Happy Birthday to Marcus ....

 

2010年4月18日 (sun)

Happy Birthday to Marcus ... !!

今日你 12 歲喇 ...

真係眨下眼又一年

仲記得舊年你 11 歲時, 媽咪寫左 一篇 "11 年的點滴"

感覺仲好似係冇幾耐之前嘅事 ...

話咁快又一年

Daddy, 媽咪 & Chloe 祝你 ...

生日快樂 !!

身體健康 !!

最緊要日日都開開心心 !!

*****

今年係第 2 年為 marcus 做生日蛋糕

做左呢個 "朱古力軟心 mousse 蛋糕"

(多謝琳琳給我的譜譜 )

今日 d 時間好趕, 原本想做的裝飾做唔切喇

望住個蛋糕發呆  ...

daddy 見我呆左咁, 又見到蛋糕旁有我已煮好的朱古力漿

佢問我 d 朱古力漿要黎做咩, 我話會淋上面 ...

佢就提議不如將 d 朱古力漿做到不規則咁流落黎 ...

真係好, 其實, 我都有諗過咁做,

因為我煮好 d 朱古力漿後, 我覺得杰身左 d,

都怕淋面淋得唔靚 ...

最後, 我就好隨意地將 d  朱古力淋上蛋糕面, 

再做簡單裝飾就入盒出街 ...

呢個係我做嘅第 1 個 mini size 試辦

小心地將 d 朱古力漿淋上面 ...

 

到正式好隨意咁淋朱古力漿時, 切開睇,

個漿明顯就厚好多喇, 冇咁靚 ...

2010 台北5 天遊 - Day 2 (part 1)

 

2010年 4月1日 (Thur) 晴 + 熱

今日行程將會去台北近郊 ...

野柳 - 基隆市食海鮮 - 九份 - 十分 - 平溪 - 士林夜市

因為有老有少, 所以在香港已經同一位台灣人用 email 聯絡,

在台灣租車郊遊一天 ... 

10 點正, 台灣人 Key 已駕駛 Toyota Wish 7人車在酒店門口等

Key 雖然係台灣人, 但廣東話講得好好 ...

 

先去野柳,  比 2 個小魔怪睇下大自然的力量, 女皇頭當然係重點啦 ...

仲有好多不同形狀的石頭 ...

好大個的指南針 ...

有 d 水泡喺度, 我諗係怕  d 人越行越出, 有需要時用 ...

daddy 影呢張相時, 如果冇哂人就會好 feel 好多 ...

野柳門外有特產街, 都係賣 d 海產小食, 精品之類 ...

呢個 "石花凍", 除左面有少少甜, 飲飲下好似飲水, chloe 就飲草莓沙冰, 好冰凍, 好飲

去完野柳, 我地去左基隆碧砂漁港食海鮮, 先去街市行一陣

呢度好多海鮮賣, 但因為佢地每檔講嘅野同出面食市講嘅野唔同

一時又話買左海鮮後加 NT100 做加工費, 但一時又話睇係咩海鮮,

所以我地最後冇自己買海鮮比食市加工, 只係睇 Menu 叫餸食,

味道都唔錯 bor, 呢 一餐為起港紙 $3xx.00

食完海鮮餐, 就出發去九份, 諗住行完出黎先食牛肉麵, but 最後都冇食到 ...

九份 ... 都係一路行, 一路食, 一路睇啦, 但食完個 lunch, 真係幾飽

所以都冇喺呢度食好多小食,

呢個 "花生捲冰淇淋", 喺台北都有, 不過叫 "包 2 奶", 個名好攪笑 ...

係用刨刨 d 花生碎再包住 2 個雪糕球 (可以唔同口味)  黎食, 

marcus 好鐘意食, 我地食左 2 次 ...

烤山豬肉腸, 好香肉味, 熱辣辣食, 好好味, 老闆娘仲請我地飲凍冬瓜黑糖水, 正 ...

亞蘭草仔粿, 台灣人都排隊買, 我地買左芋頭, 紅豆 & 菜蒲米, 我最鐘意菜蒲米 ...

切細的蘿蔔絲炒得好香，有 d 辣, 不過真係好食, NT10.00 一個, 抵 ...

賴阿婆芋圓, 煙煙 unun, 幾好味 ...

深坑臭豆腐, 麻麻地, 淡水買果 d 好食好多 ...

chloe 一見到 "亞妹茶樓", 就話係佢架 wor, 即刻走去影張相 ...

隨便影 ....

 

想出埋 part 2, 不過琴晚整野整得夜, 而家真係好眼訓 ....

聽日再續 ...

 

 

2010 台北5 天遊 - Day 1

 

2010年3月31日 (Wed) 晴  + 熱

因為算遲先決定去台灣玩, 所以冇得揀嘅情況下

要乘座 CI, 起飛時間亦不算理想 ...

不過唔緊要, 無阻我地去玩的心情

( 雖然 .... 我又係帶住咳去台灣  !! )

好 ... 就由呢張相開始 ...

Chloe 一到機場, 就學 marcus 大大聲話 ...

我地出發喇 !!

 

(當然 marcus 只係喺的士內細聲地講 ...)

連個的士司機叔叔都笑住同我地講 " 玩得開心 d !! "

琴日上網做定 on-line check in, 去到機場只需要

攞 boarding pass & 將行李寄倉就 ok ...

今次座 CI, 有一張 NT50.00的悠遊卡 (用法同香港的八達通一樣),

&故宮博物院的免費入場卷送, 每人一張 ...

