Teresa Festival 的曲奇....

 

 

上次冇買到港姐曲奇,

冇食到, 真係唔知個味道係點 ...

daddy 問我 : 仲記唔記得 " Teresa Festival " ?

我當然記得, 佢地 d 曲奇又係好好食

第一次食佢 d 曲奇, 係喺 daddy 公司 annual dinner ...

前年, daddy 公司 annual dinner 喺會展食 dinner buffet

會展方面, 每一張 4 人枱都會送上

一盒 " Teresa Festival " 的曲奇

係 assorted cookies, 包裝雖然係紙盒,

但都好靚 ...

而 " Teresa Festival " 的曲奇係唔同 Jenny 的,

唔係好似 Jenny 果 d, 入口好快會溶化的口感,

" Teresa Festival " 比較多口味, 有鬆化, 有鬆脆,

好香牛油味, 有 d 仲好香杏仁味 ...

雖然我自己對杏仁味麻麻, 不過都忍唔住會食

我鐘意食 Jenny 的曲奇,

但 " Teresa Festival " 我都一樣鐘意 ...

daddy 買左一 pack 比我食,

食完飯, 急不及待已經開黎食喇 ...

 

 

" Teresa Festival " 都有 cake 賣,

舊年我生日時都想訂佢,

不過唔記得點解, 最後訂左 cova,

但上次食 cova 的蛋糕,  已經冇以前咁好食喇 ...

 

 

ivr

糖百府 - 雪花冰

 

     

 

上星期出 cwb

我地去左呢間 " 糖百府 " 

(地址係 : 銅鑼灣渣甸坊)

第一次喺香港聽返呢個名 " 雪花冰 " ...

喺香港食過幾次 "綿綿冰", "棉花冰" (d 舖頭係咁叫 ...)

我覺得今次呢間係比較好食

似食返我喺日本大阪 "海遊館" 附近食果間小店 ...

之前食 "綿綿冰", "棉花冰",

個口感係入口有 d 食冰嘅感覺

不過今次呢間 " 糖百府 " 嘅 " 雪花冰 "

入口係有食雪糕的口感 ...

其實 " 棉花冰 " 係來自台灣

台灣嘅, 我冇喺台灣本土試過, 所以唔知真正的

" 棉花冰 " 口感係點 ?

至於我上年係大阪食嘅 " 雪花冰 " ,

唔知係唔係已經由日本人改良過 ?

所以口感有 d 似雪糕 ? ... 

 

 

  

  

 

 

 

 

 

真係想試下食台灣本土的 " 棉花冰 "

睇下個真正分別, 可以解開我個謎團 ....

 

 

 

下面呢個就係我喺大阪 "海遊館" 附近

食果間小店食嘅 "雪花冰"

 

 

ivr

2009年書展

 

 

2009年的書展又開始 ....

原本我地今日係約埋婆婆, 表姐去行

不過表姐突然有事, 黎唔到, 得番我地幾個行 ...

今日係第一日, 我地去到12點幾, 唔駛排隊入

可能係閒日關係, 亦唔迫, 都行得幾舒服 ...

我地揀左上午入場 (1:00前), 入場費只係 $10.00

 

今次都幾多特價書 ($10.00/本) ...

一入 Hall 3 兒童天地, marcus & chloe 已經被吸引

去玩同影相喇 ...

 

 

marcus 嘅收穫 ...

marcus 一早諗住喺書展買嘅 twilight 結局篇 " 破曉 "

最終都買唔到, 商務 d 工作人員話因為出版商遲左,

佢地都要 7月30 號先收到...

marcus 有 d 失望, 但都冇辦法 ...

今次冇買英文書, 亦冇買到 exercise,

因為之前 marcus 有個學兄比左好多佢 ...

 

呢套 "西遊記" 漫畫, 就係每本 $10.00 ...

chloe 嘅收穫 ...

呢套書有 9本 + 9隻 VCD, 一盒 $16x.00

為起都係大約 $18.00 一本書 + 一隻 VCD

我覺得好抵 wor ...

上面果本硬皮大圖書都係 $10.00

 

我嘅收穫 ...

呢 2 本食譜書, $20.00 一本 ...

 

贈品 ... 唔明點解有蠔油嘅

 

我地同 tv buddy 影相 ...

呢幾隻閃令令的 tv buddy 好靚呀 ...

 

 

今日我地喺書展都消磨左 6 個幾鐘, 真係行到腳軟 ...

今晚一定好好訓 ...

其實 Hall 1 我行左好少, 真係想搵日再去,

不過就唔再帶 marcus & chloe ...

 

 

ivr

都唔係日日唔煮飯, 唔煲湯 .....

呢個暑假, 成日都出左街

返到屋企, 有時已經好晏下, 加上個人都攰

(其實一句講哂, 都係我懶啫 ...)

所以都少左煮飯, 整野食就更加少 ...

不過雖然話少左煮飯, 但都係要煮嘅

因為都唔可以餐餐出街食嘛,  

但好多時真係懶得諗食咩餸 ....  

呢幾個餸, 湯水, 比較特別少少, 不過就唔係同一日煮  

 

 

" 柱候牛肋條 " ... 

喺吉吉島買, 阿姐話好快腍, 所以我都冇用高速煲

大火滾後煮 30 分鐘, 熄火再焗 45分鐘,

食時再番熱便可 ...

原本想用韓式醬汁燜, 點知用哂, 改用柱候醬燜 ..

 

" 孜然雞翼 " ... 呢個好香口, arm 哂我地 

 

" 清蒸 3 款 bb 魚 " ...

中間的 "蘇眉"; 最下的 "畫眉"; 最上果條, 唔記得左個名

條 bb 蘇眉真係好滑, 好有魚味 ...

 

" 美極蝦碌 " ...

呢個好簡單, 爆香 d 蝦, 落美極兜均就得,

不過雖然簡單, 但好好味 wor ...

 

 " 茶香排骨 " ... 呢個好搞笑, 以為屋企有未莉花茶葉,

點知冇哂, 用左 "鐵觀音" 所以個味道濃郁 d

 

" 紅蘿蔔冬瓜粟米合掌瓜馬蹄生熟意米煲豬骨" ...

街市阿姐話好 arm 夏天飲, 唔錯 ...

" 冬瓜淡菜生熟意米煲瘦肉 " ...

呢個湯係以前返工時, 個阿姐教我煲,

又係好 arm 夏天飲

 " 青紅蘿蔔煲豬骨 " ...

一到夏天, 好多時都會煲呢個

 

 

 

ivr