上 2 個月搞完 chloe 升小一嘅事,
而家要着緊搞 marcus 升中一嘅事 ...
其實所有中學由2010年1月4日開始, 已經接受申請,
直至到 2010年1月25日...
計計時間, 仲有唔夠 2 個星期就到 deadline,
所以都係要盡快準備好哂所需文件及
填好申請表後就去交 form, 唔好搞到 d 時間咁 "mun"
今日就攞返哂 d 成績表, cert 等等出黎作準備用 ...
之前去左 marcus 讀緊嘅小學直屬中學和
其中一間心儀的中學聽簡介會,
不過個心都仲係有 d 1516 ...
呢個聖誕假期, 我地差唔多日日都陪住婆婆 ...
daddy 提議同婆婆去行下, 散散心 ...
好過日日在家 " 睹物思人 "
我地便和婆婆去了海洋公園 ...
chloe 因為都係唔知公公真正離開我們,
所以佢知今日入 op 玩, 好開心,
臨走時, 佢問婆婆今日開唔開心呀 ?
婆婆攬住 chloe 話開心, 開心 .....
今日睇左 2 個表演 :
魔術冰上匯演 ( ... 很精彩) & 海洋劇場
今日, chloe 氹得婆婆好開心 ...
今日影相唔多, 不過, marcus 好乖
最近, marcus 都唔太鐘意影相,
但今日, 我叫佢同婆婆影相, 佢即刻行埋去 ...
chloe 想同聖誕老人影相
我地影左張合照 ...
爸爸 ...
爸爸, 你已經離開我們一星期了 ...
雖然已經接受了你離開我們的事實,
今天的心情亦己平復了不少 ...
但每當自己一個人想起你的時候,
眼淚還是緩緩的流下 ...
我們每一個人都知道發生了什麼事, 每一個人都唔捨得你 ...
但 chloe 始終還少, 雖然我已經向她解釋過,
但到現在, 她還是不太明白你離開我們的意思 ...
她很乖, 前幾天, 她跟婆婆說 :
" 婆婆, 天父爸爸會照顧公公, 你唔駛擔心公公架 ... "
爸爸, 我知道你一定唔想見到我地唔開心,
但我相信時間會讓我們忘記悲傷 ...
你放心吧, 我和細佬會好好照顧媽咪的 ...
你放心吧, 我和 daddy 會好好照顧 marcus & chloe 長大成人的 ...
爸爸, 我知道你一定會在天國守護着我們,
我亦知道你一定會在天國好好的生活 .....
這幾天, 收到朋友們來電和 sms 的關心和慰問, 真係好多謝你地 ...
仲有 3 日就到聖誕節 ....
預先講聲聖誕快樂 !!
2009年12月17日 (thur)
應承了2 個小魔怪整 X'Mas Party Food 比佢地
帶返學校請老師 & 同學仔食,
今日就趁 chloe 下午返學後喺屋企整, 整, 整 ...
忙左大半日, 整左 d 咩呢 ....
" 聖誕可愛小 cup cake "
整左差唔多 60 個 ...
原本想整幾個有蛋白糖霜做面, 再加裝飾,
不過整整下又唔記得左 ...
marcus & chloe 都有份幫手做裝飾
chloe 仲好有興趣咁做左好多個 ...
" 薑餅人 " .... 整左 20 塊
自己比較鐘意呢個 ...
" 三色啫喱糖 " ..... 整左一盆, 留返 d 比自己影相
呢盒係 for marcus 嘅, 有椰絲 ...
chloe 果盒就冇, 因為怕佢地細個會 "續" 親 ...
daddy 夜晚見到我嘅製成品,
佢話小朋友實鐘意 wor, 希望啦 ....
2009年12月18日 (fri)
2 個小魔怪返到屋企, 比番哂 d 吉盒我
小 cup cake, 薑餅人 & 啫喱糖全部清哂 ...
佢地 2 個話同學仔 & 老師都話小 cup cake &
薑餅人好靚, 好得意, 好好食, 啫喱糖亦大受歡迎 ...
marcus d 同學仔個個都大個, 佢話一開幾個食物盒,
d 同學仔已經一窩蜂去攞, 一陣都已經冇哂喇 ....
