柚子戚風

 

 

Daddy 上星期六同我講, 

想食我整的蛋糕 ...

星期日, 即刻開工, 焗左呢個 ...  

" 柚子戚風 "

 好鬆軟, 特登留一件隔 2 日食, 都一樣

 

都升得幾靚仔 ...

不過, 甩模就甩得唔係好靚 ...

 

第一次的 Art Jamming

 

 

多謝 Blog 友 Jedy 送我的 Art Jamming Course

令我可以回想讀書時上美術堂的情景 ...

Jedy 要我帶一張畫去

怕自己手腳慢, 所以選了一張自己好鐘意, 但線條簡單的手繪本

同原稿差好遠 , 不過都好開心完成了自己的畫 ...  

 

好尊心去畫 ...

多謝 Jedy 比意見我, 亦講解比我知, 畫版係用帆布, 顏料係用 acrylic, 好快乾,

咁我畫完就可以拎返屋企 ...

呢張就係我帶去的原稿, 原稿當然靚好多   

  再一次多謝 Jedy

 

Wrist Warmer

 

 

前幾年喺日本郵購雜誌見過 Neck Warmer

覺得個 model 戴起上黎, 又靚又型

可惜果次錯過左訂購 ...

之後都冇再喺日本郵購雜誌見過

喺香港又搵唔到, 搵到的只係 for sport 嘅

去日本旅行時又因為係夏天,

所以都搵唔到黎買  ...

但個心係一直想搵, 想買比 chloe & 買比自己用

終於, 比我搵到本書係教織 Neck Warmer

書內仲有教織其他暖物

見天氣涼涼地, 用返 d 舊 bb 冷, 先織左對簡簡單單的 Wrist Warmer 比 chloe

手工唔係好靚, 但自己人戴無緊要啦

就搵 chloe 呢個小 model 示範下先

 

圓方 " 夏麵館 "

 

 

出開出埋呢篇, 再清咁 d 相 ...

去呢度食野, 日子仲耐

睇番 d 相, 係今年 6月去架喇 ...

係 Element 的 "夏麵館 "

以前老闆係上海人, 上海都有分公司,

當時聽老闆講上海的 "夏麵館" 唔錯, 幾好食,

所以果日去開 Element, 就揀左喺呢度食 dinner

食完仲去行下呢度果間好大的 " Three - Sixty " 

  好鐘意行, 去開都會入去行下架

 " Three - Sixty " 內仲有 d 麵食店, 熱狗/三文治店, 果汁店等等比人選擇 ...

 

 

 

Lis Bar cafe @ L'Hotel Island South

 

見亞 joe 喺呢度食 buffet, 諗起自己都食過,

不過懶得執相, 因為真係影左都幾多  所以一直都未出呢篇

的起心肝, 出呢篇的同時, 仲可以清 4x 張相 

 

Daddy知我地鐘意食 buffet

所以呢間酒店新開張時, 我地去左呢度食左一次 buffet

Daddy話我知呢度標榜有 over 40種甜品 ... 好吸引呀

我記得呢間酒店新開張時仲同 op 做 promotion

bk 好多人都買左呢個 package (住 + 玩) ...

地方環境唔錯, 枱與枱之間都幾寬闊 ...

d 包包上枱時仲熱熱地, 包包熱就係最好食 ...

新開張時, 每位 booking (只限大人) 都有一款特別食物送,

當日有 "原條蒸海班" ... 好鲜, 好滑, 好好味

另外一款, 我地揀左 "亞拉斯蟹腳", 因為 chloe 最鐘意食

都有幾多海鮮, 好吸引, 出去食 1 個 海鮮拼盤都要幾百蚊

但喺度, 就任食, 不過, 呢度就無生蠔食 ...

食物有 d 都唔錯, 有 d 都幾精緻

 

 over 40種甜品就唔覺有喇, d 甜品有 d 都係一般

但左上角呢個榴槤棗, daddy & marcus 就愛不釋手 ...

 

呢度近我地屋企, 食飽飽搭的士返屋企都好快