2008年12月25日, 聖誕日 @ 長洲 (Part 1 - 周圍行下篇 .....)

 

12月25日, 聖誕日 @ 長洲 (Part 1 - 周圍行下篇 .....)

 

首先, 睇下呢張日落景,

連我呢個唔識影相嘅人都影到,

如果一個識影相的人影, 一定影得好靚 ......

 

 

今朝一早, 我地一家人去左長洲行下, 食下 ….

今日天氣好好, 可能係咁, 入長洲都好多人呀,

我地坐新渡輪船約1小時便入到長洲 …

一落船就見到好多呢 d 小counter, 有渡假屋出租,

真係咁多年都冇變過,

同我讀書時同 d 同學仔入黎 camp 都一樣,

不過而家有d 就有新名稱 "B & B "…..

幾時開始學埋外國咁 …. " Bed & Breakast "

都好嘅, 好嘅就要學下嘛, 又方便 d 外國人 ….

Marcus 一早知道入長洲可以租單車踩,

所以入到去便租了架單車, $30 可以踩一日 ….

chloe 話唔租單車踩, 情願望下海 wor

 

行行下見到呢個 ......

近期好多地方有得賣嘅 “杯麵紙巾筒”

我地都買左個 …..

之後, 我地去左東堤, 沙灘, 天后廟一帶,

原本 marcus 好想去張保仔洞,

但 daddy 話好似而家已經唔比人入, 怕危險

所以最終我地都冇去到 …

只係喺東堤踩下單車, 影下相, 休息下 .....

 

 

行返出碼頭時, 見到有d小食賣 (睇下 part 2啦 ….)

因為要等, 老公就去左呢間 “ B & B “ 買杯咖啡

一路坐一路等.....

見到有 d 好特別嘅舖頭, 裡面賣嘅都係精品….

雖然行左嘅地方唔算多,

但我地都覺得好開心,

到戶外地方行下, 食下咁 …..

大概到5點零鍾,

我地就行返出碼頭附近食晚飯, 之後就返香港喇….

 

食飯前見到日落, 真係好靚 …..