今次同埋婆婆去, chloe 同婆婆成日手拖手, 氹得婆婆好開心 ...

 

飛機準時起飛 ...

飛機餐, 預左唔好食, 不過 Chloe 個兒童餐又幾好味 wor, 仲好豐富 tim ...

d 電影都好新, 不過時間得果個零鐘, 都睇唔哂一套戲 ...

去到機場坐國光號去台北車站, 車程大約 50分鐘, marcus 半價, chloe 免費 ...

我地今次住 "凱統酒店", 要去台北車站轉車去忠孝新生站,

一出捷運站口, 20步內可到 ...

學台灣人講, 超方便, daddy & marcus 就話好, 因為晚晚行到攰, 一出捷運站就係 ...

不過酒店附近真係超寧靜, 7 仔都唔多覺有, 想落街再食下野都唔得  ...

雖然間酒店比較舊, 不過房間都幾大 ...

放底行李, 已經出去玩, 原本諗住去 Mayu Bistro 食個 tea

點知自己預錯時間, 離開酒店時已經 5 點左右, 諗住改 day 5 果日先去 ...

捷運自動售票, 好容易用, 不過我地先用悠遊卡 ...

去左台北車站附近行  Q Square 兼去 Cold Stone 食雪糕, 好味, 不過都唔平 ...

好得意, d 店員姐姐會將 d 雪糕拋黎拋去,  好似玩集技咁, 可惜影唔到相, 好矇

激 C ... 買左雪糕先有呢個 "輪盤" 玩, Marcus 中左 buy 1 get 1 + 嘛 ...

但因為趕住去食 "燒烤放題", 所以冇再食喇 ...

book 左西門町 "熊一" 的燒烤放題,  NT459 一個人, 要食頂級燒肉, 加 100

 (Marcus 好似  200, chloe 未到 6 歲, 免費 ...)

一邊燒烤, 一邊火鍋, 大部份肉類都好味, 安格斯牛最好味,

仲有個地獄大腸, 冇諗過咁好食 ...

又有好多甜品  & 生果選擇 (but 甜品一般), 不同的飲品 + 花茶

3 個品牌的雪糕 ( Hagen dazs, Meiji & Movenpick, 淨係食雪糕都回本),

全部任食, 真係食到好飽 ...

食到飽哂, 行過康是美, 買左做減價的 Tsubaki  套裝 ...

又去行西門町, 好多商店已關門, 見到 d小食都想買黎食, 不過真係食唔落,

行到差唔11點幾, 搭捷運返酒店, 睇綜合節目, 好好笑 ....

 

 

 

第一天完 ... 待續

返黎喇 ...

 

從台灣返黎香港 2 日喇

個心仍然留喺台灣度, 好想留多幾日

因為有 d 地方原本 plan 左去, 但最終冇去到

亦有原本想食嘅, 想買黎食嘅, 又冇做到 ...

唔緊要啦, 又比機會我地下次再去過

今日去完街, 返到屋企正正式式睇返 d 相,

其實今次影相唔多, 不過都要時間執一執

先可以寫返個旅遊日誌出黎 ...

 

睇返 d 相時, 見到呢張相幾鐘意

用左黎做個 blog 的 wallpaper ...  

 

預祝復活節快樂 + 出門喇 ....

 

預祝各 blog 友仔 " 復活節快樂 "

星期日晚, 做了 " 綿花兔 " 應下節 ...

(多謝琳琳 ... )

終於都過埋今日 ...

呢排個人其實有無形壓力

(壓力在於Marcus 考試前病左仲發燒,

之後學校停課, 考試要延後,   

人算不如天算下, 考試期間撞正去 interview ...)

搞到個人唔在狀態, 加上咳到而家都未好返,

想整野食都冇心機,

諗住去探下 d blog 友仔, yahoo 又成日short ...

但有 d 野唔做唔得 ...

 

舊年到而家, 我地都冇返過鄉下

其實好想返, 不過鄉下紙水高, 唔係好捨得返去 ...

好遲嘅決定下, 我地決定去台灣玩幾日

呢 2 日做哂去旅行準備嘅野, 執行李, 搵資料等等 ...

聽日就出發喇, 希望玩得開開心心

返黎見喇 ...

 

遲來的生日蛋糕 - 大口仔生日蛋糕

 

這個生日蛋糕真的是來遲了 ...

原本一早就應該送出,

但因為一直都唔多舒服, 到身體好返 d 時

又因為某 d 因素約唔到壽星女

到上星期四, 終於約實喇 ...

其實我真係好大膽, 竟然會做生日蛋糕給高手 ...

不過當我收到佢為我做的生日蛋糕時, 真係好感動

( 佢係第一個親手做生日蛋糕給我的朋友,

雖然我地只係喺網上認識, 不過就好啱玩又啱傾  )

心裡面已經諗緊好唔好親手做一個生日蛋糕給她呢 ?

掙扎了一段時間  ... 

最後, 我呢個 bb 班只做了一個簡簡單單的

" 大口仔唧花黑森林蛋糕  " 送給她 ...

因為我知道她鐘意大口仔, 亦知道她鐘意古古力,

但原來, 鐘意大口仔 & 古古力嘅仲有其他人呀

當知道你和你的他都喜歡時

我真係好開心 ...

當日做呢個蛋糕時, 其實仲食緊藥,

所以隻手係一路唧花一路手震, 搞到有幾個位

唧得唔靚, 個蛋糕亦 cut 得唔夠圓  ...

希望你唔好介意 ...

 再次祝你 ... 琳琳, 生日快樂, 身體健康