自家烏冬

 

今日我地入左荃灣 ...

有野玩 (聽日先揭曉  )

去玩之前, 我地去左 "自家烏冬" 食 lunch ...

我同琳琳食 "豬軟骨烏冬" 套餐,

豬軟骨幾好味 ...

跟餐有小食 ...

我就叫左 " 黑椒腸仔 ", 呢個都唔錯 ...

琳琳就叫左 " 吉列魚柳 "

joe 就叫 " 肥牛烏冬 " 跟 "黑椒腸仔 "

我地 3 個套餐都有餐飲跟, 我地全部都要 "芒果橙汁"

 

食飽飽就去玩喇 ...

 

蝦皮蒸蛋

 

執相時發現呢個餸影左相冇出到 ...

蝦皮係之前 terryma 送的

第一次用蝦皮係要黎炒蛋,

餘下的用黎蒸蛋 ...

蜜糖芝士釀雞翼

 

琴日買的 "手羽餃子" (芝士釀雞翼)

今晚焗左黎食, 自己加左蜜糖掃倆邊,

有淡淡的蜜糖味, 又有淡淡的芝士味,

啖啖肉, 真係多謝閒閒的介紹

2010 海洋公園夏水禮

 

我地 3 個張 op 全年証到期喇,

我諗今年都未必會再續証, 所以趁到期前去左 op 玩多次兼玩埋夏水禮 ...

入開去, 一定會去熊貓館, 因為 chloe 好鐘意睇架 ...

熊貓依然係咁可愛, 不過今日 2 只小熊貓個樣就好惡下,

可能係我地睇佢地果陣, 佢地食緊野啦, 車 ~ 都唔 pro 嘅

做左全年証 3 年喇, 都未玩到呢個氫氣球,

每次唔係話大風, 就話維修, 一唔係就要排好耐先有得玩,

所以最後都冇玩到, 真係激 c 人

op 而家擴建緊, 其實我見好野都起得 7788

例如呢個 "環遊水世界" 就係新架喇, 不過我都係鐘意旋轉木馬多 d

次次去到呢個願望燈, marcus & chloe 都會寫 d 心願上去,

今次 chloe 除左寫, 仲有畫 : 心心 + 1 條魚, chloe 話係希望 d 魚身體健康 !!

呢個傻豬都好有愛心

今日有 "馴龍記" 玩, 好認真, 有埋 cert 比你 print 出黎 ...

高台跳水 ...

又坐 "海馬號" (marcus 改的 ...) 上山 ...

每次去 op, chloe 都一定會影的相

小丑姐姐話要同 chloe 影相 ...

我鐘意的水母館 ...

食少少野就去玩 "夏水禮" ...

有 d 哥哥姐姐喺度跳舞, 又會用水槍射你 ...

有 3 個高度的滑水梯, chloe 玩最矮果個, marcus 就玩中間果個,

不過 d 滑水梯唔係好 "扇" ...

marcus 好照顧 chloe, 我見到就最開心 ...

marcus & chloe 就最鐘意玩射水槍, 印象中玩左 5次 ...

舊年黎玩時, chloe 都唔敢玩, 今年就唔同喇, 個傻豬係咁話好玩好玩

chloe 玩到真係玩得好投入  ...

玩到 4 點幾我地就走喇 ...

呢道牆有好 colourful 的油畫, chloe 喺度影左張相, daddy 好鐘意

 

伯爵茶雪糕

 

舊年試過在 "無雪糕機" 的情況下

做了我的第一次自家制雪糕 芒果乳酪雪糕

今年, 終於等到 " 億xx " 開倉

不過我都係無意中發現,

開倉第一日去開媽咪屋企食飯時, 見有人睇報紙廣告,

即刻 call 埋媽咪去睇下有冇野啱 ...

第一時間即刻要部雪糕機先

其實部雪糕機都買左返黎成大半個月, 不過,

除左喺媽咪屋企試過部機 work 5 work 之外

一直冇郁過, 只放左個 "冷卻碗" 喺雪霜

前日, 終於幫部雪糕機剪綵

整左 " 伯爵茶雪糕 "

佢地都話又滑又好味呀 !!!! 

 

 

懷念的豉椒炒蜆 ...

 

2010年 8月 2日 (mon)

今日去街市買餸時, 見到一盤盤的蜆

唔知點解突然好想食 ...

諗起爸爸, 好掛住爸爸 ...

因為爸爸整的 "豉椒炒蜆" 整得好好味

所以就買左一盤今晚炒黎食, 用左紅椒仔, 蒜蓉,

同埋之前喺大澳買的辣椒豆豉炒

都幾辣, 但冇搶到蜆的鮮甜, 好惹味, 好快就清哂成碟

今晚仲買左條倉魚, 用左陳皮切絲放面蒸, 好香 ...

當然要加上大量我至愛的蔥粒啦

仲有用大澳的蝦膏炒通菜, 不過冇影到 ...

桂花杞子糕

 

" 桂花杞子糕 "

做來送給 blog 友們的

希望佢地鐘意 ...