King Ludwig Beerhall

 

今年中秋節正日

我地冇約到朋友, 只係約左媽咪同佢食餐飯

其實之前已經同埋媽味 & 細佬一家食左餐飯當做節

不過, 中秋節正日, 唔想媽咪諗太多,  所以約定佢 ...

我地揀左呢間食德國菜的餐廳 ...

" King Ludwig Beerhall "

呢間 King Ludwig ... 大概一年前同好友們已經食過,

但就係去 TST 果間, 果晚 d 相因為地方暗而影得好朦, 所以都冇 post 到出黎 ...

而我地今次食就係喺灣仔呢間

我地叫左個 4 人套餐 ... 份量同散叫一樣

daddy 先叫左呢個 beer ... Hoegarrden

除左日本 beer, daddy 多數會叫呢個, 但唔係間間餐廳都有

daddy 叫左半 litre,  好大杯,  婆婆分左一杯黎飲 ...

buy 1 get 1 的無酒精飲品, 好似叫 " 二世堡壘 ", 好好飲 ...

 

呢籃德國包包全部熱辣辣, 又好味

包包有 2 種醬跟 ... 牛仔肝醬 & 香草忌廉芝士醬, 我鐘意個 packing  

我同 daddy 都好想食農夫包, 所以又叫左一客食

頭盤 ...

蕃茄沙律配水牛芝士和火箭菜, 個汁好味

青露筍伴風乾黑森林火腿

德國式煎薯餅伴煙三文魚, 個薯餅好好食  

主菜 ...

脆皮燒豬肘配酸椰菜, d 皮好脆

德國香腸拼盤配燒薯, 有 4 款腸, 其中 2 款 d 皮好脆

香煎海鱸配白菌忌廉汁, 個海鱸好新鮮配忌廉汁好味, 不過稍嫌個魚 over 左   

香草醬長通粉配燒香蒜

甜品 ...

焗西梅撻配雲尼拿雪糕, 香濃朱古力蛋糕配紅 子 & 迷你蘋果卷配熱情果

我自己就最鐘意後 2 款  

 

呢間餐廳會有 live band 喺度,

當有人生日時, live band 會奏出生日歌,

而全間餐廳的經理, waiter 會一齊唱 "Happy Birthday"  好開心

當晚都有人生日, 當一齊唱 "Happy Birthday" 時,

chloe 唱得好大聲呀  當正係自己生日咁