2008年7月2日 (晴)
USJ 大阪環球片場 / 燒肉風風亭
今日我地會去 USJ, 因為第1日已經買定入場卷, 所以我地今日都唔係好早出門口, 去 Startbucks 食埋早餐去到大約10點 左右啦....
starbuck 早餐 :
搭地下鐵 "長堀鶴見緑地線" 去 "大正駅", 然後再轉乘 "JR 大阪環狀線" 去 JR 西九条駅", 最後搭 "JR 桜島線" 列車前往 USJ, 我地遲左一步, 本來可以坐有 SPIDERMAN 油畫嘅列車架
大約半個鐘就去到 universal city 駅落車, 一出閘就跟住指示行就得......
行去 USJ時見到係食店門口嘅可愛公仔
Universal City Walk, 係一個商場 :
去到門口喇, 好彩今日唔算多人 :
真係好曬, 曬到 marcus 影相都睜唔開眼
一入到去就會見到商店街, 同 disneyland 一樣啦, 可以到最後先睇
即刻去玩 "Spiderman" 先, e....冇人排隊 wor, 但係又見到個 waiting 時間係 40分鐘, 原來 d 人已經入哂去排隊喇, 不過唔算人多, 所以黎玩嘅人已經入哂室內排隊, 如果人多, 真係要排到出面架.....
輪到我地玩時, 我計過都係排左20-25分鐘左右, ok 啦, 至少唔駛買 express pass 啦, 好貴架....
USJ 有個幾好嘅 service, 就係如果好似我地一家四口中有2個小朋友, 1個可以玩而另1個好細嘅小朋友唔適合玩呢個 game, 佢地 d 工作人員就會比張紙你, 會比其中一個大人陪可以玩嘅小朋友先玩一次, 而另1個大人同埋果個唔適合玩嘅小朋友會被安排喺waiting room 等, 等到第1個大人同埋小朋友玩完後就輪到第2個大人同埋可以玩嘅小朋友玩喇 (係即時可以入去玩, 唔駛再排隊....), 即係話可以玩嘅小朋友可以玩2次, 就係咁, marcus 就玩左2次, 佢大叫好玩好剌激呀
p.s. 個工作人員姐姐仲比左份禮物 chloe, 其實只係一張 usj 嘅 memo, 意思係如果 chloe 下次黎, 可以唔駛排隊, 即刻玩
同 disneyland 一樣, 每個 game 玩完之後就會直接出屬於果個 game 嘅商品店, marcus 都買左 spiderman 嘅商品, 幾得意架.....
玩完就影下相 :
之後行去 "Back to the Future" 個 game, 不過呢個 game 要排 60分鐘, 所以我地諗住先玩左其他 games, 離開前影張相先 :
之後經過 "Backdraft", 又係唔算多人, waiting 時間係 20分鐘, 中文叫 "浴火赤子情", 佢嘅主題係俾你感受一下火災現場嘅情況. 入到去大部分時間都係睇片, 大約係講下 d 火災片點拍咁啦, 不過係配音講日文嘅, 不過睇完 d片之後就係入一個模擬火災現場嘅地方喇, 你會見到火災現場嘅情況, 除左火之外仲有爆炸啦, 水啦, 緊張音樂等等, 仲有係個台會突然下陷幾 cm, 呢個 game 你會見到唔同形態嘅火, 同埋感受得到火嘅熱力, 真係好熱下架, 仲有就係爆炸嘅震撼力, "Backdraft" 都值得玩
p.s. 冇諗過 chloe 都可以玩呢個 game, 不過可能裡面好黑下, 而且果個環境會令小朋友不安, 所以我不斷同 chloe講笑, 仲要出動我一早準備嘅糖果比 chloe 食, 又叫 chloe 掩住耳仔, 好彩佢都冇喊, 我見到有個日本 bb, 我諗2歲多d啦, 佢真係喊架....
玩完 Backdraft之後就係去 Jurassic Park, The Ride, 不過玩呢個 game 係會濕身, 而 marcus 又唔想玩, 所以都布冇玩到 ......
喺日本第一次飲嘅 melon soda, 都幾好飲
snoopy 餐廳 :
好可愛嘅植物.....
我地又去左睇 " water world ", 不過熟口熟面嘅, 其實呢個 show 喺幾年前去 bangkok 已經睇過架喇 . 第一次睇時, 真係覺得好好睇, d 特技又震撼, 果陣 marcus 得4歲, 睇到要 掩耳仔 tim, 今次再睇, 就輪到 chloe 掩耳仔喇....
"Jaws" : 不過今日冇開, 冇得玩, 唯有同大白鯊影張相啦 .....
新出嘅 "綠野仙綜", 有旋轉木馬玩 ......
待續 .......
沒有留言:
張貼留言