聖誕日 @ 長洲 (Part 2 - 周圍食下篇.....)
我地今日入長洲, 除左周圍行下之外,
都有周圍食下架 ….
辣魚蛋, 幾好味, 如果可以辣 d 仲好 ….
庶汁, 雪到變冰架, 幾好飲, 好凍又唔會太甜 … 仲有好多舖頭賣呢 d 小食架 ….
張記魚蛋粉, 見到呢間張記好多人食,
想喺呢間食 lunch, 不過真係太多人喇,
連等位的人都大排長龍, 所以最後都放棄左 ….
英皇茶餐廳, 見呢間都幾多人食,
又咁 arm 有一圍枱的人走, 所以就試下呢間,
我地叫左茄汁豬扒飯 & 星洲炒米, 食物就一般啦 ….
"巨薯棒", 飲食男女都有介紹過架,
超多人, 不過攞支巨薯棒時, 有 d 失望...
因為 d 薯片係唔熱嘅, 失色左, 不過叫做試過啦….
"巨形魚蛋", 長洲有幾檔架,
我地食呢檔 d 巨形魚蛋唔係炸得好金黃,
同埋 d 魚肉唔係好實咁, 不過真係好大架,
睇下張相, 隻拳頭係marcus 架,
1個10歲小朋友的拳頭 ….
海龍王大排檔, 我地喺呢間食晚飯,
喺海邊食海鮮, 幾好 feel,
原本我地叫左 4個餸, 可惜黎左2個餸後,
有1個餸要等成半個鐘先黎,
仲有1個仲話漏左落單….
仲係我鐘意食嘅 “椒鹽賴尿蝦”
但係真係好多人喺呢間食,
再落單的話可能又要等多半個鐘
所以都係埋單走人 …..
