2008 大阪之旅 - day 4 (Part 2) 完成喇 ......

2008年7月3日 (晴)

嵯峨野小火車 / 嵐山渡月橋 / 金閣寺

食飽之後就睇住地圖去搵 "渡月橋" 喇 ..... 沿途會見到大型手信店, 可以入去睇下野, 買下野咁, 有好多京都特產架 :

行到好熱, 就買雪糕食, 呢間雪糕店話係日本全國 dessert 排15位!! 真係好味 wor, 又滑又香

食完雪糕再行就係 "渡月橋" :

過左渡月橋之後就係嵐山公園, 不過個公園似乎係一眼睇晒, 冇咩特別 ..... 我地好快就過返渡月橋返轉頭喇去京福嵐山駅坐京福電氣鐵道去北野白梅町駅 (中途要轉喺 " 帷子ノ辻" 站轉車)

呢個小食係有七味粉喺上面架, 不過其實係 d "煙煙 un un" 嘅食品黎 : 

有好多人會將 d 願望寫落張紙度再綁喺樹上 :

呢個京福嵐山駅好得意, 如果唔留意, 跟本唔知佢係1個車站, 個月台有仲有 d 特別, 就係有個溫泉可以一邊浸腳一邊等車, 真係冇諗過可以浸住腳等車呀!! 可惜我地去到已經有架車喺度等開車, 如果唔係我地可能會試下架  

呢個就係京福嵐山駅內可以浸足嘅溫泉 :

呢架火車好細架,  得一個車卡, 好地道, 落車嘅時候先俾錢......我仲見到幾個學生, 有個仲好靚仔 tim

 

待續 ........

2008 大阪之旅 - day 4 (Part 1) 完成喇 .......

2008年7月3日 (晴)

嵯峨野小火車 / 嵐山渡月橋 / 金閣寺

第一日到埗後就買左今日坐10:18分嘅小火車車票, 因為由心齋橋出發, 到梅田再轉 JR 至京都駅再轉 JR 嵐山線 (唔駛出站) 至馬崛駅, 大約要1個鐘, 但我地再預多小小時間, 所以今朝預早 d 出門口, 上網 check 過資料, 由嵯峨駅出發會比較多人, 於是決定由龜岡出發, 要注意嘅係由京都駅去小火車龜岡駅, 係要喺馬崛駅落車, 而唔係 JR 龜岡駅! 到左馬崛駅仲要步行約10分鐘 (路牌指示係咁寫架

不過我地唔駛10分鐘就行到喇)

 

 

我地今次買左第4卡中段左手面既坐位, 因為睇過資料, 係由龜岡出發,  火車左手邊見到保津川嘅既時間會比較多, 會多 d 景色睇; 經過保津川時, 由火車向下望見到果 d 激流船,  我地同仲同船上嘅人互相揮手 tim,  好得意

.  睇旅遊書同埋有網友講過,  中途會有個日本妖怪行來行去,  車長仲會唱歌攪氣氛, 不過我地呢程又冇 wor 

不過 d 景色都唔錯, 如果有紅葉或櫻花襯托就更靚啦......

車箱內 :

保津川 :

呢個車程, 會經過一個叫 "保津峽" 嘅站, 我好鐘意呢個站, 因為有好好聽嘅音樂聲, 令人好舒服 .....

經過半個鐘旅程, 終於去到嵯峨駅喇, 我地一落車就去第5卡影張相, 又去左車頭度影相,  仲企埋上車頭同埋攞埋車長帽黎戴 tim (有4頂放左喺度, 我諗可以比你攞黎影相掛

).  我地影完火車頭之後就喺車站入面嘅手信舖買左 d手信, 跟住就離開車站喇.

第5卡車箱, 個車頂係玻璃黎嘅 :

火車頭 :

出左車站, 會見到1個博物館 :

先搵地方食早餐先, 因為今朝早出門口都冇食到早餐, 我地搵左間由伯伯經營嘅 coffee shop, 杯 coffee 唔錯, cake 就一般啦, 不過個 toast 就好好味

中間果個伯伯就係老闆 :

 

待續 ......

油油

2008年7月27日

 

決定左今日幫 marcus 間房油油......

由今朝11點零鐘開始, 由用 "抺霉水" 開始, 直至油完整間房都差唔多用左一日時間, 因為當中要等用 "抺霉水"  抺2 次, 又要等乾, 跟住要油 2/3 "浸" 油, 老公話起碼要油 2/3 "浸" 油先至靚, d 色先出 ......

油完之後望落去靚左, 乾淨左, 新左......希望今次老公嘅努力唔會白費啦

2008 書展

2008年7月25日....

我同 marcus 去左書展 (chloe 就放低左喺 auntie kat 屋企)

我同 marcus 去到灣仔大約11點40分左右, 我地先去食 lunch 先入書展 ....

食完 lunch 就行去會展喇, 雖然都要排長龍, 但條龍係不停行嘅, 所以都好快入左會場, 因為1:00pm 前入場, 所以可以買平飛 ($10.00 一張, 大小同價)

先入 Hall 5, 一入到去就去左 classroom/長河 買 $5.00/10.00/20.00 嘅 exercise 比 marcus, 雖然 marcus 唔係做開呢個出版社, 不過咁平, 買黎做下啦, 而且今年升 p.5, 要呈分喇, 況且, 做多 d 練習都係加深佢記憶.....

買左幾本 exercise + TSA 習作後就正式行 Hall 5, 行左都有3個幾鐘, 最終買左 marcus 想買好耐嘅 "魔幻王國" 全套; 又買左 marcus 做開嘅 "longman 90 days 系列, 5年級全年主科習作"; 又買左 hello kitty 系列 (台灣出) 嘅 colouriing book, abc, 數字, 迷宮遊戲; 公主系列, 一定要有 ariel

 (台灣出) 嘅 colouring book, 數學; disneyland 故事書, 活動圖書, 拼圖故事書 文具等等, 仲喺 "現代出版社" 買左一套 programme, 係比 marcus每日喺網上做中, 英, 數, 常, 電腦功課, 做好後有 token 攞再去玩遊戲, $328.00 一年, 仲送4年級/6年級嘅題目, 都 ok 啦, 唔駛 $1.00/日, 不過都要 marcus 研究下先再 report 返比我聽    

, 唔明再一齊研究

之後就去 Hall 1 & 2, 見到有 d書都好想買, 但真係冇手拎, 又想返深圳睇下有冇大6版 (簡體字), 所以都冇買到, 只買左一本 "東京鐵塔" 比自己......

大約6點3左右我地就離開書展 ......

 

marcus d  exercise 就唔影喇 ....

臨走前, chloe 打電話比我地話好掛住我地 wor, 呢個囡呢.......

去到 亞 kat 屋企,  亞 kat 話 chloe 好乖, 自己 "畢" 飯食, 又食哂, 全日都冇喊,又冇扭計

不過我就唔會一次過比哂 d 書 chloe, 而係續 d續 d 比佢, 或者等佢完成一樣之後先再比佢