2010年 7月28日 (wed)
有人話我懶, 少整野食, 又少入黎
其實, 我真係幾忙, 加上, 又確實係有點點兒 ... 懶
呢幾日, 日日都出左街, 琴日喺街時仲遇着
小小陽光 ~ 好大雨 ~ 黃雨 ~ 紅雨 ~ 黑雨 ~ 紅雨
雖然我地都有帶遮出街
不過下半身都濕哂, 返到屋企即刻去沖個熱水涼
如果唔係, 真係怕會冷親 ...
* * *
琴日其實只有我同 chloe 出街
咁 marcus 喺屋企食咩做 lunch 呢
見雪霜仲有之前整落用剩的蕃茄醬,
咁就搓個麵糰做 pizza 底,
幾個 pizza 包包比佢當 lunch
時間關係, 個邊邊焗得唔係好夠色,
蕃茄醬又真係得返少少, 唔係好夠
邊個咁夠膽話你懶, 話你唔整野食, 話你唔入黎
回覆刪除我同欣欣尋日都做左濕水雞呀, 有遮都無用, 陰公
三個PIZZA咁細, marcus陪唔夠飽架
你直情係懶啦, 睇吓你幾懶, 成日都唔過我度坐吓, 又唔整嘢比我食, 嬲呀 !
回覆刪除唔係懶, 有時真係好想休息下..返工..買餸..預備煮飯..都用咗每天唔少時間....就算全職媽媽一樣咁多嘢做.....所以絶對唔係懶.... 不過我還是會期待你整的美食..咁..你出少d街..整多d嘢比我地食..
回覆刪除邊個咁大膽話妳呀 不過佢有冇講錯先 。
回覆刪除我都係濕哂呀...可憐。
放假嘛！緊係抖抖啦
回覆刪除我post咗sat 的約會啦，你去睇睇啦！
得三個唔夠食喎!
回覆刪除我仔仔都最鍾意食pizza
回覆刪除你好！我都有Join 星期六嘅Blog 聚，入來先同你打個招呼！
回覆刪除星期六見！
(Empty)
回覆刪除一口pizza唔錯喎!...我都好耐無整野食喇.
回覆刪除尋日黑雨雖然我冇去街 , 不過我個露台都俾雨撇到濕哂 , 可想而知妳同 chloe 會變成點 .
回覆刪除尋日咁大雨 ,有遮同冇遮都一樣會變落湯雞架 ,不過千其唔好懾親就得喇
回覆刪除三個pizza都係迷你版，marcus真係夠唔夠吖？屋企仲會唔會有啲雜糧幫到"兩口"
回覆刪除落咁大雨 真係有遮都無用啦 我都好懶呀
回覆刪除得咁少，marcus邊夠食呀？
回覆刪除黑雨我係屋企煲緊碟呀~
回覆刪除自己做的pizza 又香又好味. 少咗點茄醬唔緊要啦, 都做得好靚喎. Marcus 一定好開心了.
回覆刪除放暑假你一定好忙, 明白吖.....個pizza巧令吖, 我都成個月無做包點呢!
回覆刪除Woo~~ 媽媽隨手就整了個做pizza ，勁呀！
回覆刪除你好勁呀, 快手快腳就搞掂個PIZZA出黎, 比我一定要準備成日至有得食.
回覆刪除妳真係廿四教媽媽
回覆刪除阿媽唔好淨係掛住去街...Marcus有冇餓親呀
回覆刪除好似好迷你，但原來有10cm咁大，小朋友食一個都夠了。
回覆刪除哇!隨手1都可以整pizza!勁呀!我都仲係整餅&開始整蛋糕囉!
回覆刪除去街紧要d~
回覆刪除