2008年7月4日 (晴)
神戶
最後後, 我地去左 mosaic mall 旁邊嘅 mosaic garden 玩左一陣, 仲夾到2個公仔 tim
mosaic garden 係唔需要入場費, 入到去想玩邊樣先比錢 .....
玩到差唔多9點半, 我地就離開神戶返酒店喇, 其實黎神戶都可以去多 d 地方, 只可惜我地善用唔到時間 ...... 唔緊要啦, 下次再黎
第 5 日 完 ....... p.s. click 呢條 link 可以睇多 d 相 http://community.webshots.com/user/EmilyT12或者去相簿內 2008 Osaka - day 5 睇啦 ....
2008年7月4日 (晴)
神戶
參觀完"北野異人館" 後, 我地就搭 JR 去 JR神戶駅....再行去 Mosaic喇
原本我地 plan 左 去 Bee's Kiss 食甜品, 但唔知點解今日咁黑仔, 又係搵唔到 加上今日下午去 "北野異人館" 時行錯路, 天氣又曬又熱, 真係冇心機再慢慢搵喇.....
既然搵唔到 Bee's Kiss, 所以就直接去 Mosaic, Mosaic 係一個 shopping mall, 我地今晚都係喺呢個 mall 內嘅 Fisherman's Market 食 dinner buffet.....
我幾鐘意呢個 mall, 好 arm 我行, 因為佢唔止淨係賣衫, 仲有好多精品店 ......
未夠6:30pm, 我地已經去到 Fisherman's Market, 因為怕要排隊, 雖然未夠 6:30pm, 但我地都係坐唔到 window seat, 只可以近 window.....
呢度望出去會見到 "神戶港塔", 個景好靚, 無論係黃昏或夜景都係.....
Fisherman's Market 嘅 dinner buffet 食物唔係話一d 好貴嘅食物, 但種類都算多嘅, 而且有燒蟹腳, 好味, 而且個環境都好配合個餐廳名稱 .....
待續 .........
2008年7月4日 (晴)
神戶
又係晴朗嘅一天
今朝比較遲起身, 去左一間 cafe 食早餐 (呢間 cafe 係我琴日自己去心齋橋 shopping 時, 老公帶 marcus & chloe 返酒店先, 佢地搵到呢間 cafe嘅 ...) 呢度早餐d食物都唔錯架, 我地食果 set 有煎蛋, 煙肉, 疏菜沙律, toast, 另外再 order 凍 chocolate., 價錢唔算貴 ......
食完早餐他他條條出發 ..... 我地用第1日買南海 rapid 時送嘅 1 day pass :
不過今日做錯左 1個小小錯誤嘅決定......就係冇坐到 city loop, 搞到我地今日行多左路, 亦去少左地方
我地先坐 JR 去 JR 三宮駅, 去到神戶都差唔多12點, 所以直接去食神戶牛 (上網搵到嘅資料 : steak land, 神戶館), 呢間食店嘅位置係喺橫街, 如果唔係有網友極力推介, 淨係見到樓下個招牌, 我地未必會上去食
上到去, 又另一個世界.....餐廳內, 地方都好大架 :
佢地個 menu 有幾個唔同 set, 不過一場黎到, 梗係 order 神戶牛 啦, 不過 lunch set 只有1款係 神戶牛, 我地叫左 2 SET 神戶牛, 食 lunch 一 set 29xx yen, 如果食 dinner, 一 set 要7xxx yen, 當然 食物唔只呢 d 啦, ....
雖然未至於入口即溶, 但好臨, d 肉味真係好 "正", 可以係個口腔好耐都唔散
食飽之後就去我地下個目的地, 北野異人館 .......
但因為冇搭到 cityloop (cityloop 係環繞神戶一周嘅觀光巴士) , 又行錯路, 所以行多左路, 天氣又曬又熱, 行得好攰下
不過沿途見到 d 建築物都好歐陸式, 有 d 好靚, 仲見到好多好靚嘅 "坑渠蓋, 消防栓" 等等 :
行行下又去左雪糕店食雪糕 .......
行條斜路就去到異人館, 又見到 kitty 喇, chloe 即刻走埋去影相 :
"北野異人館", 其實即係以前給西洋人居住的屋舍, 外型全屬西方的建築風格, 每間館內的佈置各有主題, 入去每間展館需要獨立買票, 如果想入多間展館, 可選擇購買套票參觀! 不過我地冇入每個展館參觀, 只係喺出面睇下 :
待續 ........
2008年7月3日 (晴)
嵯峨野小火車 / 嵐山渡月橋 / 金閣寺
大約半個鐘就到達”北野白梅町”站喇, 出站之後轉左手面直行就會見到有去 "金閣寺" 嘅巴士站 (搭205號), 落車後跟指示就可以去到金閣寺門口喇.....
比左入場費後, (呢張入場卷要好好保存, 因為佢係一道守護符, 可以保祐你合家平安
架)! 這間寺廟雖然只屬複製品, 原物已毁於早年的火災之中, 但卻是京都最具代表
性的建築物之一, 屬於 京都最著名的景色之一 ......
當觀賞完金閣寺後, 我地喺金閣寺道巴士站, 搭返 205 號巴士返回JR京都駅; 呢個建築物設計好 modern ......
下午茶時間, 我地係京都駅內嘅 "mister donut" 買嘅 donut :
又去左京都駅內嘅伊勢丹10/F 嘅 "博多一幸舍" 食拉麵, 呢間拉麵店係我喺大阪食過最好味嘅拉麵
食完拉麵麵4點幾, 我地冇再逗留喺京都, 就返心齋橋行下街 ......
dinner 亦喺心齋橋內一間 sushi 店食, 不過就麻麻地, ......
因為得半飽, 所以我地去左 "神座" 食拉麵, 呢間喺 " 千日前" 嘅 "神座" 拉麵好出名, 真係好多人黎食, 好彩我地入去時只等左一陣, 但到我地食完時就真係好多人呀 
神座拉麵 :
我地今晚又去 "本家" 食燒八爪魚丸, 不過今晚 d 燒八爪魚丸個皮係 "臨" 架, 冇咁好食, 點解水準唔穩定嘅
之後就返酒店休息 lu.....
第 4 日 完 .......
p.s. click 呢條 link 可以睇多 d 相 http://community.webshots.com/user/EmilyT12或者去相簿內 2008 Osaka - day 4 睇啦 ....
