開心Blog 聚 - BBQ

 

2009年 1月18日

今日好開心,

去左一個 blog 聚 - bbq

地點係硬琳家,

今日都有好多人,

大人加埋小朋友有成18人 ....

雖然話今日係 bbq

但各人都有準備佢地嘅美食黎

而我,  喺唔夠時間嘅況下,

只準備左芝士波波

真係失禮哂兼唔好意思 ...

睇下各人帶黎嘅美食先 ....

樣樣都好好味, 忍唔住樣樣都要食呀 ....

硬琳準備嘅咖啡甜品 (c...唔記得個靚靚名 tim  )

仲有鳥結糖, chloe 成日想食多幾粒架 .....

coki 帶黎嘅芝士蛋糕同埋提子合桃朱古力 ...

mander 帶黎嘅白糖糕

wingwing帶黎嘅食物禮品包 : 有蛋糕仔, 老婆餅,

2款包包, 曲奇餅 ...

師奶仔帶黎嘅林明頓, 芝麻包包,

muffin同埋沙樂美腸

我帶去嘅芝士波波, 不過拎到去個樣都變哂 .... 

之後就開始 bbq,

其實都係得 syc204,登登, 同埋 dada 幫我地燒,

真係唔該哂佢地, 等我地可以坐享其成 .....

呢度只係一部份食物,

我因為掛住傾計都冇影哂所有食物嘅相

今日仲幫 2 個小妹妹慶祝生日, 

就係大冬瓜同埋希希喇.....

睇下, syc 204 做左 2 個好靚嘅 barbie 生日蛋糕比佢地呀,

靚到唔捨得切開佢地呢 ....

條群係用甜忌廉打出黎再唧上去架 ....

oh.....隻珍珠戒子, 真係大粒到, 我諗一定好貴

呢個出浴 barbie 蛋糕係咪好 sexy 呢,

特別係佢身上同埋鼻尖嘅泡泡呀

食完蛋糕, 我地都差唔多走喇,

真係好多謝硬琳嘅招呼, 仲要麻煩佢地執拾 tim ....

不過, 今日真係好開心, 識到一班新朋友仔

 

 

仲有仲有, 見到呢個好可愛嘅節節,

一見到節節真係唔捨得唔抱佢,

佢又乖, 唔怕陌生, 又嗲 .... 

chloe 見到節節後, 成日都話想要抱佢呀 .....