輝哥火鍋

琴晚好想去打邊爐, 唔想成日去謙記, 又落開灣仔, 所以決定去 "輝哥火鍋", 原本經過 "肥肥火鍋" 都想入去, 不過最後都係去左 "輝哥".....

因為肚餓, 我地好早上到去喇, 上到去見到 "輝哥", 佢仲笑住問我地 : 咁早嘅 

我地先叫左個鴛鴦湯底 (沙嗲 + 清湯) 同埋酸梅湯.....

個沙嗲湯底做得好好, 好有沙嗲味, 仲有 d creamy tim, 我鐘意  , 至於個清湯湯底, 都唔錯, 佢用左 "紅早", "冬瓜", 好似仲有 "魚味" tim........

個酸梅湯都好好味, 好夠味, 雖然加左冰, 但 d 冰溶左後, 仍然有濃嘅酸梅湯味, 冇乜溝淡到

輛到食物出場喇, 我地叫左美國肥牛, 脆鯇腩, 貢丸, 黃喉 (牛嘅喉嚨)同埋菜肉雲吞.....

肥牛.... 我覺得唔夠肥

脆鯇腩 ..... 好夠脆同埋好肥美

貢丸...... 一般啦

黃喉 ..... 好爽, 放落沙嗲湯底再點辣豉油, 好味

菜肉雲吞.....等左好耐, 原來冇落單, 我地 cancel 左

我地結論係.....湯底同埋酸梅湯好好, 但 d 食物就謙記好過佢喇, 而且埋單計, 咁嘅價錢, 我地係謙記可以食多1-2 碟 ......