2010年5月13日 (Thur)
Chloe - Disney Grad Day 2010
原本諗住買個畢業公仔帶入園比 chloe 影相, 但最後買唔到,
點知 chloe 同學仔芷棋個表姊帶左 minnie 畢業公仔入園賀表妹仔
chloe 就即刻問芷棋借黎影相 ...
*****
未入園前影返張相先 ...
教英文的 Ms.GiGi 好錫小朋友, 之後我仲同 Ms.GiGi 傾左好多
關於 chloe 喺學校的事
我諗係學校安排, 好多女孩子都係 minnie 門票, 開心 c Chloe ...
入園後, 米奇博士出黎喇 ...
每個小朋友都有一頂由廸士尼送的畢業帽,
排好位就影大合照, 我地學校有好多 k3同學仔呀 
可能我地學校太多小朋友, 我所見都有差唔多7-8個工作人員幫手呀 ...
負責影相嘅哥哥話 : 小朋友, 望呢邊 ..... 1, 2, 3 ..... 笑
今日我用呢部相機影唔哂咁多個同學仔 ...
影班相, 我地 B 班 d 小朋友真係特別活潑, 好難先可以認認真真影張相架
拋畢業証書 ... " Daddy, 媽咪 ... 我地畢業喇 !! "
班主任馬老師 & Ms. GiGi 同小朋友影相 & 家長們同小朋友影相 ...
學校安排的活動做好後, 我地就可以自由活動 ...
chloe ... 你戴住 kitty 帽黎廸廸尼踩場 ???
工作人員哥哥主動問 chloe 玩唔玩過三關, 又問 chloe 叫咩名, 好 nice ...
chloe 贏左呀, 2 個哥哥送左小禮物比佢 ...
今日 chloe 攞超過 60 個 stickers 呀
chloe 同 d 同學仔今日玩左好多野, 玩到癲哂, 不過佢地真係好開心 ...
chloe ... 你又打超過 20 萬分喇
呢 4 個小朋友真係大膽, 上哂咖啡杯彼竟然關門, 最後, 梗係要大人陪啦 ...
睇親呢張相都好好笑, 佢地玩呢個 " 森林河流之旅 " 時
個個都以為係真, 但佢地個個都唔係第一次玩 ...
chloe 話好想玩 "動畫藝術教室", 咁我就同佢一齊畫下啦, 幾認真 ...
今日冇同 mickey/minnie 影相呀, 只影左其他廸士尼朋友,
2 個公主個樣已經冇以前咁似喇, 不過個外國人依然玩得咁開心 ...
chloe 真係 minnie 個 big fans 黎架 ...
學校送比我地 $50 餐卷一 張, 我地叫左個 魚柳飽套餐食 ...
臨離開前, 買了一張由廸士尼負責影嘅全體畢業相, 佢地用大機影,
一定可以影哂咁多個同學仔, 加埋個相框, 係靚 d ...
*****
而家 d 小朋友真係越來越幸福,
幼稚園畢業相可以喺廸士尼同 mickey 一齊影,
雖然 marcus 以前都係喺呢間幼稚園讀書,
不過以前就冇搞呢 d 野喇 ...
