暑假最後一擊 - 海洋公園

 

2009年8月31日 (mon)

今日又出擊, 係暑假最後一擊喇 ...

我地去左海洋公園兼玩埋今日係 last day 的下水禮

其實, 我都差 d 唔記得左應承 2 個小魔怪

帶佢地去 op 玩, 係佢地 2 個提我 ...

見 marcus 聽日未開學, 又應承佢地在先, 咁就去啦,

今朝同 marcus 返學校開完家長會, 食埋 lunch 就出發 ...

 一入 op, chloe 就買左呢頂 cap 帽 (連埋太陽眼鏡 ...)

cashier 個姐姐話佢似明星,

chloe 就好唔怕醜咁話, 係呀, 我似容祖兒呀

因為 chloe 好鐘意容祖兒, 仲好鐘意唱佢其中一首歌 tim

今日唔太多人, 上熊貓館前見到一大班哥哥姐姐

跳森巴舞, chloe 佢地都出去一齊玩  ....

呢個 "海洋列車" 係新開嘅, marcus 幫佢改左個名

" 海馬號 " .... 其實係一架列車由山下載你到山上

"亞洲動物天地" 又係新開, 我地都未去過

裡面有可愛的 "小熊貓", "揚子鱷" , "大熊貓盈盈樂樂" &

我唔鐘意嘅 "蛙蛙魚", 我完全冇行埋去睇兼影相 ...

"金魚寶殿" ... 有一盞燈比遊人留言,

marcus & chloe 都有留言 ...

" 下水禮 " .... chloe 成日望住隻恐龍 b b 幾時出世  

呢個下水禮, 分 2 part ....

第1 part 係射水槍戰, 比較啱大人和大 d 嘅小朋友玩 ...

第 2 part 就係玩泡泡 ... 

marcus 玩得好開心, 不過 chloe 就麻麻喇

chloe 話唔鐘意 d 泡泡入口 wor ...

marcus 玩得幾投入, 成個泡泡人咁, 睇見都好笑呀 ...

玩完下水禮, 我地就入左去睇恐龍,

 有埋恐龍叫聲, 都幾像真架 ....

玩到差唔多 7 點, 我地就離開喇, 雖然只玩左半日,

我都覺得好攰咁, 11點左右就上床訓覺 ...

 

ivr