好少朝早上網, 不過一陣要出街, 呢 2 篇 blog 亦係琴晚已經打好,
不過因為有野做冇出到, 趁 chloe 未起身出左先 ....
2010 年 4月4日 (sun) 間中有雨
今日係今次台灣之旅最後一日
原本諗住有 d 食物 (eg 李儀鳳梨酥 & amo 千糕)留返今日先買,
點知因為失左預算而買唔到 ...
可能會問點解咁多日都冇喺酒店食早餐 ?
其實係有架, 婆婆 & marcus 日日都有去食早餐
不過個早餐 buffet 唔太吸引, 所以我同開心 daddy只食左一日咋 
今朝大約 10點, 就執哂行李 check out, 行李先放在 reception,
出發去永康街食牛肉麵, 可惜有少少被旅遊書誤導,
搵左好耐先去到 "永康牛肉麵", 不過佢嘅牛肉麵真係好味, 特別係 "清燉牛肉麵"
我地去到果陣都唔駛排隊, 但離開時已經見到有條龍喇, 又係好多香港人 ...
想去食冰館, 但怕時間唔夠, 最終都冇去食 ...
因為時間真係就唔到, 最後, 連 Mayu Bistro 都冇去到 ...
但一定要返去西門町買鴨舌 ... 
返酒店攞返行李就出台北車站搭國光號出機場 ...
去埋 Hello Kitty 候機室, 短短10 分鐘, 又影相又買野 又係時候上機喇 ...
Last 5 minutes for shopping ... 真係講得好啱 
回程一樣有新片睇, 想睇亞凡達, 不過一定睇唔哂, 所以放棄左, 睇左
" 複雜關係 It's Complicated ", 喺香港已經想租碟睇, 可惜都係睇唔哂 ...
飛機餐 ... 得件cake 好食 !!
今次呢個 trip 雖然只得短短 5日, 不過我地都一樣玩得, 食得好開心
今次冇去到嘅, 冇食到嘅, 希望好快就再有下次再去過, 再食過
買嘅野唔係好多, 因為真係同香港差唔多, 有 d 仲貴過香港 tim ...
至於食嘅, 都有唔少, 不過本來可以更多 ...
呢盒係喺九份 "手信坊" 買的, 唔記得個名, 類似麻糬, 粒粒唔同味道
有水果餡, 有紅豆, 綠茶, 芝麻, 花生等等, 我地最鐘意花生
呢個牛奶莫加 mousse 甜品係喺 mos burger 買的, 可惜只剩一樽 ...
台灣 5 天之旅 ... 完
沒有留言:
張貼留言