2008年7月1日 (晴)
清水寺 / Pokemon Centre / 空中展望台
"清水寺" 內嘅 "音羽之淹" :
音羽之淹係一個出名嘅景點, 佢有3道泉水, 聽講話分別代表健康, 美麗同埋財富, 只要飲d 泉水就可以得到呢3樣祝福, 不過只可以飲 2 道, 如果飲哂 3道, 就乜都冇...... 我地去到已經要排隊, 如果要買1個 mug mug 就要比錢 (呢個 mug mug 係要黎飲泉水嘅, 飲完個 mug 就係你架喇, 不過我見果 d 公用 mug mug 係有紫外線燈消毒, 所有人用完都會放係紫外線燈下消毒, 而且日本人講究衛生, 應該冇問題嘅) , 如果唔需要買, 就係咁上去飲就得架喇, 我地都冇買到私家 mug, 都係用番佢地供應果 d ....... 我地喺唔知邊道泉水代表 d 咩嘅情況下是但飲左 2 道就走 lu....
飲完泉水繼續行, 見到有間食 soba 同埋豆腐嘅食店, 佢地有 d 位係喺室外, 一個個包箱咁, 好有風味, 仲好涼爽 tim....
掛住食, 唔記得影相呀, 就咁影張 "包箱" 相啦 ......
食完 lunch, 又繼續行, 見到有茶屋 :
係時候走喇, 影多幾張相先 :
參觀完 "清水寺' 後, 我地行返之前果條 "清水阪" 行落山, 在山腳嘅 " 清水道" 巴士站搭 206號巴士去 " 衹園駅"落車去 "八坂神社"
之後沿住 "八坂神社" 大門前果條大街向前走, 就係 "衹園" 一帶, 過條馬路就係商店林立嘅 "四條通", 呢度有百貨公司, 手信舖, 食店, 時裝店等等....沿住呢條街一直行就會見到 "鴨川大橋 " .....
京都道地出產嘅化妝品牌 :
小食, 鹹鹹地, 都幾得意 :
出名食 "蒲燒鰻" 嘅 "松乃", 可惜 "準備中"
行行下都已經 4 點幾喇, 所以決定唔再行落去, 直接返 "梅田" 去 "Pokenmon Centre"....
待續 .....
雖然唔知果兩道泉水係乜 ?? 咁妳心裡面想係邊兩道泉水呢 ??
回覆刪除如果係我，當然係希望 第一：健康，第二：財富 (男人老狗，駛咩美麗o者) !!