2009年5月2日 (晴)
今日我地又 book 左做手工藝喇,
今次我做 " 馬賽克 " ...
呢個手工藝唔 arm 小朋友玩,
因為要用個特別較剪剪碎 d 磚仔,
我都比 d 磚仔界親手呀 ...
我的製成品 ....
" 相架 "
今次就冇老師幫手喇, 自己剪磚仔後,
一小塊一小塊咁由我自己粘上去架 ...
又係好認真做架 ...
做完手工藝就去另一個會所餐廳食飯,
呢邊呢個會所餐廳可以望到好大好靚的 golf 場 ...
lobby 有座鋼琴,
食飽飯, 幾個女孩子個個喺度獻技呀 ....
個個都彈得好好聽, 不過,
chloe .... 你雖然都彈過真嘅鋼琴,
但你果陣都係得果歲幾 2歲, 仲要係哥哥練緊琴時
喺哥哥身邊搞搞陣果隻, 你 ..... 你唔好扮識 wor 
個 lobby 都幾靚架, 影張全家幅先,
e ... 唔見左 uncle 嘅 ?
食完飯, d 小朋友又要去游水喇,
今次 marcus 曬黑左返黎呀,
有 d 睇唔慣佢黑左 tim,
佢平時就算曬完, 都係紅一晚 or 二晚,
第 3日都會白返架, 不過,
今日已經係第 4 日喇, 依然都仲黑 wor ....
游完水, 要返香港喇, 我地 book 左 4 點鐘車,
回程時, 好正常, 我地大約6點半已經去到中環喇 ...
上車前, 仲要一人一支雪糕 or 雪條, 真係正到暈呀 ...
好鐘意呢張相, chloe 好專心食緊甜筒 .... 
chloe 食完雪糕後就訓喇, 佢玩到好攰呀 ....
小插曲 ...
過香港海關時 ....
因為香港宣佈有 1 宗 "豬流感" 確疹,
所以所有海關員都戴上口罩嚴陣以待,
可能 chloe 比我叫醒佢, 佢個樣訓唔醒咁,
有個海關員叔叔話 : 小妹妹, 你過黎比我探下體溫啦,
果一刻, 個心真係有 d 驚架,
小朋友 arm arm 訓醒個體溫會高 d + 嘛,
如果探到佢有高溫就麻煩喇 ...
好彩, 我見到個探熱器出現 "LO" 字,
咁先冇咁驚咋 ....
我地呢個短 trip, 話咁快就玩完 2 日喇,
chloe 仲話想要訓多晚 tim 呀
希望好快又有下一次啦,
不過都可能要等到過埋 6 月喇,
因為除左 chloe, 個個小朋友都要應付學期尾考試呀 ....
