Marcus & Chole 話想食雪糕,
影張雪糕相時, 冇留意到 ... 影到 Chloe 望住個雪糕嘅為食趣怪樣 
有得食喇 ... 好好味呀媽咪
有幾個 Booth, 都幾靚 ...
蔡 San 好似企喺度同我地打招呼
見到有人食 "傷心酸辣粉", 我又忍唔住買黎食 ...
今次一路食一路傷心流眼淚, 不過一路話好味
為食嘅我地, 一路行一路買野食,
連買返屋企嘅都係食物 ...
呢 2 pack 好正 ...
以前個同事話女人食阿膠好, 見有少甜版, 買包試下 ...
有機紅莓, 諗住買黎整 scones & cookies ...
點解呢包魷魚絲買返黎嘅味道同試食嘅唔同嘅 ?
呢個即食麵唔錯, 新加坡製造, 煮完都唔覺好油 ...
2011年1月4日 (tue)
今日氣溫都唔算太低, 有 11-12度
不過落埋雨, 真係好凍呀 ...
原本今日已經打算煲呢個湯潤下, 啱哂
" 准山杞子圓肉煲響螺 "
真係好甜, 好潤
咁凍, 一諗就諗起打邊爐,
不過前幾日先打完, 唔想再打住喇,
再諗就諗起佢 ...
" 羊腩煲 "
今次係今年第一次整, 用 gas 爐滾住黎食真係好正, 好暖
最鐘意食 d 皮, 仲有索哂味嘅枝竹 & 馬蹄 ...
加碟生菜中和下就冇咁燥啦 ...
2011年1月1日
我地成班好朋友入左元朗 ... BBQ
有講有笑, 好開心
因為 Henry 唔舒服, E 一家冇黎到, 希望 Henry 仔快 d 好返哂
Derek 喺美國返黎香港渡假, 硬係叫埋佢啦 
輕鐵站外有個 Market, 可惜冇時間去行下,
只係買左 "冰鎮龍鬚糖" 食 ... 幾好食 wor
今次我地去左呢度 BBQ
食物都係一般燒烤食物 ...
不過就幾多野玩, 但今次我地去到已經晏, 所以都冇玩到任何野
只係 d 小朋友喺個大草地玩下 ...
呢張相係黃昏時影, 當日好凍, 夜晚應該得幾度咋
冇周圍去影相, 只影左幾張 ...
有菜田 ...
好大個的包心菜 ...
蕃茄 ...
粟米 ... 買左枝黎食, $15.00/枝, 都幾貴, 不過幾得意嘅, 可以即摘即生食
呢枝粟米, 有庶味架 
* * * * *
Derek 有成 6 呎 4-5吋高, 睇下佢拖住 chloe 時 ...
好似大人國同小人國咁
2010年 12月23日
星加坡的愛美麗返左黎香港,
冇見愛美麗都差唔多成年喇, 好掛住佢呀 ...
唔該哂 Terryma 幫我地安排左今次的聚會
出黎聚的有愛美麗, Terryma & 小嘟, 盛師奶, 我 & Chloe
本來新潮師奶仔都黎, 不過佢身體唔舒服, 所以冇黎到 ...
新潮師奶仔 ))) 休息多 d 呀
我地去左海港城的 " Panash Bakery & Cafe" 食 lunch
不過呢間 cafe, 我地應該唔會再去喇, 佢地 d service 真係
傾傾講講又 2 個幾鐘 ... 要 say Bye 喇,
唔捨得呢 ... 希望好快又同愛美麗見面啦 
多謝你地的禮物
愛美麗的靚靚手造 lace 杯墊
皇帝藥材雞香料
送比 Chloe 的 ...
Terryma 的靚靚 4款 lip blam
薑餅
送比 marcus & chloe 的小食 ...
盛師奶的靚靚心型攪拌棒
