2008 大阪之旅 - day 1 (Part 1) 完成喇 ......

2008年 6 月30日 (雨 + 晴)  Part  1

HK / Osaka / hotel check in / 難波 /道頓崛

終於等到今日出發喇.......

之前執定哂行李, 琴晚再執埋日常用品就去訓 lu, 都唔算太夜, 都未夠12點, 亦冇訓唔著

因為今朝 call 左的士 7點 45分, 所以我今朝 6 點半就起左身, 等自己搞掂哂 d 野就再叫佢地起身......

再 check 清楚証件有冇帶齊後就出門口喇......

我地今次坐 CX, 可以網上 check in, 我係星期六已經做左亦已 cfn 埋 d seat 位, 所以去到機場只需要 check in 埋 d 行李就得喇, 今日可能仲未開始放暑假, 唔多人, 我地只用左10分鐘就搞掂哂......

2 兄妹又影左張同舊年出發去北海道 + 東京時同 1個 pose 嘅相

今次我地諗住入左候機室先食早餐, 入閘喇 ....... bye bye

 

因為唔多人, 過關亦好快同埋順利......

突登早少少出機場, 慢慢食埋個早餐先上機........有間叫 popeyes 嘅快餐, 未食過, 就試佢啦, 不過都係一般啦, 又唔平

我地搭 CX506 由香港飛大阪 (10:05起飛), 等到差唔多 9 點 40分就去 8號 gate 上機喇, 今次要坐 shuttle bus wor, 因為落緊雨, CX d staff 派雨褸比乘客......

係飛機閘口先交低架 bb 車比空姐, 我地就正式上機喇.......

外面依然落緊雨 ......

飛機準時 10:05 起飛, 先派花生及飲品, 過左一陣, 就派飛機餐喇, 都係一般啦.....

大人飛機餐 :

小朋友飛機餐 : 係炸雞, 好熱氣 ....

3個鐘多 d 就差唔多到大阪喇, 天氣好好.....

落機, bb車已經係閘口等我地喇，攞番 bb 車就出去過關, 嘩.......好長龍呀, 關西空港冇 bb 車優先 counter 嘅

 終於.....排左差唔多1個鐘.

由07年11月開始, 過日本關時, 唔記得16歲定18歲要打手指模同埋影相, 不過所需時間都好快, d 海關員都好好人, 大概用左2/3分鐘左右啦.........

放係關西機場嘅日本人偶 :

過哂關就直接去 Tourist Infotmation 攞 Kobe Welcome Coupon 同埋一本 "大阪一級棒 ", 內容有交通資料同埋景點資料, 對面亦有 d 資料可以攞..... 

跟住, 我地就上關西空港 2/F, 到 JR 綠色 window 買定嵯峨野小火車飛 (600 yen 大人, 300 yen 小朋友) & 環球片場入場卷  (5800 yen 大人,  3900 yen 小朋友)

之前上網睇過, 知道由嵯峨野站出發會比較多人, 所以決定由龜岡站出發, 小火車共有5卡, 第5卡係特別車卡, 頂部係玻璃, 冇 window, 如果坐呢卡欣賞櫻花同埋紅葉會比較特別同有風味, 不過第5卡嘅車飛只可以當日買.......我地今次買第4卡中段左手位. 我仲係香港 print 定個 seating plan, 所以去到就咁指比個賣票員就得喇.....

至於環球片場入場卷, 因為有舊年去大黑島買定 disneyland 入場卷嘅經驗 (買哂飛, 但入到去不停落大雨, 最終只玩左1樣 game, 影左幾張相就無耐地離開)我問個賣票員係咪可以做退票 (又係上網做定功課嘅好處

), 佢話只需黎返呢度做退票手續就得,  手續費 100 yen, ok 啦, 買定先, 因為張入場卷係可以直接用, 唔需要去到再換飛, 又可以慳番如果人多要排隊嘅時間.....

買完飛就去南海電鐵售票處買車飛 (都係 2/F), 上網 check 過有 promotion 做緊, 南海 rapid +  one day pass , 只需1500 yen, 南海 rapid 1張都要1390 yen, one day pass 就要 850 yen, 加埋都要 2240 yen, 所以而家 1500 yen 都抵搭啦, 而且南海電鐵個外型好型仔架, 有係指定席, 唔怕冇位坐, 又快 d......

南海電鐵售票處 :

南海空港線站 :

呢架就係南海 rapid 喇, 好型仔, 成個武士咁  

 

因為我地住係心齋橋附近, 所以我地坐到難波站再轉的士 (有網友同我講, 應該唔跳標或跳一次, 不過個司機好似唔係好識路, 所以去到我地住嘅酒店 Hotel Trusty 要 9xx yen...... 仲有呀, 今次個 trip 我地只坐左一次的士, 但個司機叔叔比我地個印象就麻麻喇, 都唔 nice 嘅, 可能我地唔好彩啦, 我記得我地舊年係北海道同埋東京都坐過的士, d 的士司機叔叔好 nice 架, 又好笑容

老公嗌肚餓......一於就去我地掛住嘅 mcdonald 食炸蝦飽啦,  可能係外賣, 到我地食果陣已經唔係熱辣辣,  冇舊年咁好食嘅

的士內 :

去到酒店 check in 都係5點多 d, 間酒店外形都唔錯架, 係個網友介紹, 因為肯定 twin room 可以住 2大2細.....間房雖然唔算好大, 但打開1個大喼1個細喼都仲有好多位行.....

休息一陣我地就行去道頓崛 (經心齋橋筋) 嘅蟹道樂食 dinner 喇, 今日可能係星期一, 心齋橋筋都唔算好多人, 我都有行下睇下咁, 成條街都係舖頭, 有 boutique, department store, bakery, sushi, 藥房等等, 仲有 sanrio & disney store 真係乜都有.....

行下睇下已經黎到道頓崛喇, 一眼就見到個 Glico 大招牌, 睇相就睇得多喇, 今日終於見到

道頓崛 :

Glico 大招牌 :

大阪呢間蟹道樂冇北海道札幌咁跨張, 舊年去札幌果間, 上到去有9成係香港人, 但大阪呢間大概有5成左右啦.....同埋呢間上菜係一次過上3度菜, 再上2/3度咁, 唔似札幌咁續樣上, 可以慢慢食, 呢方面, 大阪呢間就冇咁細心 lu

我地今次都係叫有燒蟹腳果 set, 不過, 我地都係覺得蟹腳 sashimi 最鮮甜, 最好味

待續 ........