原來係 chloe 心目中, 爺爺都有英文名架
我同 chloe嘅對話 :
chloe : 媽咪, 我地個個都有英文名, 咁....婆婆有冇英文名架 ?
我 : 婆婆冇英文名架.
chloe : 咁......公公有冇英文名架 ?
我 : 公公都冇英文名架.
chloe : 咁......嫲嫲有冇英文名架 ?
我 : 嫲嫲都冇英文名啫.
chloe : 咁......爺爺有冇英文名架 ?
我 : 爺爺都冇架
chloe 好認真咁話 : 爺爺有英文名架......
我, daddy, marcus 一齊望住 chloe.....
我 : 乜爺爺有英文名架咩 ? 我地唔知嘅, 咁爺爺叫咩英文咩呀 ?
chloe 好認真又好大聲話 : 爺爺咪叫............." 老..... 豆 " law"
我地笑到 c c 下呀
今日係母親節......
前一晚即慶, 講今朝一早去飲茶, 不過我地冇訂台 bor 
去到灣仔"淘源"都差唔多10:30喇, 竟然都仲有位, 不過12點要交台, 仲有成個半鐘, 夠有餘啦
飲完茶, 老公話去行下街睇下我鐘意 d 咩
但因為今晚會同媽咪爸爸食飯慶祝母親節, 都係要過九龍, 所以我提議不如去行下易太講過嘅"福榮街"先啦 ......
福榮街其實係係深水埗專賣批發玩具/文具嘅一條街, 不過有 d 舖頭都有零售嘅 .....
去到都成 1 點, d 舖頭都開左好多喇, 入到 d 舖頭有好多玩具/文具賣, 好多都係我地係出面 d 精品店見到, 價錢就平過出面嘅, 不過聽易太講, 好多都係 A貨黎......
我地續間入去行下, 不知不覺都行左個幾鐘
行完就去行下附近嘅"鴨寮街", 都冇野買, 行下望下就算.....
marcus 又話肚餓喇.....一眼就見到 麥當奴, 即去啦
原本諗住去尖沙咀行街, 但都冇乜時間 lu, 因為約左媽咪今晚去 "和花亭" 食, 我地有6個人, 又怕 d 卡位好快 full, 所以我地 5 點就入到去, 慢慢坐, 慢慢食 
一坐低, 爸爸就話要帶 marcus & chloe 去玩具反斗城買玩具, 但因為 chloe arm arm 訓醒, 唔肯跟公公去, 所以公公只帶左 marcus 去買玩具....佢地好快落番黎, marcus 都算錫 chloe, 幫 chloe 揀左一份 hello kitty 玩具屋 比妹妹玩.....
今日母親節 ..... 唔係做媽咪嘅有禮物, 反而係2個小魔怪有心愛嘅禮物
cannon 覆返比我地喇......
維修費要 $1200
老公話試下攞部相機出去問下其他舖頭個維修價, 如果 below $500 就整, 如果唔係就買過部新 ......
唉.......呢部細相機我好鐘意架
位今日又要上玫瑰崗幼稚園喇.....
因為今日係 chloe 學校母親節活動
本來都好開心, 同 chloe 一齊玩遊戲, 一齊做手功, 一齊跳舞, 一齊同 d 同學仔/媽咪玩比賽....
但......當我麻煩其中一位媽咪幫我同 chloe 影張合照時, 個位媽咪 "線" 手, 我部相機即時趺左落地下
即刻執番部相機睇下.........個鏡頭入唔返部機度呀, 個 screen 出左句 "鏡頭出現固障"
個心情即刻 down 哂 
離開左學校, 打電話比老公, 佢安慰我話, 算啦, 咪拎部相機去整 law.....
但係唔知整唔整得番 + 嘛, 就算整得番都可能好貴.....
唉...個心始終有小小唔開心
今日可以入跳舞室睇 chloe 跳 ballet 呀......
入到去, chloe 已經係咁叫住媽咪媽咪.....唉, 到正式開始跳時, chloe 只係跟左郭老師跳左一陣, 跟住又係咁叫住媽咪媽咪喇, 不過佢咁細, 我又第一次入去睇, 我諗佢唔尊心都係值得原諒....
之後我問返郭老師同埋欣欣, 都知道 chloe 平時上堂都有跟住老師跳嘅.....
希望會有進步啦
p.s. 老公好衰....佢話 chloe 會唔會被踢出校架, 因為佢都冇乜點跳, 淨係叫媽咪媽咪
