升中結果 ...

 

2010年 7月6日 (tue)

終於等到今日升中放榜日子 ...

今朝 marcus 一早已經跟校車返學校

我就帶住有 d 忐忑不安的心上學校接 marcus (不過相對 chloe, 心情比較好少少)

搭車途中已經收到 marcus 電話, 聽見佢好開心話我知佢入左我地心儀的中學

講不出的開心, 亦唔識得形容當時的心情, 只覺得 ... 眼有少少淚光  

只想 ... 快 d 到學校見到 marcus, 同佢一齊感受果份喜悅

不過當我見到 marcus 時, 佢個樣卻帶點失落,

原來佢係唔捨得 d 同學仔 ...

咁又係嘅,  6年了, 日日見住面的同學, 日日都有傾有講有笑, 真係唔容易忘記,

換轉係我, 我都唔捨得呢 ...

不過 marcus, 呢個都係你人生成長的一個階段, 要開始學習適應下 ...

幸好我同 daddy 同 marcus 傾完計, 做完心理輔導之後

佢都已經冇乜野, 仲同我地講真係好開心入到呢間學校 ...

 

* * * * * *

 

2010年 7月8日 (thur)

今日係中學註冊的日子 ...

第一次學校簡介會時, 因為 marcus 要去游水, 冇黎參觀校舍, 只有我地去聽和參觀 ...

3月尾 marcus 黎呢間學校 interview 時亦都冇參觀過校舍,

佢只從我口中, 影嘅相, 和校網上得知所有資料

今日黎註冊喇, 註冊完我地都有略略行下間校舍, 不過真係好表面果隻

唔似得上次簡介會咁, 有 d 高年級的學生會帶領家長作詳細講解

 marcus 親身望過間校舍後, 佢話間學校好有英國式建築物 feel, 而且好大,

真係好鐘意呢間學校 ...

學校其中一邊 ...

又是另一方向 ...

marcus ... 好開心你考入自己心儀的中學,

daddy 媽咪希望你可以開開心心返學之餘, 亦要比心機努力讀書    

 

今日註冊時收到 "中學一年級新生入學須知"

真係要慢慢睇, 不過 ...

marcus 喺呢個暑假, 除左要做中, 英, 數暑期作業各一本之外,

仲要睇 2 本中文書 & 3 本英文故事書, 作業 & 閱讀報告都要開學時交比老師  ...