母親節

今日係母親節......

前一晚即慶, 講今朝一早去飲茶, 不過我地冇訂台 bor , 會唔會冇位架 ???

去到灣仔"淘源"都差唔多10:30喇, 竟然都仲有位, 不過12點要交台, 仲有成個半鐘, 夠有餘啦

飲完茶, 老公話去行下街睇下我鐘意 d 咩

但因為今晚會同媽咪爸爸食飯慶祝母親節, 都係要過九龍, 所以我提議不如去行下易太講過嘅"福榮街"先啦 ......

福榮街其實係係深水埗專賣批發玩具/文具嘅一條街, 不過有 d 舖頭都有零售嘅 .....

去到都成 1 點, d 舖頭都開左好多喇, 入到 d 舖頭有好多玩具/文具賣, 好多都係我地係出面 d 精品店見到, 價錢就平過出面嘅, 不過聽易太講, 好多都係 A貨黎......

我地續間入去行下, 不知不覺都行左個幾鐘 買左一盒 disney 一盒8個遊戲嘅玩具, 仲可以當埋櫃筒用, 都幾好架, 又買左一 d 文具等等啦 (可惜仲未整番部相機, 冇得影低 tim....)

行完就去行下附近嘅"鴨寮街", 都冇野買, 行下望下就算.....

marcus 又話肚餓喇.....一眼就見到 麥當奴, 即去啦, 途經見到間連續有幾個舖位嘅咖啡室, 好似叫 "維記", 多人到呢, 裡面坐滿人不特止, 仲要每間舖都排哂長龍 (每間都起碼有1x 幾人排呀  ) 想試下都唔得啦, 咁排法, 真係咁正 ? 下次唔駛點等位要試下先

原本諗住去尖沙咀行街, 但都冇乜時間 lu, 因為約左媽咪今晚去 "和花亭" 食, 我地有6個人, 又怕 d 卡位好快 full, 所以我地 5 點就入到去, 慢慢坐, 慢慢食  

一坐低, 爸爸就話要帶 marcus & chloe 去玩具反斗城買玩具, 但因為 chloe arm arm 訓醒, 唔肯跟公公去, 所以公公只帶左 marcus 去買玩具....佢地好快落番黎, marcus 都算錫 chloe, 幫 chloe 揀左一份 hello kitty 玩具屋 比妹妹玩.....

今日母親節 ..... 唔係做媽咪嘅有禮物, 反而係2個小魔怪有心愛嘅禮物