我聽到佢地咁講真係好開心 ...
忙左大半日都值得 ...
有時睇新聞, 見到有校車交通意外時, 我都會特別留意,
始終 marcus & chloe 都係坐校車返學放學,
今日, 呢種交通意外就發生左喺 chloe 所乘坐的校車 ...
*****
今日 chloe 學校有 outing ... 去赤柱參觀 " Stanley Knoll "
我都有份做家長義工, 但當 outing 完左之後, 我就冇跟校車返學校
就在校車回校途中 ... 校車跟一架 "波子" 撞車了
班主任馬老師返到學校後就打電話比我, 話校車同另一架私家車撞左
果一秒, 我個心真係離哂, 好驚, 好驚 ...
班主任即時接下來同我講, chloe 都有 d 受傷,
不過放心, 只係眼角位置輕微紅左, 不過穩陣起見,
都安排左 chloe 去醫院驗傷 & 落口供,
仲有其他 2 個受了輕傷的同學仔一齊送院 ...
同行有黃校長 & Bessy 姐姐照顧 ...
而校長亦有打電話比我話 chloe 冇事, 已經買左三文治比佢地食,
校長笑住同我講, 話因為佢地冇乜事, 仲喺醫院跑黎跑去,
所以攞完藥就會返學校繼續上堂 ...
其實唔止輕微紅左, 仲有輕微傷左 & 腫左 ...
雖然只係輕傷, 但已心痛死我同 daddy 喇 ...
chloe 放學後, 我都有問佢當時個情況, 情形同班主任所講嘅差唔多 ...
chloe 話 : .....
校車行行下, 突然聽到咇咇, 咇咇聲 (司機按響號 ...)
之後個人向前, 再之後就 " BOMB " 一聲撞向前面張椅,
撞到隻眼覺得痛 ...
見到老師問小朋友有冇受傷, 話唔好驚 ...
之後落車就見到警察叔叔 ...
仲有個著白色衫嘅叔叔 ("波子"司機) 同我地講對唔住 ...
我話比馬老師知我隻眼痛痛 ...
馬老師同警察叔叔問我去醫院比醫生叔叔檢查下好唔好 ? 我話 "好" ...
我見到 7號校車黎接其他同學仔返學校呀 ...
黃校長同 Bessy 姐姐同我地坐救傷車去醫院 ...
救護員哥哥問我地邊度痛呀, 又檢查下我地個身體
醫生叔叔用電筒照我眼睛, 跟住佢話冇事 ...
跟住我地攞埋藥就返學校喇 ...
黃校長, 馬老師, Miss Gigi 都有攬住我地話我地乖 ...
*****
chloe 話佢冇喊, 校車內亦冇小朋友喊或尖叫 ...
不過我都要留意下佢呢幾日嘅情緒同埋身體狀況 ...
問住佢有冇想嘔或有暈的感覺 ...
唔知係唔係我心理作用, 我覺得 chloe 今晚真係好似嗲 d ...
學校亦已出通告叫我地家長留意各學生的情況
隨時與學校聯絡 ....
今次真係有驚無險, 嚇死我地呀 !!!
*****
2009年12月15日 (tue)
今日報紙都有刊登件意外 ...
2009年12月12日 (sat)
今日出席左藍媽媽安排的 "大埔一天遊"
我地去左參觀 ...
" 香港鐵路博物館 "
呢個博物館, 我同 chloe 都未黎過,
可以帶 chloe 黎認識下以前的火車, 都係一項
唔錯的親子活動 ...
點解呢塊牌上的 "墟" 字同我地寫法唔同嘅 ??
咦 !! 深圳個位有塊樹葉 bor, 好似感覺特別蕭條咁 ...
chloe 呢張相, 咁正經嘅 ...
******
chloe 有心事地, 眼汪汪地倚在車窗邊 ...
(相片來自甘草)
忍住眼淚望住我 : 媽咪, 我要出發喇 .....
88 喇 ...
媽咪, 我唔捨得你呀!! 你快 d 上埋車同我一齊出發啦 ..
我 : 好啦好啦, 不過你要買頭等車位過我坐架 bor ...
******
