雖然個喉嚨未完全好返哂,
但今晚都做左呢個 ...
" 花生椰絲硬糖 "
因為好想整下野食
而呢個 "花生椰絲硬糖" 係上星期已經想整 ...
今晚食過簡單晚飯後就開工
就係因為喉嚨未好哂
我就將大大部份糖糖比左 daddy 拎返公司請同事食
上次整嘅唧花曲奇,
daddy d 同事話鐘意食, 所以我就請佢地食下花生糖 ...
今次整嘅糖糖, 我只留起左少少
等自己好返哂先食 ...
琴日就做左呢個比 marcus & chloe 做下午茶 ...
" 甜薄罉 "
佢地而家唔駛返學, 成日都嗌肚餓 ...
呢個之前整過架喇, 見仲有整定嘅椰絲花生芝麻餡放雪
櫃, 諗諗下都係唔好放太耐,
所以就整 " 甜薄罉 " 用埋佢 ...
星期日因為喉嚨唔舒服, 出唔到聲
一切活動都取消了,
下午先帶 chloe 去考 ballet mock exam
上午在家執東執西,
發覺有一袋工具材料, 係已經好耐冇做過的 ...
" 迷你紙黏土 "
" 迷你紙黏土 ", 我一直都好鐘意,
但因為以前返工的關係, 唔係咁容易就到時間去學
所以當轉做全職媽咪初時, 就走去學左幾堂
真真正正做左一間麵包屋
(哈哈 ~ 證明我係幾咁為食同埋幾咁鐘意整野食呢 
之後因為覺得學費都幾貴而停左落黎 ...
(我當時學係 1 對 1 ...)
其實仲有個相架, 不過未完成, 仲喺 miss 度,
都係搵日打比 miss 上埋果堂完成埋佢先得 ...
成日想就 arm 時間去 centre 學, 可惜都係未就到
不過我會繼續留意下嘅 ...
下面果 d 係初學時自己跟書做的幾個迷你紙黏土食物
不過真係 b b 班呢 
有 d 仲未上色架 ...
上面作品, 我係用 "樹脂黏土" 同埋 "輕黏土" 做 ...
2009年6月20日 (sat)
今日原本要返 chloe 學校攞評估表
但因為喉嚨發炎, 開唔到聲
所以通知班主任話, daddy 會上學校攞
班主任簡單同我講左少少後就收線 ...
到今日我可以開到聲喇,
我先同班主任通電話 ...
班主任上星期六其實已經同我講左
chloe 攞左個 " 藝術創作獎 "
聽到果一刻真係好開心, 完全冇諗過 chloe 會攞呢個獎
今日再同班主任通電話時, 佢話呢個獎係
有份教過 chloe 果班嘅老師去作評估的
跟住再比其他班老師睇同比校長 approve
因為我好少見到其他小朋友上堂嘅表現,
真係唔知 chloe 係咪真係有咁嘅天份
(雖然我自己就暫時唔覺
個獎狀就會遲 d 先會比到 chloe ...
至於成績, 班主任就話 chloe 係屬於中上果批
其實我有 d 擔心, 因為 chloe 係細囡 (10月出世)
我怕佢會比較難追成績, 但班主任同我講,
佢話雖然 chloe 係細囡, 但 chloe 都 ok wor,
唔駛擔心, 佢完全達到水準, 冇問題, 叫我唔駛擔心 ...
不過要注意嘅就係, chloe 個人比較心急,
所以會大意左, 明明識嘅野, 因為太心急而錯...
好喇, 講到 chloe 平時喺學校的表現 ...
班主任依然話 chloe 係大聲妹一名
不過喺學校的表現都幾好, 同同學仔好有交流
我問班主任 chloe 係咪成日同同學仔傾計,
佢就話都有嘅, 不過唔算多, 個個小朋友都係咁,
我又問班主任, 咁 chloe 上堂尊唔尊心呀
有冇踴躍舉手答問題呀 ?
班主任就話, chloe 好踴躍舉手答問題架,
不過有時就係太過心急, 太踴躍,
未舉手已經講左個答案出黎喇
不過經過老師教導, chloe 已經改善左好多喇 ...
呢張獎狀係 for chloe "閱讀報告"的 ...
上星期六, daddy 都攞左一大袋野返黎
有母親節, 父親節禮物, 結業禮禮物, 文具, 功課等等
(因為 "豬流感" 關係, 好多 function 都取消,
家長冇得上學校參與, 只好派回禮物 ...)
母親節禮物 ...
父親節禮物 ...
結業禮禮物, 文具等等 ...
下面張獎狀就係比我架, 係幫手做 "家長義工"的 ...
