好多對鞋呀 !!!

 

 

因為聽日 marcus 要返學校考埋小五呈分試

最後一科 G.S., 好喇, 考埋佢

放假都放得開心 d ...

我同 chloe 講, 你今日要乖, 唔好嘈住哥哥溫書

雖然佢耐唔耐都唔記得,

不過佢今日都算乖, 唔係太搞住哥哥

又話等埋哥哥先睇卡通 DVD

chloe 今日下午喺度自己玩 barbie

將 barbie d 鞋排哂喺地下

我見咁得意, 我同 chloe 一齊夾手夾腳將

所有 barbie d 鞋一對對咁排哂出黎影張相  

原來有成34對鞋  

仲有幾隻就唔知玩左去邊, 得返一隻 

34對鞋 .... 多過我最高峰果陣好多呀

其實呢 d barbie 鞋唔係我買比 chloe 的,

我從來都冇買過有關 barbie 公仔比 chloe玩,

因為我自己以前唔係好鐘意 barbie

而 chloe 一直又冇話要買黎玩 ...

不過真係要多謝 auntie karen & 大 chloe 姐姐

佢地喺半年前送左差唔多一袋細紅白藍膠袋嘅

barbie 比 chloe 玩, 裡面有3個 barbie 公仔,

同埋好多衫仔, 鞋仔, accessories, 屋, 車等等,

全部都好新淨, 真係有排玩 .....

最好笑係我陪 chloe 玩時,

我都覺得幾好玩 wor  

仲有一盒新 barbie, 未拆盒, chloe 話想拆開黎玩

我見有咁多喺度唔好拆住啦,

見個盒面寫住話 over 6歲先好玩, 咁我咪同 chloe 講

要 6 歲先玩得架, 你過多 2 年先開黎玩啦,

點知 ... marcus 話 : 

係呀, 要大個先玩得架, 好似媽咪咁大個先玩得架,

其實 marcus 係笑我都鐘意玩咋, 呢個仔吖, 笑我 

影相果陣, chloe 仲問我係咪要影埋 d 衫呀 ?

我話 .... 下次, 下次先啦

 

 

 

 

ivr