位今日又要上玫瑰崗幼稚園喇.....
因為今日係 chloe 學校母親節活動
本來都好開心, 同 chloe 一齊玩遊戲, 一齊做手功, 一齊跳舞, 一齊同 d 同學仔/媽咪玩比賽....
但......當我麻煩其中一位媽咪幫我同 chloe 影張合照時, 個位媽咪 "線" 手, 我部相機即時趺左落地下
即刻執番部相機睇下.........個鏡頭入唔返部機度呀, 個 screen 出左句 "鏡頭出現固障"
個心情即刻 down 哂 
離開左學校, 打電話比老公, 佢安慰我話, 算啦, 咪拎部相機去整 law.....
但係唔知整唔整得番 + 嘛, 就算整得番都可能好貴.....
唉...個心始終有小小唔開心
今日可以入跳舞室睇 chloe 跳 ballet 呀......
入到去, chloe 已經係咁叫住媽咪媽咪.....唉, 到正式開始跳時, chloe 只係跟左郭老師跳左一陣, 跟住又係咁叫住媽咪媽咪喇, 不過佢咁細, 我又第一次入去睇, 我諗佢唔尊心都係值得原諒....
之後我問返郭老師同埋欣欣, 都知道 chloe 平時上堂都有跟住老師跳嘅.....
希望會有進步啦
p.s. 老公好衰....佢話 chloe 會唔會被踢出校架, 因為佢都冇乜點跳, 淨係叫媽咪媽咪
上次整左 cookie, 今日整 cookie & muffin
muffin...整左2個味道 : lemon & strawberry
因為易太 (飛飛媽咪) 成日整 d 好好味嘅雲吞比我地食, 我就焗返 d cookie & muffin 比佢地食啦......雖然自己整嘅都唔係好叻
好開心....易太3個囡都話好味呀
琴日見d小朋友焗 cookie, 整蛋糕, 挑起我條引 tim
今日再次試下焗 cookie, 因為上之又失敗左
今次......焗花生醬 cookie, 成功喇
唔知係咪個焗爐有d問題, 焗第一盤時, 個焗爐用左上下發熱線, d cookie 焗出黎比較金黃, 但我覺得有 d overdone 嘅感覺, 因為個底燶燶地....
到第 2盤時, 我就將個爐教左只有上發熱線, 但就有一邊燶燶地....
等我下次再焗時會有咩情況先......
不過, 老公, marcus & chloe 都話好味
今日我地幾個 family 如期搞左1個大食會.....
不過今日有位特別嘉賓......就係颱風"浣熊", 4月就有颱風?真係印象中第一次遇到....
我地原本約左4點鐘去到 carol 屋企嘅豪華會所
但因為下午已經掛左3號風球, 又落大雨, 淨係等車都等左大半個鐘, 車程又塞左大半個鐘.....我地到達 carol 屋企個會所時都已經5點有多
老公仲打電話比我話 : 佢 arm arm 見完客, 佢 d assistant 話佢知有機會今日6/7點掛8號風球.....唔係下嘛
去到已經見到 ruby 同埋 karen 佢地係度打緊保齡球, 我地即刻唔好 side 時間去租鞋玩.....好耐好耐冇打喇, bowling....雖然唔係打得叻, 但算係我最鐘意嘅運動
打左1個鐘 bowling 後, 我地大人就上左會所個大型廚房各自整野食.....
我地今日個 menu 有 :
燒雞 (karen)
焗雜扒 (emily)
焗飯/意粉 (ellen)
沙律 (ruby)
春卷/麥樂雞 (carol's maid)
火鍋 (carol)
朱古力曲奇 / 木糠蛋糕 (kids)
估唔到 d 小朋友都咁鐘意整野食, 見佢地幫手整曲奇, 蛋糕, , 沙律, 燒雞......個個都好落力, 又好開心
雨....依然落得好大, 已經由黃雨變紅雨喇.....
當各人正在煮野食時, 有會所 d staff 入黎話已經黑雨......寅係未試過黑雨仲係朋友嘅會所整緊野食, 仲要係未開餐 tim
整左個零鐘就可以開餐喇......各人整嘅食物都唔錯
經過證實後, 原來.....仲係3號風球, 但因為黑雨關係, 會所已經 closed, d staff 亦走剩幾個人....
我地唯有食快d, 又叫d 小朋友幫手引開 marcus, 等我地準備好個蛋糕幫 marcus 慶祝
一切準備就緒, marcus 一入黎, 我地所有人就唱生日歌, marcus 話佢由個心度笑出黎呀.... 又收到生日禮物....呢個都算係佢第一次生日會, 雖然遲左1日, 但佢好開心
因為老公仲見緊客, 都唔知幾點先可以過到黎接我地, 佢叫我地搭的士返屋企, 但我地見冇乜雨就離開喇.....
今日, 真係好多謝咁多位 uncle, auntie同埋所有 marcus 嘅朋友仔幫 marcus 搞左個 suprise birthday party
太多相嘅關係, 你地 click 入呢個相簿睇下啦 :
今日係 marcus 10歲生日......
時間過得真係快....10歲喇
marcus,
媽咪, daddy同埋 chloe 祝你 :
生日快樂 !!
身體健康 !!
日日都開開心心!!
我地送左滑板車比你做生日禮物, 你要珍惜呀, 因為 daddy 最初怕你玩2玩就唔玩, 想送過第2樣禮物比你, 但我知道其實你好耐之前已經想買, 我同 daddy 講生日禮物緊係要買你鐘意架啦, 所以我同 daddy 商量過後就買比你做生日禮物 .....
2008年4月8日
今日係 Chloe 學校嘅觀課日.....第一個觀課日, 本來呢個觀課日係3月中, 放 easter holiday 之前, 但因為流感停課而延後到今日
今日可能天氣潮濕, 又或者同以前唔同, 我記得以前 marcus 觀課日或有其家長活動, 我上到去, 會見到 d 小朋友係操場跑黎跑去, 又去攞呼拉圈玩 (可能就係咁, marcus 玩呼拉圈都好出神入化
黃校長首先帶頭念經, 然後到謝老師帶領小朋友唱歌仔做下運動咁, 都幾得意, 由其見到 pre-nursery & nursery 咁細個 d 小朋友
早會完左就上課室喇....首先馬老師要佢地排隊去洗手間先, vv 同埋洗埋手 for 茶點.....原來咁快就開始茶點, 乜原來咁早架, 我以為係上2堂先開始 tim
食茶點前影張相先, 做乜係度 "r" 頭呀
今日食茄汁肉碎意粉, 家長都有得食, 味道都唔錯...
食完茶點就去左音樂室玩遊戲, 雖然佢地全部都係得3/4歲左右, 但都做到馬老師要求....... 當然, 唔係齊啦
跟住就返課室玩分組遊戲, chloe 果組先玩煎 pancake, 由家長負責煎, 再由小朋友放d m & m, 朱古力醬等等做 topping....
呢個就係我同 chloe 做嘅製成品 :
玩完又去左做相部, 影張相先 :
最後, 就去到 ms. tammiea 果 part, 學英文, 今日學 letter "s", 我見 d 小朋友都好尊心同埋投入咁聽, 可能用電腦教, 活動 d ......
時間過得好快, 馬老師再帶多一次小朋友去 洗手間就放學 lu.....
我覺得家長觀課日都幾好, 可以比家長了解下學生係學校情況, 又可以同小朋友一齊做下手工, 另一種親子活動
...... 今日試下焗牛油蛋糕 
