早來一天的生日蛋糕

 

早來一天的生日蛋糕 ….. 

明天才是我生日, 但老公要出 trip 呀….

所以佢今日就買左個生日蛋糕同我慶祝先….

生日飯就留返星期六先食喇,

因為 marcus & chloe 聽日都要返學 …..

 

 

 

 

 

除左早來的生日蛋糕外,

仲有早來的生日禮物 ...... 

早來個幾月, 老公送的手提電話

 

早來幾天, marcus & chloe 話請我去廸士尼呀 

 

早來幾天, Joe Joe 送的曲奇

 

學校旅行 - 做 muffin

 

今日做左 2 輪蛋糕 ….

“ Double Chocolate Muffin “ &

“ Banana Walnut Muffin”

因為 Marcus 聽日去旅行,

佢之前已經 order 定要食 muffin 喇 ….

琴日佢同我講想我做多幾個,

因為佢想請佢果組 d 同學仔同埋班主任食 ….

好啦, 一於應承你 …..

希望你 d 同學仔同埋班主任都鐘意食啦 …..  

 

 

 

 

學校班際藍球比賽

 

今日 marcus 參加學校班際藍球比賽….

佢之前同我講,

可能只係做後備 …..

但今日返黎, 就好開心同我講,

佢唔係做後備, 係做正選 ….. 

佢話我知, 佢自己控球入左一球

亦幫同學仔 "助攻", 同學仔亦因而入球,

雖然….最後佢地果班都係輸左,

但見佢興奮的心情, 不停咁同我講 

我都一樣咁開心 ….. 

因為做每一樣野, 投入係好重要 …

 

蒜片炒西洋菜 / 煎豬扒

 

見 blog 友啦啦整過 "炒西洋菜", 炒得好靚 ....

琴晚煲西洋菜湯時,

特登留起小小西洋菜今晚用蒜片炒 ....

今晚就做左呢 2 樣餸 ...

" 蒜片炒西洋菜 / 煎豬扒 "

西洋菜用黎炒都唔錯 bor, 幾好食

 

 

 

 

智慧珠

 

睇亞 so 介紹過呢款遊戲 .....

" 智慧珠 "

老公前日買左一盒黎玩,

唔錯 bor, 可以動動腦筋,

真係好過成日打遊戲機.....

marcus 呢幾日溫習完都攞黎玩 .....

 

 

 

 

金針雲耳蒸雞 / 清蒸桂花魚 / 西洋菜陳腎豬骨湯

 

今晚整左呢 2樣餸 + 1個湯 (湯渣另當1樣餸)  ....

金針雲耳蒸雞 / 清蒸桂花魚 / 西洋菜陳腎豬骨湯

想食新鮮雞, 買左 2 隻雞脾....

好都幾貴, $34.00 for 2隻 ....

不過, 真係好滑, 好有雞味

桂花魚 (媽咪話係淡水石斑) ...都好滑

西洋菜陳腎豬骨湯 ... 第一次煲, 好香, 好味

 

 

美祿戚風蛋糕

 

見有幾包美祿三合一裝喺屋企....

就地取材, 焗左呢個 ...

" 美祿戚風蛋糕 "  

好軟熟, 好香 "美祿" 味