slide 2

slide

p.5 ...... (1) G.S. 課文內容

早幾日 marcus 放學返黎同我講今日 G.S. 堂教左 d "尷尬" 野.....

其實係講緊男仔, 女仔生理成長過程.....

我用認真嘅語氣, 態度同佢講, 呢 d 其實好正常, 係每一個人都會經過嘅階段, 唔需要覺得尷尬, 只要當聽課文一樣便可以 .....

 

自己揀鞋仔著

繼之前要求著群仔後, chloe 又要求自己揀鞋仔著喇.....

 

今日係 chloe 學校為10月份生日的小朋友舉行生日會....

我已經為 chloe 準備好衫 (係群仔呀

) + 鞋仔比佢今日著, 但chloe 著好哂衫後, 當我攞對白鞋仔比佢著時, 佢話想著粉紅色果對, 我同佢講, 因為媽咪幫你準備好白色做主色的衫, 所以著白色鞋仔會比較襯....

chloe 著好鞋仔後坐喺度唔行, 我問佢做咩呀, 佢竟然話 : 我有小小唔開心呀 ......

; 最後, 我都係比佢著白色鞋仔....

我諗, 女仔就係女仔,  雖然 chloe 係1個仲未夠4歲的小妹妹, 但貪靚呢樣野, 真係個個都一樣

睇真 d 張相, chloe 真係仲有小小唔開心 wor, 都唔笑嘅, 放學 tum 下佢先 .....

 

國慶煙花

2008年10月手1日....國慶日

今晚食左晚飯就出去灣仔碼頭一帶睇煙花喇....

今晚嘅煙花都好靚, 有心型, 有星型, 有奧運5環, 仲有唔少得嘅 "百花齊放" 啦

原本想叫老公帶部大機出去影相, 但老公話又要帶腳架, 又多人, 又要抱住 chloe, 唔想帶, 咁我唯有帶我部傻瓜機去啦, 哈哈, 又估唔到我部傻瓜機都影到 bor.....

 

 

離開時仲影左張夜景 .......

 

謙記火鍋

琴晚因為想出去睇國慶煙火, 所以我地去左灣仔 "謙記火鍋" 食晚飯....

都有一陣子冇一家人去 "謙記" 打邊爐喇, 之前同朋友去時已經搬左上樓 lu ....

"謙記" d 食物都唔錯, 幾新鮮架, 食物水準都保持到 

 

我最鐘意鼓油內加蔥, 炸蒜蓉 & 紅椒仔

 

"手切牛肋骨肉" 同埋 "鱔片" 真係好好食,  "牛舌", 我地次次都叫, 好爽  

 

 

"日本黑豚肉", 小小肥, 但好甜

 

"手打蝦丸" 同埋 "雲吞" 都好彈牙

 

 

 

生日會的曲奇

2008年10月2日

今日係 chloe 學校為10月份生日的小朋友舉行的生日會日子 .....

我琴日用左下午時間準備左好多卡通曲奇比 chloe 帶返學校比老師同埋同學仔食, 希望佢地鐘意食啦

 

呢度只係一部份